ဘွန်ဒစ်လီဂါ အမှတ်ပေးချန်ပီယံ ဘိုင်ယန်ဆွတ်ခူး၊ သမိုင်းတစ်လျှောက် ရာသီမကုန်ခင် အစောဆုံး ချန်ပီယံဖြစ်လာ

မတ်-၂၆၊ ၂၀၁၄
M-Media

– ယနေ့နံနက်က ကစားခဲ့သည့် ဟာသာဘာလင်အသင်းနှင့် အဝေးကွင်းပွဲစဉ်တွင် ၃ ဂိုး ၁ ဂိုးဖြင့် အနိုင်ရရှိခဲ့ပြီးနောက် ဘိုင်ယန်မြူးနစ်အသင်းမှာ ဂျာမန်ဘွန်ဒစ်လီဂါချန်ပီယံဘွဲ့အား ဆွတ်ခူးရရှိသွားသည်ဟုသိရသည်။

ဘွန်ဒစ်လီဂါပွဲစဉ်ပြီးဆုံးရန် ၇ ပွဲလိုသေးသော်လည်း ၇၇ မှတ်ရရှိထားသည့် ဘိုင်ယန်မြူးနစ်အသင်းမှာ ဒုတိနေရာမှ ဒေါ့မွန်အသင်းအား ၂၅ မှတ်ဖြတ်ထားနိုင်သောကြောင့် ချန်ပီယံဘွဲ့အား စောစီးစွာ ဆွတ်ခူးနိုင်ခဲ့ခြင်းဖြစ်ပြီး ဘွန်ဒစ်လီဂါသမိုင်းတစ်လျှောက် ချန်ပီယံဘွဲ့အား အစောဆုံး ဆွတ်ခူးနိုင်သည့် စံချိန်ကိုလည်း ရရှိခဲ့သည်။

ဘိုင်ယန်မြူးနစ်အသင်းမှာ ယခုနှစ်ဘွန်ဒစ်လီဂါ ကစားပြီးသည့် ၂၇ ပွဲတွင် အမြင့်ဆုံးရနိုင်သည့်အမှတ်ထက် ၄ မှတ်သာလျော့ခဲ့သည်။ ဘိုင်ယန်အား ပထမဆုံးကိုင်တွယ်သည့်ရာသီမှာပင် စံချိန်သစ်ဖြင့် ဘွန်ဒစ်လီဂါဖလားကို ရရှိခဲ့သည့် ဂွါဒီယိုလာက

“ကျွန်တော်တို့ လုပ်နိုင်ခဲ့တဲ့အတွက် ကျေနပ်မိပါတယ်။ အသင်းရဲ့ နောက်ထပ်ဆုဖလားတစ်ခုဖြစ်ပြီး အရေးကြီးတဲ့ ဆုဖလားလည်းဖြစ်ပါတယ်။ တစ်ရာသီလုံးကောင်းကောင်း ကစားခဲ့တဲ့အတွက် ဒီလိုခံစားရတာပါ။ ဘွန်ဒစ်လီဂါဆိုတာ ကျွန်တော်တို့အတွက် ပါမုန့်ထောပတ်သုတ်ပါပဲ (သိပ်ကိုချိုမြိန်ပါတယ်)” ဟု ပွဲအပြီးတွင် မီဒီယာသို့ပြောကြားခဲ့သည်။

ဂျာမန်ရှုံးထွက်ဖလားပြိုင်ပွဲတွင် ဆီးမီးဖိုင်နယ်၊ ချန်ပီယံလိဂ်တွင် ကွာတားဖိုင်နယ်သို့ ရောက်ရှိနေသည့် ဘိုင်ယန်မြူးနစ်မှာ ယမန်နှစ်ကကဲ့သို့ ဖလားသုံးလုံးရရှိရန် အလားအလာလည်းရှိနေသည်။