ဘာလီတွင် အမေရိကန် အမျိုးသမီး အလောင်း ခရီးဆောင်သေတ္တာထဲ၌တွေ့ ၊ သမီးဖြစ်သူနှင့် ၄င်း၏ ချစ်သူကို ဖမ်းဆီးထား

သြဂုတ် ၁၄၊ ၂၀၁၄
M-Media
– အင်ဒိုနီးရှားနိုင်ငံ ဘာလီကျွန်းရှိ တက္ကစီတစ်စီး၏ ကားနောက်ခန်းတွင် ခရီးဆောင် သေတ္တာဖြင့် ထည့်ထားသည့် အမေရိကန်အမျိုးသမီး၏ အလောင်း တစ်ခုကို အင်္ဂါနေ့က တွေ့ရှိခဲ့ရသည်ဟု သိရသည်။

သေဆုံးသူမှာ အသက် ၆၂ နှစ်အရွယ်ရှိ ရှီလာ ဗွန် ဝေစီ မက် ဆိုသူဖြစ်ပြီး ရိုက်နှက်ဒဏ်ရာအများအပြားဖြင့် သေဆုံးနေခြင်းဖြစ်ကာ အလောင်းကို အိပ်ယာခင်းများဖြင့် ထုတ်ပိုးထားခြင်းဖြစ်သည်။

တက္ကဆီဒရိုက်ဘာကမူ လူငယ် စုံတွဲနှစ်ဦးမှာ အဆိုပါ ခရီးဆောင်အိတ်ဖြင့် ၎င်း၏ ကားကို ငှားစီးခဲ့ပြီးနောက် ကြယ်ငါးပွင့် ဟိုတယ်တစ်ခုနား အရောက်တွင် တက္ကဆီခ ပေးရန်အတွက် အခြားတစ်ဦးကို သွားရောက် ခေါ်ဆောင်မည်ဟု ဆိုကာ ဆင်းသွားခဲ့ကြောင်း၊ ၂ နာရီကျော် ကြာသည်အထိ ပြန်လည် ရောက်ရှိလာခြင်း မရှိသောကြောင့် ဟိုတယ်ရှိ လုံခြုံရေးများကို ခေါ်ယူခဲ့ကြောင်း ပြောကြားခဲ့သည်။

ကားနောက်ခန်းရှိ အဆိုပါသေတ္တာအား မသင်္ကာသောကြောင့် ဟိုတယ်လုံခြုံရေးများက ရဲတပ်ဖွဲ့အား အကြောင်းကြားခဲ့ပြီး လာရောက်ဖွင့်ကြည့်ရာမှ ယခုကဲ့သို့ အလောင်းအား တွေ့ရှိခဲ့ရခြင်းဖြစ်သည်။

ထို့ပြင် သွေးများစွန်းပေနေသည့် တာဝါများထည့်ထားသော သေတ္တာငယ်နှစ်ခုကိုလည်း St. Regis Bali အပန်းဖြေစခန်းရှိ ပန်းခြံတွင် ထပ်မံတွေ့ရှိခဲ့ရသည်။

နောက်ပိုင်းတွင် ဝေစီမက်၏ ၁၉ နှစ်အရွယ် သမီးဖြစ်သူနှင့် ၂၁ နှစ်အရွယ် ၎င်း၏ ချစ်သူတို့ကို ရဲတပ်ဖွဲ့က ဖမ်းဆီးခဲ့ပြီး မေးမြန်ရာ မိမိတို့မှာ လက်နက်ကိုင် အဖွဲ့တစ်ခု၏ ဖမ်းဆီးခြင်းကို ခံခဲ့ရပြီး မိခင်ဖြစ်သူမှာ အသတ်ခံခဲ့ရကာ မိမိတို့နှစ်ဦးက လွတ်မြောက်ခဲ့ခြင်း ဖြစ်သည်ဟု ပြောဆိုခဲ့သည်။

သို့သော်လည်း ၎င်းတို့နှစ်ဦးအား ထိန်းသိမ်းထားပြီး စုံစမ်းစစ်ဆေးမှုများကို ပြုလုပ်နေသည်ဟု ဘာလီ ရဲတပ်ဖွဲ့က ယနေ့တွင် သတင်းထုတ်ပြန်ခဲ့သည်။

ref_CNN