မြောက်ကိုရီယားမှာ အင်းအားချိနဲ့နေသည့် အပယ်ခံနိုင်ငံဟု အိုဘားမားဆို

ဧပြီ ၂၆၊ ၂၀၁၄
M-Media
– မြောက်ကိုယားမှာ အင်အားချိနဲ့သည့် အပယ်ခံနိုင်ငံဖြစ်ပြီး၊ တောင်ကိုရီးယား နယ်စပ်တွင် စစ်အင်အား အလုံးအရင်းနှင့် ချထားမှုက “လွတ်လပ်မှု၏ အဆုံးစွန်” ဖြစ်သည်ဟု အမေရိကန် သမ္မတ ဘာရက် အိုဘားမားက ပြောကြားလိုက်သည်။

တောင်ကိုရီးယားသို့ ရောက်ရှိနေသည့် အိုဘားမားမှာ အမေရိကန် ကြည်းတပ်၊ လေတပ်များမှ စစ်သားများအား ယနေ့တွင် မိန့်ခွန်းပြောကြား ခဲ့ပြီး တောင်နှင့် မြောက်ကိုရီးယား ၂ နိုင်ငံနယ်ခြားမှာ “တိုးတက်သေည့် ဒီမိုကရေစီ ၀ါဒနှင့် မိမိတို့၏ မျှော်လင့်ချက် အိပ်မက်များအတွက် ပြည်သူအား ငတ်မွတ်စေသည့် အပယ်ခံနိုင်ငံတို့ကို ခွဲခြားခြင်း” ဖြစ်သည်ဟု ထည့်သွင်းပြောဆိုခဲ့သည်။

ပြုံးယမ်၏ နျူကလီးယား လက်နက် ဆက်လက်ဆောင်ရွက်မှုကိုလည်း အိုဘားမားက ပယ်ချခဲ့ပြီး ထိုလုပ်ရပ်မှာ “ပိုမို အပယ်ခံရမည့်လုပ်ရပ်” ဟု မှတ်ချက်ပေးခဲ့သည်။ ထို့ပြင် အမေရိကန်-တောင်ကိုရီးယား မဟာမိတ်ဖြစ်မှုမှာ ယခင်ကထက် ပိုမိုခိုင်မာနေပြီဟု ဆိုသည်။

“ကျွန်တော်တို့ရဲ့မဟာမိတ်နဲ့ ကျွန်တော်တို့ရဲ့ လမ်းစဉ်ကို ကာကွယ်ဖို့ ကျွန်တော်တို့ စစ်တပ်ကို သုံးရမယ်ဆိုရင်လည်း ရှက်ရွံနေမှာပါဟုတ်ပါဘူး” ဟု အိုဘာမားက ဆိုသည်။

အိုဘားမားမှာ တောင်ကိုရီးယားသမ္မတ ပတ်ဂျုံဟီးနှင့် ယမန်နေ့က ဆိုးလ်မြို့တွင် တွေ့ဆုံခဲ့စဉ်အတွင်း မိမိတို့ ၂ နှစ်နိုင်ငံမှာ မည်သည့် ကျူးကျော် ရန်စမှုမျိုးကိုမဆို ကြံြ့ကံ့ခံ တုန့်ပြန်သွားမည်ဟု သတိပေး ပြောကြားခဲ့သည်။

နျူကလီးယား စမ်းသပ်မှု အသစ်တစ်မျိုး ပြုလုပ်နေသည်ဆိုသည့် သတင်းအား မိမိတို့ ငြင်းဆိုမည်မဟုတ်ဘဲ နျူကလီးယား ကာကွယ်ရေး လုပ်ငန်းကို မြှင့်တင်ရန် အတွက်ဟု  မြောက်ကိုရီးယားက ပြီးခဲ့သည့် မတ်လအတွင်း ပြောကြားထားသည်။