ချန်ပီယံဆုအတွက် အလှည့်အပြောင်းဖြစ်နိုင်သော ပွဲစဉ်များရှိနေသေးသည်ဟု ၀င်းဂါးဆို

မတ် ၂၈၊ ၂၀၁၄
M-Media

– နှစ်ပွဲဆက်နိုင်ပွဲပျောက်ခဲ့ပြီးနောက် ပရီးမီးယားလိဂ် ချန်ပီယံပြေးလမ်းမှ ဖယ်ပေးခဲ့ရပြီဟု ပြောဆိုမှုများအား အာဆင်နယ်နည်းပြ အာဆင်ဝင်းဂါးက ငြင်းဆိုလိုက်သည်။

အာဆယ်နယ်အသင်းမှာ ပြီးခဲ့သည့် စနေနေ့က ချယ်ဆီးအသင်းအား ၆ ဂိုး ဂိုးမရှိဖြင့် ရှုံးနိမ့်ခဲ့ပြီး၊ ဗုဒ္ဓဟူးနေ့ကလည်း ဆွမ်ဆီးအသင်းနှင့် ၂ ဂိုးစီ သရေကျခဲ့သည်။ နှစ်ပွဲဆက်နိုင်ပွဲပျောက်မှုကြောင့် အာဆင်နယ်အသင်းမှာ အဆင် ၄ နေရာသို့ ရောက်သွားခဲ့ကာ လက်ကျန် ၇ ပွဲသာ ကျန်ရှိအချိန်တွင် ထိပ်ဆုံးမှ ချယ်ဆီးအသင်းနှင့် ၆ မှတ်ကွာဟသွားခဲ့သည်။

ထို့ကြောင့် အာဆင်နယ်အသင်းမှာ ချန်ပီယံပြေးလမ်းကြောင်းမှ ဖယ်ပေးခဲ့ရပြီဟု မှတ်ချက်များထွက်ပေါ်လာခဲ့ပြီး ၀င်းဂါးကမူ ရာသီမသိမ်းခင် အပြောင်း အလဲများရှိမည်ဟု ပြောကြားခဲ့သည်။

“အဲဗာတန်ဟာ ကျွန်တော်တို့နေရာ(စတုတ္ထနေရာ)ကို ယူဖို့လာနေပြီလို့ လူတိုင်းက ပြောကြပါတယ်။ ဒါဆို ကျွန်တော်တို့ဟာ ဘာ့ကြောင့် အရှေ့က အသင်းတွေနေရာကို ပြန်မရောက်ရမှာလဲ။ အလှည့်အပြောင်းဖြစ်လာမယ့်ပွဲတွေ ရာသီကုန်အထိ အများကြီးရှိနေပါသေးတယ်” ဟု ၀င်းဂါးက ပြောကြားခဲ့သည်။

ထို့ပြင် မိမိတို့အနေဖြင့် လောလောဆယ်တွင် ချန်ပီယံပြေးလမ်းကို မစဉ်းစားဘဲ၊ ပွဲများနိုင်ရန်အတွက်သာ စဉ်စားနေကြောင်း၊ နောက်ဆုံးရလဒ်က ပရီးမီးယားလိဂ် အသင်းများအကြား ကွာခြားမှုအနည်းငယ်သာရှိသည်ကို တွေ့ရမည်ဖြစ်ကြောင်း ၀င်းဂါးက ထပ်လာင်းပြောကြားသွားခဲ့သည်။ အာဆင်နယ်မှာ ယခုတစ်ပတ်တွင် ပထမအကျော့က အဝေးကွင်းတွင် ၆ ဂိုး ၃ ဂိုးဖြင့် ရှုံးနိမ့်ထားသည့် မန်စီးတီးအသင်းအား အိမ်ကွင်းတွင် လက်ခံ ကစားရမည်ဖြစ်သည်။

Ref : Goal