ရီးယဲလ်မှာ ချန်ပီယံဘွဲ့အား ဆွတ်ခူးနိုင်သည်ဟု အလွန်ဆိုပြော

မတ် ၂၇ ၊ ၂၀၁၄
M-Media

– မိမိတို့အသင်းမှာ ကျန်ရှိသည့်လာလီဂါပွဲစဉ်များအားလုံးကို အနိုင်းကစားရမည်ဖြစ်ပြီး ချန်ပီယံဘွဲ့အား ဆွတ်ခူးနိုင်သည်ဟု ရီးယဲလ်ကွင်းလယ်လူ အလွန်ဆိုက ပြောကြားလိုက်သည်။

ပြီးခဲ့သည့် တစ်ပတ်က ဘာစီလိုနာအသင်းအား ၄ ဂိုး ၃ ဂိုးဖြင့်ရှုံးနိမ့်ခဲ့သည့် ရီးယဲလ်မှာ ယနေ့နံနက်က ကစားခဲ့သည့် ဆီးဗီးလားအသင်းနှင့် ပွဲတွင် ၂ ဂိုး ၁ ဂိုးဖြင့် ထပ်မံရှုံးနိမ့်ခဲ့သည်။ ထို့ကြောင့် ပြီးခဲ့သည့် နှစ်ပတ်ကျော်က ဇယားထိပ်ဆုံး၌ ရှိနေသည့် ရီးယဲလ်မှာ ယခုအခါ တတိယနေရာအထိ ကျသွားခဲ့ပြီး ထိပ်ဆုံးမှ အက်သလက်တီကိုအသင်းနှင့် ၃မှတ်ကွာဟနေသည်။

ရီးယဲလ်အနေဖြင့် ချန်ပီယံဘွဲ့အား ကိုင်မြှောက်လိုပါက လာမည့်ပွဲများတွင် ခြေချော်၍ မဖြစ်ဟု အလွန်ဆိုက ဆိုသည်။

“ကျန်တဲ့ပွဲတွေအားလုံးကို ကျွန်တော်တို့ နိုင်ကိုနိုင်ရပါမယ်။ (ဘာစီလိုနာအားရှုံးနိမ့်မှုကို) ကျွန်တော်တို့ မေ့ပစ်ချင်ခဲ့ပြီး ဒီကို(ဆီးဗီးလားကွင်းကို) လာခဲ့ပါတယ်။ ဒါပေမယ့် တစ်ခါတစ်လေမှာ ကျွန်တော်တို့ဟာ အကောင်းဆုံး အဆင့်မှာ ရှိမနေပါဘူး” ဟု အလွန်ဆိုက ပြောကြားခဲ့သည်။