တစ်ဦးချင်းအရည်အသွေး ကင်းမဲ့မှုကြောင့် ကမ္ဘာ့ဖလားမှ ထွက်ခဲ့ရခြင်းဟု ဂျပန်တိုက်စစ်မှူး ကာဂါဝါဆို

ဇွန်လ ၂၇ ရက်၊ ၂၀၁၄
M-Media

– တစ်ဦးချင်း အရည်အသွေး ကင်းမဲ့မှုကြောင့် ကမ္ဘာ့ဖလားပြိုင်ပွဲမှ ထွက်ခဲ့ရခြင်းဖြစ်ပြီး ထိုအမှားအား ပြုပြင်သွားမည်ဟု ဂျပန်အသင်းတိုက်စစ်မှူး ရှင်ဂျီ ကာဂါဝါက ပြောကြားလိုက်သည်။

အာရှချန်ပီယံ ဂျပန်အသင်းမှာ ဘရာဇီးလ်တွင် ခြေစွမ်းပြနိုင်မည်ဟု ယူဆခဲ့သော်လည်း ၃ ပွဲကစား တစ်မှတ်သာရရှိကာ အုပ်စု C ၏ အောက်ဆုံးနေရာဖြင့် ပြိုင်ပွဲမှ ထွက်ခဲ့ရသည်။ ထို့ကြောင့် ကိုလံဘီယာအား ၄ ဂိုး ၁ ဂိုဖြင့် ရှုံးနိမ့်ခဲ့သော ပွဲအပြီးတွင် နည်းပြ ဇက်ခရိုနီလည်း ရာထူးမှ နှုတ်ထွက်ခဲ့သည်။

“အသင်းတစ်သင်းအနေနဲ့တော့ ကျွန်တော်တို့ ကစားနိုင်ပါတယ်။ ဒါပေမယ့် ဂိုးသွင်းဖို့ ဒါမှမဟုတ် နောက်ဆုံးအခြေအနေမှာ ဂိုးမပေးရဖို့အတွက် တစ်ဦးချင်းအရည်အသွေးကတော့ လုံလောက်အောင် မကောင်းပါဘူး။ ဒါဟာ ကြီးမားတဲ့ခြားနားမှုကို ဖြစ်စေတယ်လို့ ကျွန်တော်ထင်ပါတယ်” ဟု အသင်းနှင့်ပတ်သက်၍ ကာဂါဝါက ပြောကြားခဲ့သည်။

ထို့ပြင် မိမိတို့အနေဖြင့် ထိုအားနည်းချက်အားပြင်ဆင်ကာ တိုးတက်သွားအောင် ပြုပ်လုပ်မည်ဖြစ်ကြောင်း၊ ယခုပြိုင်ပွဲမှာ မိမိ၏ နောက်ဆုံးပြိုင်ပွဲမဟုတ်ဘဲ စိတ်ပျက်မှုများကို အနာဂတ်အတွက် အကောင်းဆုံးဖြစ်အောင် လုပ်ချင်ကြောင်း ထည့်သွင်းပြောကြားခဲ့သည်။