ပိုင်ဆိုင်မှု အငြင်းပွားနေသည့် ကျွန်းတွင် ဗီယက်နမ်-ဖိလစ်ပိုင် စစ်တပ်များ လှုပ်ရှားမှု တရုတ်ရှုတ်ချ

ဇွန်လ ၉ ရက်၊ ၂၀၁၄
M-Media

– တောင်တရုတ်ပင်လယ်အတွင်း ပိုင်ဆိုင်မှု အငြင်းပွားနေသည့် Spratlys ကျွန်းစုအနီး ဗီယက်နမ်နှင့် ဖိလစ်ပိုင်စစ်တပ်တို့ ပူးတွဲလုပ်ဆောင်သည့် အားကစား လှုပ်ရှားမှုကို တရုတ်နိုင်ငံက ရှုတ်ချလိုက်ပြီး ဟာသပြဇာတ်တစ်ပုဒ်သာ ဖြစ်သည်ဟု ပြောကြားခဲ့သည်။

Spratlys ကျွန်းစုရှိ ဗီယက်နမ်ကထိန်းချုပ်ထားသော ကျွန်းတစ်ခုတွင် အဆိုပါလှုပ်ရှားမှုကို ပြုလုပ်ခဲ့ခြင်းဖြစ်ပြီး ဖိလစ်ပိုင်နိုင်ငံကမူ ထိုလေ့ကျင့်မှုအား “နှစ်နိုင်ငံ ရဲဘော်ရဲဘက်များ ယုံကြည်မှု တိုးမြှင့်ခြင်း” ဟု ကင်ပွန်းတပ်ခဲ့သည်။

သို့သော်လည်း ထိုကိစ္စနှင့် ပတ်သက်၍ ယနေ့တွင်ပြုလုပ်သော သတင်းစာရှင်းလင်းပွဲတွင် တရုတ်နိုင်ငံခြားရေး ၀န်ကြီးဌာန ပြောရေးဆိုခွင့်ရှိသူအမျိုးသမီး ဟွာချန်ယင်းက “ဖိလစ်ပိုင်နဲ့ ဗီယက်နမ်တို့က လုပ်တဲ့ ဒီလိုပရိယာယ် သေးသေးလေးတွေဟာ ဟာသပြဇာတ်တစ်ပုဒ်လို့ မထင်ကြဘူးလား” ဟု မှတ်ချက်ပေးခဲ့သည်။

ထိုကျွန်းစုပိုင်ဆိုင်မှုအတွက် အဆိုပါ နှစ်နိုင်ငံနှင့် တရုတ်နိုင်ငံတို့မှာ မကြာသေးမီနှစ်များမှ စတင်ကာ တင်းမာမှုများမြင့်တက်လာခဲ့ပြီး တရုတ်နိုင်ငံက ထိုရေပိုက်နက်တွင် ရေနံတူးစင်ချထားမှုကြောင့် ပြီးခဲ့သည့်လက ဗီယက်နမ်တွင် တရုတ်ဆန့်ကျင်ရေးလှုပ်ရှားမှုများ ဖြစ်ပေါ်ခဲ့ပြီး လူသေဆုံးမှုများပင် ရှိခဲ့သည်။

တောင်တရုတ်ပင်လယ်အတွင်းရှိ အဆိုပါ Spratlys ကျွန်းစုပိုင်ဆိုင်မှုနှင့် ပတ်သက်၍ ဖိလစ်ပိုင်၊ ဗီယက်နမ်၊ မလေးရှား၊ ဘရူးနိုင်း၊ ထိုင်ဝမ်နှင့် တရုတ်နိုင်ငံတို့အကြား အငြင်းပွားမှုများရှိနေသည်။

AFP/ac