သင်္ကြန်ရက်အတွင်း ယာဉ်စီးခများ ပိုမိုကောက်ခံပါက မ.ထ.သ. မှ အရေးယူသွားမည်ဟုဆို

မတ် ၂၇၊ ၂၀၁၄
M-Media
လမင်း

ရန်ကုန် ။        ။     မဟာသင်္ကြန် လေးရက်အတွင်း မ.ထ.သ ၏ လက်အောက်တွင်းရှိ ကားများပြေးဆွဲချိန်တွင် ယခင်ကထက် ယာဉ်စီးခများ ပိုမို ကောက်ခံပါက မ.ထ.သ(ဗဟို)မှ ထိရောက်စွာအရေးယူသွားမည်ဖြစ်ကြောင်း မ.ထ.သ (ဗဟို) ဥက္ကဌ ဦးလှအောင်က ပြောကြားခဲ့သည်။

“သင်္ကြန်ရက်တွေမှာ ဥပုသ်စာင့်မဲ့လူတွေလည်းရှိတယ်။ သူများတွေ သင်္ကြန်မှာ ကုသိုလ်တောင် ယူကြသေးတာပဲ။ ကားခကို ပိုမိုကောက်ခံတယ် ဆိုရင်တော့ ကျွန်တော်တို့ အနေနဲ့လည်း ထိရောက်စွာအရေးယူသွားဖို့ ရှိပါတယ်။ ကားခတွေပိုကောက်လာမယ်ဆိုရင် ကျွန်တော်တို့ မ.ထ.သ ကို တိုင်ကြားပါ။ ကျွန်တော်တို့အရေးယူပေးမှာပါ” ဟု ၎င်းက ဆက်လက်ပြောခဲ့သည်။

မ.ထ.သ (ဗဟို)လက်အောက်ရှိ ယာဉ်လိုင်းပေါင်း ၃၅၁ လိုင်းရှိရာ သင်္ကြန်ကာလအတွင်း ၁၁၃-လိုင်း ယာဉ်စီးရေ ၁၆၂၈ စီးပြေးဆွဲသွားမည်ဖြစ်ပြီး CNG ဓာတ်ငွေ့ဆိုင်များကိုလည်း အခက်အခဲမရှိအောင် ဆောင်ရွက်ပေးသွားမည်ဖြစ်ကြောင်း သိရသည်။

သင်္ကြန်ရက်မှာ ယာဉ်အန္တရာယ် ကင်းရှင်းရေးကိုလည်း အထူးသတိထား လုပ်ဆောင်သွားမည်ဖြစ်ကြောင်းလည်း သိရသည်။ လွန်ခဲ့သော သင်္ကြန် ရက်များအတွင်း မ.ထ.သ လက်အောက်ခံကားများမဟုတ်ပဲ ကြားကားများပြေးဆွဲကာ ကားခများကိုပိုမိုကောက်ခံကြောင်းသိရသည်။

ကြားပြေးဆွဲသော ကားများသာမက မ.ထ.သ (ဗဟို) လက်အောက်မှကားများလည်း ယခင်နှစ်သင်္ကြန်ကာလအတွင်း ယာဉ်စီးခ ပိုမိုကောက်ခံမှုများ ရှိခဲ့ရာ ယခုနှစ် ၂၀၁၄ ခုနှစ်တွင် စစ်ဆေးပြီး အရေးယူဆောင်ရွက်သွားမည်ဖြစ်ကြောင်း သိရပါသည်။