၉/၁၁ အောက်မေ့ဖွယ်ရာပြတိုက်တွင် ပြသမည့် မှတ်တမ်းရုပ်ရှင်အား ဘာသာပေါင်းစုံအဖွဲ့မှ ဝေဖန်

ဧပြီ ၂၆၊ ၂၀၁၄
M-Media

– အကြမ်းဖက်ဝါဒကို ဆန့်ကျင်သော ကမ္ဘာတစ်ဝှမ်းမှ မွတ်စလင်လူများစုနှင့် အလ်ကိုင်းဒါးကဲ့သို့သော အုပ်စုများအကြား မတူညီမှုကိုေ၀၀ါးစေနိုင်သည့် ၉/၁၁ မှတ်တမ်းရုပ်ရှင်အား ဘာသာပေါင်းစုံမှ ခေါင်းဆောင်များက ဝေဖန်မှုများရှိနေသည်ဟု သိရသည်။

The Rise of Al Qaeda ဟု အမည်ရသည့် အဆိုပါ မှတ်တမ်းရုပ်ရှင်ကို ၉/၁၁ အောက်မေ့ဘွယ်ပြတိုက်တွင် ပြသသွားမည်ဖြစ်သည်။ ထိုရုပ်ရှင်တွင် အကြမ်းဖက် တိုက်ခိုက်မှုများမှာ ဂျီဟတ်ဖြစ်သည်ဟု မြင်နေကြသည့် အကြမ်းဖက်သမားများကို အစ္စလာမ့်မစ်များအဖြစ် ရည်ညွှန်းဖော်ပြထားသည်။

ထိုမှတ်တမ်းရုပ်ရှင်မှာ ၇ မိနစ်ခန့် ကြာမြင့်ပြီး အကြမ်းဖက်သမားများ၏ လေ့ကျင့်ရေး စခန်းများနှင့် ဆယ်စုနှစ်ပေါင်းများစွာက အလ်ကိုင်းဒါး၏ တိုက်ခိုက်မှုရုပ်ပုံများကို ထည့်သွင်းဖော်ပြထားကာ NBC သတင်းဌာနမှ သတင်းကြေညာသူ ဘရိုင်ယန် ၀ီလီယံက နောက်ခံ စကားပြာပေးထားသည်။

“လက်ရှိအခြေအနေမျိုးမှာ ဒီရုပ်ရှင်ကို ပြသတာဟာ ဒေသတွင်းမွတ်စလင်တွေနဲ့ ဒီပြတိုက်ကို လာရောက်ကြည့်ရှုကြမယ့် နိုင်ငံခြားသား မွတ်စလင်တွေကို စိတ် အနှောက်အယှက် ဖြစ်စေပါလိမ့်မယ်။ အလ်ကိုင်းဒါးနဲ့ မွတ်စလင်တွေရဲ့ ခြားနားမှုကို နားမလည်တဲ့ သာမန်လာရောက်ကြည့်ရှုသူတစ်ယောက်ဟာ အစ္စလာမ် အပေါ် အမြင်မှားသွားပြီး၊ မုန်းတီးမှုတွေ၊ အနီးအနားတစ်ဝိုက်မှာရှိတဲ့ မွတ်လင်တွေနဲ့ ထိပ်တိုက်တွေ့တဲ့အထိ ဦးတည်သွားနိုင်ပါတယ်” ဟု မက်ဟက်တန် ဗလီ ၀တ်ကျောင်းတော်မှ ရှေ့ဆောင်ဆရာတော် ရှိခ် မွတ်စတာဖာ အဲလ်ဇာဘာဝီက ပြတိုက်ဒါရိုက်တာသို့ ပေးပို့သောစာတွင် ရေးသားထားသည်ဟု နယူးယောက်တိုမ်းစ် သတင်းစာက ကြာသာပတေးနေ့တွင် ဖော်ပြခဲ့သည်။

နယူးယောက် ဘေးအန္တရာယ် ကာကွယ်ရေး ဘာသာပေါင်းစုံအဖွဲ့မှ အမှုဆောင်အကြီးအကဲ ပီတာ ဘီ ဂူဒိုင်တစ်ကမူ ၉/၁၁ တိုက်ခိုက်မှုဖြစ်ပွားပြီးနောက် ထိခိုက် ဒဏ်ရာရသူများကို ကယ်တင်ရန် အလျင်အမြန် သွားရောက်ခဲ့သည့် နယူးယောက် ရဲတပ်ဖွဲ့မှ မွတ်စလင်ရဲအရာရှိ မိုဟာမက် စလ်မန် ဟမ်ဒါနီ၏ အကြောင်းကဲ့သို့ အစ္စလာမ်နှင့် ဆက်စပ်သည့် အချို့အကြောင်းအရာများကို ဖော်ပြရန် ဘာသာပေါင်းစုံအဖွဲ့မှ အကြံပေးခြင်းကို အဆိုပါ ပြတိုက်က ပယ်ချခဲ့သည်ဟုဆိုသည်။

