ပွဲ ၁၀၀၀ ပြည့်မှာ အရှက်ကွဲခဲ့ရတဲ့ ၀င်းဂါးနဲ့ အသင်းကြီးတွေ ဂိုးမိုးရွာခဲ့တဲ့ ပရီးမီးယားလိဂ်ပွဲစဉ် ၃၁

မတ် ၂၄၊ ၂၀၁၄
M-Media

– ပရီးမီးယားလိဂ် ပွဲစဉ် ၃၁ ကို စနေနေ့မှာ ၈ ပွဲနဲ့ တနင်္ဂနွေနေ့မှာ ၂ ပွဲကစားခဲ့ပြီး အံ့သြစရာရလဒ်တွေလည်း ထွက်ပေါ်လာခဲ့ပါတယ်။

ဒီရာသီအိမ်ကွင်းကောင်းဆုံးဖြစ်နေပြီး လီဗာပူးလ်၊ မန်စီးတီး၊ မန်ယူ၊ စပါး အားလုံးကို အနိုင်ကစားနိုင်ခဲ့တဲ့ချယ်ဆီးတို့ စနေနေ့မှာ ကစားခဲ့တဲ့ အာဆင်နယ်နဲ့ပွဲမှာလည်း ၆ ဂိုးပြတ်နဲ့ အံ့ဖွယ်အနိုင်ရခဲ့ပါတယ်။ ပွဲအစ ၇ မိနစ်မှာပဲ ၂ ဂိုးပေးလိုက်ရတဲ့ အာဆင်နယ်တို့ ချယ်ဆီးကွင်းလယ်ကို ယှဉ်မကစားနိုင်ခဲ့ဘဲ နောက်ပိုင်းမှာ နောက်ထပ် ၄ ဂိုးဆက် ထပ်ပေးခဲ့ရပါတယ်။ ဒီပွဲဟာ မိမိရဲ့အာဆင်နယ်နည်းပြ သက်တမ်းတစ်လျှောက်မှာ အဆိုးဆုံးပွဲဖြစ်တယ်လို့ ပွဲအပြီးမှာ အာဆင်ဝင်းဂါးက ၀န်ခံခဲ့ပါတယ်။

ဇယားအောက်ခြက ရုန်းကန်နေရတဲ့ ကာဒစ်ဖ်နဲ့ ကစားခဲ့တဲ့ လီဗာပူးလ်တို့ကလည်း အမှားအယွင်းမရှိခဲ့ဘဲ ၆ ဂိုး ၃ ဂိုးနဲ့အနိုင်ရခဲ့ပြီး၊ မန်စီးတီးကလည်း ယာယာတိုးယေးရဲ့ ဟက်ထရစ်နဲ့အတူ ဇယားအောက်မှာ ကျောက်ချထားတဲ့ ဖူလ်ဟမ်ကို ၅ ဂိုးပြတ်ခဲ့ပါတယ်။

ချန်ပီယံလိဂ်မှာ ဒုတိယအကျော့မှာ အကောင်းဆုံးခြေစွမ်းပြပြီး ကွာတားဖိုင်နယ်တက်သွားတဲ့မန်ယူလည်း အဝေးကွင်းမှာ ရူနီရဲ့ သွင်းဂိုး ၂ ဂိုးနဲ့အတူ ၃ မှတ်ရယူနိုင်ခဲ့ပါတယ်။ နောက်ဆုံး ၂ ပွဲဆက်ရှုံးထားတဲ့ စပါး ဒီတစ်ပတ်မှာတော့ ဆောက်သက်တမ်အသင်းကို ချေပဂိုးတွေ နောက်ကလိုက်သွင်းပြီး ဒုတိယပိုင်း နာကျင်အချိန်ပိုမှာ စီဂါ့ဒ်ဆန်ရဲ့ သွင်းဂိုးနဲ့ ကံကောင်းထောက်မစွာ နိုင်ခဲ့ပါတယ်။ ဟားလ်စီးတီးနဲ့ နော်ဝစ်ခ်ျတို့ကလည်း အိမ်ကွင်းမှာ ၀က်ဘရွန်းနဲ့ ဆန်းဒါးလန်းတို့ကို ပထမပိုင်း သွင်းဂိုးတွေနဲ့ အနိုင်ရခဲ့ပါတယ်။

နောက်ဆုံး ၅ ပွဲမှာ ၃ ပွဲအထိ ရှုံးထားပြီး ခြေမမှန်တဲ့ နယူးကာဆယ်တို့ ဒီတစ်ပတ်မှာလည်း ခြေစွမ်းကောင်းတွေကို သိပ်မပြနိုင်ခဲ့ပါဘူး။ ဒါပေမယ့် ဒုတိယပိုင်း နာကျင်အချိန်ပိုမှာ ဒမ်ဘာစစ်ဆေးက ခေါင်းတိုက်ဂိုးကြောင့် အိမ်ကွင်းမှာ အနိုင် ၃ မှတ်တော့ ရအောင်ယူနိုင်ခဲ့ပါတယ်။

ပွဲစဉ် ၃၁ အပြီးမှာ ပရီးမီးယားလိဂ် ဇယားကို ချယ်ဆီးက ဆက်လက်ဦးဆောင်နေပြီး လီဗာပူးလ်၊ မန်စီးတီးတို့ အစဉ်လိုက်ရှိနေကာ အာဆင်နယ်ကတော့ တစ်ပွဲလျော့ ချယ်ဆီးနဲ့ ၇ မှတ်အကွာ စတုတ္ထနေရာမှာ ရှိနေပါတယ်။

အဆင့် ၁၄ ကနေ ၂၀ အထိ ၇ သင်းမှာ နောက်ဝစ်ခ်ျတစ်သင်းသာ အနိုင်ရခဲ့ပြီး၊ ဇယားအောက်ဆုံးမှာ ဆန်းဒါးလန်၊ ကာဒစ်ဖ်နဲ့ ဖူလ်ဟမ်တို့ အသီးသီးရှိနေပါတယ်။

ပရီးမီးယားလိဂ် ပွဲစဉ် ၃၁ ရဲ့ ရလဒ်များကတော့ အောက်ပါအတိုင်းဖြစ်ပါတယ်။

ချယ်ဆီး ၆-၀ အာဆင်နယ်
ကာဒစ်ဖ် ၃-၆ လီဗာပူးလ်
အဲဗာတန် ၃-၂ ဆွမ်ဆီး
ဟားလ်စီးတီး ၂-၀ ၀က်စ်ဘရွန်း
မန်စီးတီး ၅-၀ ဖူလ်ဟမ်
နယူးကာဆယ် ၁-၀ ခရစ္စတယ်ပဲလေ့စ်
နော်ဝစ်ခ်ျ ၂-၀ ဆန်းဒါးလန်း
ဝက်စ်ဟမ်း ၀-၂ မန်ယူ
စပါး ၃-၂ ဆောက်သက်တမ်
ဗီလာ ၁-၄ စတုတ်စီးတီး