ITBEC ဥာဏ်စမ်း ပဟေဠိပြိုင်ပွဲ MCPA Quiz ခေါင်းစဉ်ဖြင့် ပြုလုပ်မည်

မေ ၉၊ ၂၀၁၄
M-Media
ချို(မန္တလေး)

မန္တလေး ။      ။          ဂျပန်၊ မလေးရှား၊ မွန်ဂိုလီးယား၊ မြန်မာ၊ ဖိလစ်ပိုင်၊ ထိုင်း နှင့် ဗီယက်နမ် နိုင်ငံများ စုပေါင်း ဖွဲ့စည်းထားပြီး တစ်နှစ်လျှင် (၂)ကြိမ် ကျင်းပမြဲ ဖြစ်သော IT အရည်အချင်းစစ် စာမေးပွဲ ITBEC exam မေးခွန်းများအား မန္တလေးတိုင်း ကွန်ပျူတာ ပညာရှင်များအသင်းမှ ဥာဏ်စမ်းပဟေဠိ ပြိုင်ပွဲပြုလုပ်မည်ဖြစ်ပြီး ပြိုင်ပွဲခေါင်းစဉ်အား MCPA Quiz ဟု အမည်ပေးထားကြောင်း သိရသည်။

MCPA Quiz ပြိုင်ပွဲနှင့် ပတ်သက်၍ တာဝန်ရှိသူ တစ်ဦးမှ “ ITBEC exam က Level (6) ခုရှိပါတယ်။ ခုပြိုင်ပွဲမှာ မေးမယ့်မေးခွန်းတွေကတော့ Level-2 ထဲကပါ။ ITBEC exam က မြန်မာနိုင်ငံမှာ Level (1) နဲ့ (2)အထိ ဖြေလို့ရပါတယ်။ Level (2) အောင်ရင်ကို professional ဖြစ်တယ်လို့ ပြောလို့ရပါတယ်။

ဂျပန်နိုင်ငံမှာတောင် Level (2) အောင်ဖို့ကို တော်တော်ကြိုးစားရတဲ့ အခြေအနေပါ။ MCPA Quiz ပြိုင်ပွဲက ကွန်ပျူတာ တက္ကသိုလ် ကျောင်းသူ၊ ကျောင်းသားများ အတွက် စီစဉ်ထားတာပါ။ တအုံ၊ ဒဟတ်တော နဲ့ မိထ္ထီလာ ကွန်ပျူတာ တက္ကသိုလ်က ဒုတိယနှစ်နဲ့ တတိယနှစ် ကျောင်းသူကျောင်းသားတွေ ပါဝင်လို့ရပါတယ်။ အုပ်စုတစ်ခုကို (၃)ဦးပါဝင်နိုင်ပါတယ်။ မေးခွန်းကတော့ ကျွန်တော်တို့ MCPA ကပဲ ထုတ်မှာပါ။ ဒီလိုပြိုင်ပွဲလေးလုပ်ဖြစ်တာ ဒါပထမဆုံးအကြိမ်ပါ ” လို့ ပြောကြားခဲ့ပါသည်။

ပြိုင်ပွဲအစီအစဉ်နှင့် ပတ်သက်၍ မေးမြန်းခဲ့ရာ “ မေလ (၁၉)ရက်နေ့မှာ ပြုလုပ်ပါမယ်။ တက္ကသိုလ် တစ်ခုချင်းစီကနေ ပ၊ဒု၊တ ရပြီး တက်လာမယ့် အုပ်စုတွေက တက္ကသိုလ် သုံးခုပေါင်းပြီး final အဖြစ် ဆက်လက်ယှဉ်ပြိုင်ရပါမယ်။ final ပွဲကိုတော့ ကျွန်တော်တို့ MCPA ရုံးခန်းမှာပဲ မေလ (၂၀)ရက် ဒါမှမဟုတ် (၂၁)ရက်နေ့မှာ ပြုလုပ်သွားမှာပါ။ ဇွန်လထဲမှာ နိုင်ငံအဆင့် အနေနဲ့ ကျောင်းအသီးသီးက ပါဝင်ယှဉ်ပြိုင်ကြပါမယ်။ ပ၊ ဒု၊ တ ရွေးပြီး ဆုနဲ့ certificate ပေးသွားမှာပါ။

ဆုအနေနဲ့ကတော့ ပထမဆု အနေနဲ့ ITBEC Level (2) သင်ရိုးညွှန်းတမ်း (၇)လုပ်ပါဝင်တဲ့ စာအုပ်(၃)စုံနဲ့ ငွေကျပ် သုံးသိန်း၊ ဒုတိယဆုကိုတော့ ငွေကျပ် ၂သိန်း နဲ့ တတိယဆုအတွက်တော့ ငွေကျပ် တစ်သိန်းခွဲ ပေးသွားမှာပါ” လို့ ဖြေကြားခဲ့သည်။