ထိုတိုက်ခိုက်မှုအား ကြိုးကိုင်သူများကသာ မွတ်စလင်များ မဟုတ်ဘဲ တိုက်ခိုက်ခံရမှု၏ သားကောင်များ၊ ထိခိုက်ဒဏ်ရာရသူများအတွက် ဆုတောင်းပတ္ထနာ ပြုခြင်းများနှင့် ကယ်ဆယ်ရေးလုပ်ငန်းများတွင်လည်း မွတ်စလင်များ ပါဝင်ကြောင်းကို ရှင်းလင်းပြသရန် အဆိုပါ ဘာသာပေါင်းစုံအဖွဲ့မှ တိုက်တွန်းခဲ့သည်။ ပြတိုက်၏ ဓာတ်ပုံများ ပြသသည့်အခန်းတွင် တိုက်ခိုက်ခံရသူများအတွက် မွတ်စလင်များက ဆုတောင်းနေသည့် ဓာတ်ပုံအနည်းငယ် ပါဝင်သောကြောင့် ဘာသာပေါင်းစုံအဖွဲ့က ချီးကျူးခဲ့သည်။

ထို့ပြင် တိုက်ခိုက်မှုကို ခံစားခဲ့ရသည့် မွတ်စလင်များ၏ အကြောင်းနှင့် အမေရိကန်အား တိုက်ခိုက်မှုအတွက် အကျိုးသက်ရောက်မှုများအပေါ် မင်နီဆိုတာ ဒီမိုကရက် ပါတီမှ ပထမဆုံး မွတ်စလင် ကွန်ဂရက်ကိုယ်စားလှယ် ကိသ်အဲလ်လီဆန်၏ ပြန်ပြောင်းပြောပြမှုများလည်း ပါဝင်သည်ဟု ပြတိုက်တာဝန်ရှိသူများက ပြောကြား ခဲ့သည်။

အဆိုပါ မှတ်တမ်းရုပ်ရှင်အား ကြည့်ရှုပြီးသည့်နောက် ထိုရုပ်ရှင်တွင် “ဂျီဟတ်” စကားလုံးနှင့် “အစ္စလာမ့်မစ်” ဆိုသည့် စကားလုံးများကို လုံလောက်သော ရှင်းပြချက် မရှိဘဲ အသုံးပြုထားခြင်းမှာ လှုံ့ဆော်သည့် ပုံစံဖြစ်သည်ဟု ဘာသာပေါင်းစုံအဖွဲ့က ပြောကြားခဲ့သည်။

ထို့ပြင် ထိုအဖွဲ့၏ အမှုဆောင်အကြီးအကဲ ဂူဒိုင်တစ်နှင့် အခြားအဖွဲ့ဝင်တစ်ဦးက ပြတိုက်ဒါရိုက်တာထံသို့ တရားဝင် စာတစ်စောင်ပေးပို့ကာ ထိုမှတ်တမ်းရုပ်ရှင်အား တည်းဖြတ်ရန် တောင်းဆိုခဲ့သည်။ ထိုရုပ်ရှင်မှာ အလ်ကိုင်းဒါးအဖွဲ့နှင့် သာမန်မွတ်စလင်များ မတူညီမှုကို လုံလောက်အောင် ဖော်ပြထားခြင်းမရှိဟု အဆိုပါ ဘာသာပေါင်းစုံအဖွဲ့မှ ခရစ်ယာန် ဘုန်းတော်ကြီးကဆိုသည်။

“ဒီရုပ်ရှင်ဖန်တီးတဲ့နည်းလမ်းက အလ်ကိုင်းဒါးနဲ့ သာမန်မွတ်စလင်တွေဟာ အတူတူပဲလို့ ပြောတဲ့ပုံစံမျိုးဖြစ်မှာ ကျွန်တော်တို့ စိုးရိမ်ပါတယ်” ဟု သိက္ခာတော်ရဆရာတော် ယိုဒါ ၀န်ဂါက ပြောကြားခဲ့သည်။

ဝါရှင်တန်ရှိ အမေရိကန်တက္ကသိုလ် အစ္စလာမ့်ရေးရာ လေ့လာမှုဌာနမှ ဥက္ကဌ အက္ကဘာ အဟ်မဒ်ကလည်း “အစ္စလာမ့်မစ်” နှင့် “ဂျီဟတ်ဒစ်” ဆိုသည့် အသုံးအနှုန်းနှင့် ပတ်သက်၍ အလားတူ စိုးရိမ်မိကြောင်း ပြောကြားခဲ့သည်။

“အစ္စလာမ့်မစ်” ဆိုသည့် စကားလုံးမှာ အလ်ကိုင်ဒါးအဖွဲ့ကို ဖေါ်ပြသည့်နေရာတွင် အသုံးပြုရန် သင့်တော်ခြင်းမရှိဘဲ၊ “ဂျီဟတ်” ဟူသည့် စကားလုံးမှာလည်း မကောင်းသောလုပ်ရပ်များအား တွန်းလှန်ရန် အပြုသဘောဆောင်သည့် ရည်ညွှန်းချက်မျိုးသာ ဖြစ်သည့်အတွက် အကြမ်းဖက်တိုက်ခိုက်မှုကဲ့သို့ ၎င်းတို့၏ ရှုမြင်ချက်နှင့် ဆန့်ကျင်ဘက်ဖြစ်ကြောင်း အလ်ဇာဘာဝီက ပြောကြားခဲ့သည်။

“အဲဒီအဖွဲ့ဟာ အစ္စလာမ့်မစ်၊ အစ္စလာမ်အဖွဲ့လို့ မပြောပါနဲ့။ သူတို့ဟာ ကျွန်တော်တို့နဲ့ တခြားစီပါ။ ကျွန်တော်တို့ မွတ်စလင်တွေအားလုံးဟာ ဒါမျိုးကို ဆန့်ကျင်ပါတယ်”
http://www.onislam.net/english/news/americas/471725-us-faiths-censure-anti-islam-911-film.html