၂၀၁၀ ရှုံးကြွေးကို ပြန်ဆပ်နိုင်ခဲ့တဲ့ ဟော်လန်၊ အနိုင် ၃ မှတ်ရယူနိုင်ခဲ့တဲ့ မက္ကဆီကိုနဲ့ ချီလီတို့ရဲ့ ဇွန် ၁၄ ရက် ကမ္ဘာ့ဖလားပွဲစဉ်များ

ဇွန် ၁၄၊ ၂၀၁၄
M-Media

– ကမ္ဘာ့ဖလားပြိုင်ပွဲရဲ့ အုပ်စု A က တစ်ပွဲနဲ့ အုပ်စု B က ၂ ပွဲ စုစုပေါင်း ၃ ပွဲကို မနေ့ညနဲ့ ယနေ့နံနက်တွေမှာ ကစားခဲ့ကြပြီး မက္ကဆီကို၊ ဟော်လန်နဲ့ ချီလီတို့ အသီးသီး အနိုင်ရခဲ့ကြပါတယ်။

အုပ်စု A က မက္ကဆီကိုနဲ့ ကင်မရွန်းတို့ပွဲမှာတော့ မက္ကဆီကိုကပဲ ကစားကွက်အသာ၊ ဘောလုံးပိုင်ဆိုင်မှုအသာ၊ ဂိုးသွင်းခွင့်အသာနဲ့ ကစားသွားခဲ့ပါတယ်။ ဒါပေမယ့် တစ်လုံးတည်းသော အနိုင်ဂိုးကိုတော့ ၆၁ မိနစ်မှ ရရှိခဲ့တာဖြစ်ပြီး မက္ကဆီကိုရဲ့ ဂိုးသွင်းစက် ပီရဲလ်တာက သွင်းယူပေးခဲ့တာပါ။ ဒီဂိုးဟာ မက္ကဆီကိုအသင်းနဲ့ နောက်ဆုံး ၇ ပွဲမှာ ပီရဲလ်တာရဲ့ ၉ ဂိုးမြောက် ဖြစ်ပါတယ်။

အုပ်စု B ရဲ့ ပွဲကောင်းတစ်ပွဲဖြစ်တဲ့ လက်ရှိချန်ပီယံ စပိန်နဲ့ ဟော်လန်တို့ရဲ့ ပွဲမှာတော့ ဟော်လန်အသင်းက ဗန်ပါစီ၊ ရော်ဘင်တို့ရဲ့ ဂိုးတွေနဲ့အတူ ၅ ဂိုး ၁ ဂိုးနဲ့ ပြတ်ပြတ်သားသား အနိုင်ရခဲ့ပါတယ်။ စပိန်ဟာ သူတို့ရဲ့ ပုံစံအတိုင်း ဘောလုံးကိုင်ကစားပြီး ကစားကွက် အသာစီးယူခဲ့ပေမယ့် ဟော်လန်အသင်းရဲ့ လျင်မြန်မှုနဲ့ အမြင့်ဘောကစားဟန်တွေကိုတော့ ထိန်းချုပ်နိုင်ခဲ့ခြင်းမရှိပါဘူး။ ပထမပိုင်း ၂၇ မိနစ်မှာ အငြင်းပွားဖွယ် ပင်နယ်တီနဲ့ စပိန်တို့ ဦးဆောင်နိုင်ခဲ့ပေမယ့် ၄၄ မိနစ်မှာ ဗန်ပါစီက ချေပဂိုးသွင်းပေးခဲ့ပါတယ်။

ဒုတိယပိုင်းမှာတော့ ဟော်လန်တို့ ဆက်တိုက်ဆိုသလိုပဲ အနိုင်ဂိုးတွေရခဲ့ပြီး ရော်ဘင်က ၂ ဂိုး စတီဖန်ဒီ ဗာအစ်ဂ်ျနဲ့ ဗန်ပါစီတို့က တစ်ဂိုးစီ သွင်းယူပေးခဲ့တာပါ။ ဟော်လန်ရဲ့ ဒီပွဲအနိုင်ဟာ ၂၀၁၀ ကမ္ဘာ့ဖလာဗိုလ်လုပွဲရှုံးကြွေးကို ထိုက်ထိုက်တန်တန် ဆပ်နိုင်ခဲ့တာလည်းဖြစ်ပါတယ်။ ၂၀၁၀ ကမ္ဘာ့ဖလားအဖွင့်ပွဲမှာ ဆွဇ်လန်ကို ရှုံးခဲ့ပေမယ့် ကျန်တဲ့ပွဲတိုင်းကို အနိုင်ယူပြီး ကမ္ဘာ့ဖလားကို ကိုင်မြှောက်နိုင်ခဲ့တဲ့ စပိန်အသင်း ဘရာဇီးလ်မှာလည်း ဒီလိုထပ်လုပ်ပြနိုင်မလားဆိုတာကိုတော့ စောင့်ကြည့်ရပါမယ်။

အုပ်စု B ရဲ့ အခြားပွဲဖြစ်တဲ့ ချီလီနဲ့ သြစတေးလျတို့ပွဲမှာတော့ ချီလီအသင်းက သက်တောင့်သက်သာနဲ့ ကစားနိုင်ခဲ့ပြီး အစောပိုင်း ဂိုး ၂ ဂိုးအပါအ၀င် ၃ ဂိုး ၁ ဂိုးနဲ့ အနိုင်ရရှိခဲ့ပါတယ်။

ယနေ့ညမှာတော့ အုပ်စု C က ကိုလံဘီယာနဲ့ ဂရိ၊ မနက်ဖြန်မနက်မှာ အုပ်စု C က အိုက်ဗရီကို့စ်နဲ့ ဂျပန်၊ အုပ်စု D က ဥရုဂွေးနဲ့ ကော်စတာရီကာ၊ ညနေပိုင်းမှာ အုပ်စု D က အင်္ဂလန်နဲ့ အီတလီအသင်းတို့ ယှဉ်ပြိုင်ကစားကြမှာဖြစ်ပါတယ်။

Ref : Goal