ကမ္ဘာ့ဖလား ရွှေလက်အိတ်ဆုအတွက် ဇကာတင်စာရင်းထွက်ပေါ်

ဇူလိုင် ၁၂ ၊၂၀၁၄
M-Media

– ကမ္ဘာ့ဖလားဘောလုံးပြိုင်ပွဲတွင် လက်စွမ်းပြခဲ့သည့် အကောင်းဆုံးဂိုးသမားအား ချီးမြှင့်မည့် ရွှေလက်အိတ်ဆု ဇကာတင်စာရင်းတွင် ဂျာမနီ ဂိုးသမား နူအာ၊ အာဂျင်တီးနားဂိုးသမား ရိုမီရိုနှင့် ကော်စတာရီကာဂိုးသမား နာဗတ်စ်တို့ ပါဝင်နေသည်ဟု သိရသည်။

ဂျာမနီအသင်း ဗိုလ်လုပွဲသို့ရောက်ရှိရာ လမ်းကြောင်းတွင် နူအာမှာ ပွဲ ၃ ပွဲအား ဂိုးမပေးရအောင် စွမ်းဆောင်နိုင်ခဲ့ပြီး အလ်ဂျီးရီးယားနှင့် ၁၆ သင်းအဆင့် ရှုံးထွက်ပွဲတွင်လည်း လက်စွမ်းပြနိုင်ခဲ့သည်။

ကော်စတာရီကာအသင်း ကွာတားဖိုင်နယ်သို့ရောက်ရှိရန် ကူညီပေးနိုင်ခဲ့သည့် နာဗက်စ်မှာလည်း အုပ်စုအဆင့် အီတလီ၊ အင်္ဂလန်တို့နှင့်ပွဲတွင် ဂိုးမပေးရအောင် စွမ်းဆောင်နိုင်ခဲ့သည်။ ၁၆ သင်းအဆင့် ဂရိအသင်းအား ပင်နယ်တီဖြင့် အနိုင်ရရှိခဲ့ရာတွင် ပင်နယ်တီတစ်လုံးအား ကာကွယ်နိုင်ခဲ့သည်။ ထို့ပြင် ဟော်လန်အသင်းနှင့် ကွာတားဖိုင်နယ်ပွဲစဉ်တွင်လည်း ဟော်လန်တိုက်စစ်၏ ကန်ချက်အများအပြားကို ကာကွယ်နိုင်ခဲ့သည်။

အာဂျင်တီးနားဂိုးသမား ရိုမီရိုမှာ၏ ဂိုးမပေးရသည့်ပွဲမှာ ၄ ပွဲရှိခဲ့ပြီး ဟော်လန်အသင်းနှင့် ဆီမီးဖိုင်နယ် ပင်နယ်တီကန်သွင်းရာတွင် ရွန်ဗလားရ်နှင့် စနိုက်ဒါတို့၏ ကန်ချက်ကို ကာကွယ်နိုင်ခဲ့ကာ အသင်းအား ဗိုလ်ပွဲသို့ ရောက်စေခဲ့သည်။

အဆိုပါ ဇကာတင်စာရင်းတွင် ရှုံးထွက်အဆင့်သို့ တက်ရောက်နိုင်ခဲ့သည့် မက္ကဆီကိုအသင်းတွင် လက်စွမ်းပြခဲ့သော ဂိုးသမား ဂူလီယာမို အိုချာနှင့် ဘယ်လ်ဂျီယံနှင့် ရှုံးထွက်ပွဲတွင် အပိုင်ကန်သွင်းခွင့် ၁၆ ကြိမ်ကိုကာကွယ်နိုင်ခဲ့ပြီး စံချိန်တင်နိုင်ခဲ့သည့် အမေရိကန် ဂိုးသမား တင်ဟောင်းဝပ်တို့ ပါဝင်လာခြင်းမရှိခဲ့ပေ။

အကောင်းဆုံးကစာသမားများရွေးချယ်ရေးအတွက် နည်းပြအချို့နှင့် ဘောလုံးစောင့်ကြည့်သူများပါဝင်သည့် နည်းစနစ်ပိုင်းဆိုင်ရာ လေ့လာရေးအဖွဲ့ကို ဖီဖာက ဖွဲ့စည်းထားပြီး နောက်ဆုံးဗိုလ်လုပွဲအပြီးတွင် ရွေးချယ်သွားမည်ဖြစ်သည်။