Facebook
သြဂုတ် ၇ ၊ ၂၀၁၄
M-Media
– မိမိတို့ ချယ်ဆီးအသင်းတွင် ကမ္ဘာ့အဆင့်ကစားသမားများရှိနေပြီး ယခုနှစ် ပရီးမီးယားလိဂ်ဖလားအား ရရှိရန် လုံလောက်သော အနေအထားတွင် ရှိနေသည်ဟု တိုက်စစ်မှူးလူ ရှုရဲလ်က ပြောကြားလိုက်သည်။
ချယ်ဆီးနည်းပြ မော်ရင်ဟိုမှာ နွေရာသီအပြောင်းအရွှေ့တွင် ဖာဘရီဂတ်စ်၊ ဒီယေဂိုကော်စတာနှင့် ဖိလစ်လူးဝစ်တို့ကို ခေါ်ယူထားပြီး တစ်ချိန်က ချယ်ဆီးအသင်းနှင့် ကျော်ကြားခဲ့ဖူးသည့် တိုက်စစ်မှူးဟောင်း ဒရော့ဘာကိုလည်း ပြန်လည်ခေါ်ယူထားသည်။
ချယ်ဆီးမှာ ယမန်နှစ်က အဆင့် ၃ နေရာဖြင့် ရာသီသိမ်းခဲ့ပြီး ကမ္ဘာ့ဖလားချန်ပီယံ ဂျာမနီအသင်းတွင် အဓိက ကစားသမားအဖြစ် ပါဝင်ခဲ့သည့် ရှုရဲလ်ကမူ မိမိတို့အသင်းမှာ ကြိုးစားပါက ယခုနှစ်တွင် ဆုဖလားရရှိနိုင်သည်ဟု ပြောကြားခဲ့သည်။
“ပြီးခဲ့တဲ့ရာသီက မရခဲ့တာကို ဒီနှစ်မှာရဖို့ ကျွန်တော်မျှော်လင့်ပါတယ်။ ဒါကတော့ ပြိုင်ပွဲတစ်ခုခုမှာ ဗိုလ်စွဲဖို့၊ ပွဲတွေအနိုင်ရဖို့နဲ့ ဖလားတွေရဖို့ပါ။ ကျွန်တော်တို့မှာ (တောင့်တင်းတဲ့) လူအင်အားရှိတယ်။ ကစားသမားကောင်းတွေရှိတယ်။ ကြိုးစားဖို့ပဲ လိုပါတယ်။ သူတို့အားလုံးဟာ ကမ္ဘာ့အဆင့် ကစားသမားတွေပါ” ဟု ရှုရဲလ်က အသင်း၏ ၀ဘ်ဆိုက်သို့ ပြောကြားခဲ့သည်။
M-Media on Twitter
M-Media Tube
Comments