ဖာတာနဲ့ ဟားမက်စ် ပူးပေါင်းမှုကြောင့် ငြိမ်းချမ်းရေးဆွေးနွေးပွဲ အစ္စရေးဘက်မှ ရပ်ဆိုင်း

ဧပြိ ၂၅၊ ၂၀၁၄
M-Media

– ပါလက်စတိုင်းမှ ဟားမက်စ်နှင့် ဖာတာအဖွဲ့တို့ ညီညွတ်သော အစိုးရတစ်ရပ် ဖွဲ့စည်းရန် သဘောတူညီခဲ့ခြင်းအား တုံ့ပြန်သည့်အနေဖြင့် ပါလက်စတိုင်းနှင့် ပြုလုပ်နေသည့် ငြိမ်းချမ်းရေးဆွေးနွေးပွဲကို ရပ်တန့်ရန် အစ္စရေးက ဆုံးဖြတ်ခဲ့သည်။

အဆိုပါဆုံးဖြတ်ချက်က အမေရိကန် နိုင်ငံခြားရေး ၀န်ကြီး ဂျွန်ကယ်ရီ ဦးဆောင်စတင်ခဲ့သည့် ၉ လကြာ ငြိမ်းချမ်းရေး ဆွေးနွေးပွဲကို အဆုံး သတ်သွားစေခဲ့သည်။ ယမန်နေ့က ပြုလုပ်ခဲ့သည့် ၅ နာရီကြာ အစည်းအဝေးတွင် အစ္စရေး လုံခြုံရေး ကတ်ဘိနတ်က ထိုဆုံးဖြတ်ချက်အား တညီတညွတ်တည်း ဆုံးဖြတ် ခဲ့ခြင်းဖြစ်ပြီး၊ နောက်ပိုင်းတွင် ကြေညာချက် ထုတ်ပြန်ခဲ့သည်။ ထို့ပြင် ပါလက်စတိုင်းများအပေါ် စီးပွားရေး ပိတ်ဆို့ရန်လည် အစ္စရေးက စဉ်းစားနေသည်ဟု Reuters သတင်းဌာနက ဖော်ပြခဲ့သည်။

သို့သော်လည်း ပါလက်စတိုင်းဘက်ကမူ ဆွေးနွေးပွဲကို ရပ်တန့်ခဲ့သည့် အစ္စရေး၏ ဆုံးဖြတ်ချက်အား တုံ့ပြန်သွားရန် နည်းလမ်းပေါင်းစုံကို စဉ်းစားနေသည်ဟု ပြောကြားခဲ့သည်။

“အခုလက်ရှိ ပါလက်စတိုင်းတို့ရဲ့ အဓိက အရေးကြီးဆုံးကတော့ ရင်ကြားစေ့ရေးနဲ့ ညီညွတ်ရေးပဲဖြစ်ပါတယ်” ဟု ပါလက်စတိုင်း အကြီးတန်းအရာရှိ စအီးဘ် အီရာကတ်က AFP သတင်းဌာနသို့ ပြောကြားခဲ့သည်။

၇ နှစ်ကြာ ကွဲပြဲနေခဲ့ပြီးနောက် ဟားမက်စ်အဖွဲ့နှင့် ပြန်လည်ပေါင်းစည်းခဲ့သည့်အတွက် ပါလက်စတိုင်း သမ္မတ မဟ်မူးဒ် အဘတ်စ်ကို အစ္စရေးက ဒေါသထွက်နေသည်။ ဟားမက်စ် အဖွဲ့အား အစ္စရေးနှင့် အမေရိကန်တို့က အကြမ်းဖက်အဖွဲ့အဖြစ် သတ်မှတ်ထားသည်။

ဥရောပသမဂ္ဂ နိုင်ငံခြားရေးရာ အကြီးအကဲ ကက်သရင်းအက်ရ်ှတန်ကမူ ၎င်းတို့နှစ်ဖွဲ့ ပေါင်းစည်းမှုအား ကြိုဆိုသော်လည်း အဓိက ဦးစားပေးရေးမှာ အစ္စရေးနှင့် ငြိမ်းချမ်းရေးဆွေးနွေးပွဲဖြစ်သည်ဟု ပြောကြားခဲ့သည်။