မော်ရင်ဟိုမှာ ရုပ်သေးဖြစ်သည်ဟု အီတူး စကားစစ်ထိုး၊ မိမိမှာ ထိပ်တန်းအဆင့် ခြေစွမ်းဖြင့် ကစားနိုင်သေးဟုပြော

မေ ၂၁၊ ၂၀၁၄
M-Media

– ချယ်ဆီးနည်းပြ မော်ရင်ဟိုမှာ ရုပ်သေးရုပ်တစ်ရုပ်သာဖြစ်ပြီး မိမိမှာ ထိပ်တန်းအဆင့်တွင် ကစားနိုင်သေးသည်ဟု တိုက်စစ်မှူး အီတူးက ပြောကြားလိုက်သည်။

မော်ရင်ဟိုမှာ ပြီးခဲ့သည့် ဖေဖော်ဝါရီလက ဆွဇ်ဇာလန်တွင်ပြုလုပ်သည့် စပွန်ဆာပွဲတစ်ခုတွင် အသင်းရှိတိုက်စစ်မှူးများအား ဝေဖန်ခဲ့ပြီး အီတူး၏ စွမ်းဆောင်ရည်မှာလည်း ၎င်း၏ရှိသည့်အသက်ထက် ပို၍ ကြီးလွန်းနေသည်ဟု ပြောကြားခဲ့သည်။

အီးတူးကမူ ပြီးခဲ့သည့် သီတင်းပတ်က ၎င်း၏ ခံစားချက်များကို ဖွင့်ဟခဲ့ပြီး၊ မော်ရင်ဟိုနှင့် ဆက်ဆံရေး မည်ကဲ့သို့ရှိသနည်းဟု Cafonline စာစောင်မှ မေးမြန်းရာ

“ကျွန်တော့်ရဲ့အသက်ကို ဝေဖန်ခဲ့တဲ့ ရုပ်သေးရုပ်(မော်ရင်ဟို)နဲ့ ဆန့်ကျင်ပြီးပြောရရင်၊ ကျွန်တော် ကြံ့ခိုင်မှုရှိနေတုန်းပါပဲ။ အသက် ၃၃ နှစ်ရှိတဲ့ကျွန်တော်ဟာ စွမ်းဆောင်ရည်ကောင်းပါတယ်။ လူငယ်ကစားသမားတွေထက် ပိုကောင်းအောင် ကစားနိုင်တယ်ဆိုတာကို ကျွန်တော် သက်သေပြခဲ့ပြီးပါပြီ” ဟု အီတူးက ပြောကြားခဲ့သည်။

ချယ်ဆီးအသင်းအတွက် ၁၄ ဂိုးသွင်းယူပေးခဲ့သည့် အီတူးက မိမိအနေဖြင့် အမေရိကန် သို့မဟုတ် အရှေ့အလယ်ပိုင်းသို့ သွားရောက်ကစားမည် မဟုတ်ကြောင်း ထိပ်တန်းအဆင့် အသင်းများတွင် ဆက်လက် ကစားသွားမည်ဖြစ်ကာ ချန်ပီယံလိဂ်တွင်လည်း ဆက်လက် ပါဝင်သွားမည်ဟု ထပ်လောင်းပြောကြားခဲ့သည်။