သမိုင်းဝင် ရှုံးပွဲ ထပ်တွေ့ခဲ့တဲ့ မန်စီးတီး၊ ဟားလ်စီးတီးနဲ့ ရှက်ဖီးတို့ ဆီမီးတက်တဲ့ FA ဖလား ကွာတားပွဲစဉ်

မတ် ၁၀ ၊ ၂၀၁၄
M-Media

– FA ဖလားကွာတားဖိုင်နယ်ပွဲစဉ်ရဲ့ ကျန်ရှိတဲ့ ၃ ပွဲကို မနေ့က ကစားခဲ့ပြီး ပြီခဲ့တဲ့နှစ် ဗိုလ်လုပွဲမှာ ၀ီဂန်ကို ရှုံးနိမ့်ကာ ချန်ပီယံဖြစ်ခွင့် လက်လွှတ်ခဲ့ရတဲ့ မန်စီးတီးတို့ ဒီပွဲမှာလည်း ၀ီဂန်ကို ထပ်မံရှုံးနိမ့်ခဲ့ကာ ပြိုင်ပွဲကနေ ထွက်ခွာခဲ့ရပါတယ်။

ပိုယက်ရဲ့ ဆန်းဒါးလန်း အသင်းကလည်း အဝေးကွင်းမှာ ဟားလ်စီးတီးကို ဂိုးပြတ်နဲ့ အရှုံးပေးခဲ့ရပြီး၊ ဒုတိယတန်းက ရှက်ဖီးကတော့ ချာလ်တန်ကို ၂ မိနစ် ၂ ဂိုးနဲ့ နောက်တစ်ဆင့် တက်နိုင်ခဲ့ပါတယ်။

အင်္ဂလိပ်ပထမတန်းမှာ ခြေစွမ်းပြနေပြီး နောက်ဆုံး ၄ ပွဲစလုံးအနိုင် ကစားထားတဲ့ ၀ီဂန်ကို ပြည်တွင်းဖလား သုံးလုံးမှန်းနေတဲ့ လိဂ်ဖလား ပူပူနွေးနွေးချန်ပီယံ မန်စီးတီးတို့ အကောင်းဆုံး ၁၁ ယောက်နဲ့ အိမ်ကွင်းအီတီဟတ်မှာ ဧည့်ခံခဲ့တာပါ။ ပွဲကိုလည်း မန်စီးတီးကသာ စိုးမိုးထားနိုင်ပေမယ့် ခံစစ်ကစားပြီး၊ တန်ပြန်တိုက်စစ်ကနေ ဂိုးရဖို့ကြိုးစားခဲ့တဲ့ ၀ီဂန်နောက်တန်းကြောင့် ထိထိရောက်ရောက် ထိုးဖောက်နိုင်ခြင်းမရှိခဲ့ပါဘူး။ ၂၅ မိနစ်မှာတော့ ဧရီယာအတွင်း ဘောလုံးဆွဲဝင်လာတဲ့ ၀ီဂန်ကစားသမား ဖော်ကျွန်းကို ဒီမစ်ချယ်လီ ချိတ်သလိုဖြစ်သွားတဲ့အတွက် ဒိုင်လူကြီးက ပင်နယ်တီပေးခဲ့ပြီး ဂိုမက်ဇ်က အမှားအယွင်းမရှိ ကန်သွင်းယူနိုင်ခဲ့ကာ ၀ီဂန်တို့ဦးဆောင်ဂိုး စရခဲ့ပါတယ်။

