လီဗာပူးလ်အား ရှုံးနိမ့်ခဲ့သော်လည်း မန်စီးတီး ချန်ပီယံဖြစ်ရေး မထိခိုက်ဟု ပယ်လီဂရီနီဆို

ဧပြီ ၁၇ ၊ ၂၀၁၄
M-Media

– လီဗာပူးလ်အသင်းအား ရှုံးနိမ့်ခဲ့သော်လည်း မန်စီးတီးအသင်းအတွက် ချန်ပီယံဖြစ်ရေး ရည်မှန်းချက်မှာ ထိခိုက်မှုမရှိဟု မန်စီးတီးနည်းပြ ပယ်လီဂရီနီက ပြောကြားလိုက်သည်။

ပြီးခဲ့သည့်တစ်ပတ်က ကစားခဲ့သည့် ပရီးမီးယားလိဂ်ပွဲတွင် မန်စီးတီးအသင်းမှာ လီဗာပူးလ်အား အကြိတ်အနယ်ကစားကာ ၃ ဂိုး ၂ ဂိုးဖြင့် ရှုံးနိမ့်ခဲ့ရပြီး လီဗာပူးလ်အသင်းကမူ ထိုပွဲအနိုင်ကြောင့် ၂၄ နှစ်ကြာ စောင့်စားခဲ့ရသည့် ပရီးမီးယားလိဂ် ချန်ပီယံဖြစ်ရေးမျှော်လင့်ချက်မှာ ပိုမိုခိုင်မာလာခဲ့သည်။

သို့သော်လည်း ပယ်လီဂရီနီကမူ လီဗာပူးလ်အား တတ်နိုင်သလောက် ဖိအားပေးရန် အသင်းအား တိုက်တွန်းခဲ့သည်။

“အသင်းဟာ သူတို့ဘာလုပ်ရမယ်ဆိုကာ ကောင်းကောင်းသိတယ်လို့ ကျွန်တော်ထင်ပါတယ်။ (လီဗာပူးလ်နဲ့ပွဲမှာ) ကျွန်တော်တို့ ရှုံးခဲ့တယ်။ ဒါပေမယ့် ကစားဖို့ ၆ ပွဲကျန်ပါသေးတယ်။ ဖလားရဖို့အတွက် နောက်ဆုံးအထိ ကျွန်တော်တို့ တိုက်ပွဲဝင်သွားမှာပါ” ဟု ပယ်လီဂရီနီက ပြောကြားခဲ့သည်။

လီဗာပူးလ်အသင်းမှာ ကျန်ရှိသည့် လေးပွဲစလုံး အနိုင်ရရှိပါက ပရီးမီးယားလိဂ်ဖလားအား ဆွတ်ခူးနိုင်မည်ဖြစ်သည်။