အကြမ်းဖက်မှုများ ဖြစ်ပွားခဲ့သည့် မန္တလေးတွင် ငြိမ်းချမ်းမှု ထိန်းသိမ်းရေးကော်မတီ ဖွဲ့စည်း

ဇူလိုင် ၅၊ ၂၀၁၄
M-Media
ချမ်းငြိမ်းအေး

ယခု ဇူလိုင်လဆန်းပိုင်းကစတင်ဖြစ်ပွားခဲ့တဲ့ မန္တလေးမြို့တွင်း အကြမ်းဖက်မှုဖြစ်ရပ်များကြောင့် လိုအပ်ချက်အရ မန္တလေးငြိမ်းချမ်းရေး ကော်မတီတစ်ရပ် ဖွဲ့စည်းလိုက်ကြောင်း သိရပါတယ်။

မန္တလေးမြို့မှာ ဖြစ်ပေါ်နေတဲ့ အကြမ်းဖက်မှု ကိစ္စရပ်တွေ ထပ်မံတိုးပွားမလာစေရန်၊ ကောလဟလသတင်းများအပေါ် ဖြစ်ရပ်မှန်များကို ပြည်သူလူထုသိရှိစေဖို့ အချိန်နဲ့ တပြေးညီ တင်ပြနိုင်စေရန်နှင့် ဥပဒေနဲ့အညီ ထိရောက်စွာ ဖြေရှင်းနိုင်ရေး တွန်းအားပေး လုပ်ဆောင်ရန် ဘာသာလူမျိုးပေါင်းစုံ ပါဝင်သည့် မန္တလေးမြို့ လူထုပေါင်းစည်းအားနဲ့ ဖွဲ့စည်းခဲ့တယ်လို့ သိရှိရပါတယ်။

မန္တလေး တစ်မြို့လုံးအတိုင်းအတာ မြို့မိမြို့ဖများ၊ NGO များ၊ အရပ်ဖက် အဖွဲ့အစည်းများ၊ နိုင်ငံရေးအင်အားစုများ၊ ကျောင်းပေါင်းစုံမှာ သံဃာတော်များ ပါဝင်ပြီး ဆရာတော်ကြီးများ၏ သြ၀ါဒ ခံယူပွဲကို မနက်ဖြန် နေ့လည် ၁-နာရီမှာ မိုးကောင်းကျောင်းတိုက်မှာ ပြုလုပ်မယ်လို့ မန္တလေး ငြိမ်းချမ်းရေးကော်မတီ၏ လုပ်ငန်းအဖွဲ့ဝင် တစ်ဦးက ပြောပါတယ်။

ယခုရက်ပိုင်းအတွင်း ဖြစ်နေသည့် ကိစ္စရပ်များ၊ အေးရိပ်ငြိမ် မွတ်စလင်သုဿာန် (ကြာနီကန်ကဘာရ်စတာန်) အတွင်းရှိ ဗလီနှင့် ကျောင်းအား မနေ့က မီးရှို့ရန်လုပ်ဆောင်ခဲ့ကြပြီး အတွင်းရှိပစ္စည်းများကို ယနေ့မနက်ပိုင်းက သယ်ယူသွားကြမှုအားမေးမြန်းရာ မှန်ကန်ကြောင်း ၎င်းက ဖြေကြားပါတယ်။

အဆိုပါကိစ္စရပ်များအတွက် အာဏာပိုင်အနေနဲ့ မည်သို့ လုပ်ဆောင်နေကြောင်း သိရှိပါသလဲဆိုသည့် မေးခွန်းအပေါ်”အာဏာပိုင်ကတော့ ပေါ့လျော့တာပေါ့။ တကယ့် ဥပဒေစိုးမိုးမှု ရှိအောင်၊ လုံခြုံရေးအပြည့်အ၀ ပေးနိုင်အောင် ကျွန်တော်တို့ တွန်းအားပေး လုပ်ဆောင်နေပါတယ်”ဟု ၎င်းက ထပ်မံ ဖြေကြားပါတယ်။

အမှုဆောင် လုပ်ငန်းအဖွဲ့ဝင် ၂၁-ဦးဖြင့် ဖွဲ့စည်း၍ ဆပ်ကော်မတီများဖွဲ့စည်းကာ လုပ်ဆောင်နေပြီး မန္တလေးမြို့ခံများအနေနှင့်လည်း မန္တလေးရဲ့ ငြိမ်းချမ်း ချစ်ခင်မှု တည်ငြိမ်အေးချမ်းမှု အစဉ်အလာကောင်းတွေကို ဆက်လက် ထိန်းသိမ်းရန် ရည်ရွယ်လုပ်ဆောင် သွားမည်ဖြစ်ကြောင်းလည်း သိရပါတယ်။

ဓါတ်ပုံ – မန္တလေးငြိမ်းချမ်းမှု့ ထိန်းသိမ်းရေးကော်မတီ FB စာမျက်နှာ