ဒုတိယပိုင်းအစမှာ ၀ီဂန်တို့ဒုတိယဦးဆောင်ဂိုးရခဲ့ပြီး ဘယ်ခြမ်းက ဖျက်တင်ပေးလိုက်တဲ့ဘောလုံးကို ဂျိမ်းစ်ပါ့ခ်ျက ပိတ်သွင်းခဲ့တာပါ။ ဒီဂိုးဟာလည်း ဒီမစ်ချယ်လီရဲ့ အမှားနဲ့ မကင်းပါဘူး။ နောက်ပိုင်းမှာ မန်စီးတီးတို့ ဂိုးရဖို့ ကြိုးစားလာခဲ့ပြီး ၆၈ မိနစ်မှာ နာဆရီက အဝေးကန်ချက်နဲ့ ချေပဂိုး ၁ ဂိုးသွင်းယူနိုင်ခဲ့ပါတယ်။ ဒါပေမယ့် လိုအပ်နေတဲ့ နောက်ထပ်ချေပဂိုး ၁ ဂိုးနဲ့ အနိုင်ဂိုးတွေကိုတော့သွင်းယူနိုင်ခြင်းမရှိတဲ့အတွက် အိမ်ကွင်း အီတီဟတ်မှာ ရှုံးနိမ့်ခဲ့ရပြီး FA ဖလားကို ကွာတားအဆင့်နဲ့ပဲ ကျေနပ်ခဲ့ရပါတယ်။

ပရီးမီးယားလိဂ် ကလပ်အသင်း ၂ သင်းဖြစ်တဲ့ ဟားလ်စီးတီးနဲ့ ဆန်းဒါးလန်းတို့ပွဲမှာတော့ အိမ်ရှင် ဟားလ်စီးတီးက ဒုတိယပိုင်းသွင်းဂိုးတွေနဲ့ ၃ ဂိုးပြတ် အနိုင်ရခဲ့ပါတယ်။ ဆန်းဒါးလန်းအသင်းဟာ လိဂ်ဖလားဗိုလ်လုပွဲမှာ မန်စီးတီးကို ရှုံးခဲ့တဲ့လူစာရင်းကို ၆ နေရာအပြောင်းအလဲလုပ်ခဲ့ပေမယ့် သိပ်အလုပ်မဖြစ်ခဲ့ဘဲ တစ်ပွဲလုံးမှာ ဂိုးသွင်းခွင့် ၂ ကြိမ်လောက်သာရခဲ့ပါတယ်။ ဟားလ်စီးတီးအသင်းဟာ ပထမပိုင်းမှာ ပင်နယ်တီ ၁ လုံးရခဲ့ပေမယ့် ဆုန်းအလူကို ကန်သွင်းချက်ဂိုးမ၀င်ခဲ့ပါဘူး။ ဒါပေမယ့် အနိုင်ဂိုးတွေကိုတော့ ဒုတိယပိုင်းမှာရခဲ့ပြီး ကာတစ်ဒါဗီးစ်၊ ဒေးဗစ် မေလာနဲ့ မတ်ဖရိုက်ယက်တို့က သွင်းယူပေးခဲ့တာပါ။

ရှက်ဖီးယူနိုက်တက်နဲ့ ချာလ်တန်တို့ရဲ့ပွဲမှာတော့ ရှက်ဖီးတို့ ဒုတိယပိုင်း ၆၅မိနစ်နဲ့၊ ၆၇ မိနစ်သွင်းဂိုး၂ ဂိုးနဲ့ ဆီးမီးဖိုင်နယ်ကိုတက်ရောက်နိုင်ခဲ့ပါတယ်။ ဆီမီးဖိုင်နယ် ကစားဖို့အတွက် မဲခွဲခဲ့ရာမှာတော့ စနေနေ့က အဲဗာတန်ကိုနိုင်ခဲ့တဲ့ အာဆင်နယ်ဟာ မန်စီးတီးကို ဖြုတ်ချနိုင်ခဲ့တဲ့ လက်ရှိချန်ပီယံ ၀ီဂန်နဲ့ တွေ့ရမှာဖြစ်ပြီး၊ ဟားလ်စီးတီးအသင်းကတော့ ဒုတိယတန်းကလပ် ရှက်ဖီးယူးနိုက်တက်နဲ့ တွေ့ဆုံရမှာဖြစ်ပါတယ်။ ဆီးမီးဖိုင်နယ်ပွဲစဉ်တွေကိုတော့ ဧပြီ ၁၂ရက်နဲ့ ၁၃ ရက်တွေမှာ ကစားသွားမှာပါ။

FA ဖလား ဆီမီးဖိုင်နယ်ပွဲစဉ်များ

အာဆင်နယ် VS ၀ီဂန်
ဟားလ်စီးတီး VS ရှက်ဖီး

Goal