ယူကရိန်း စစ်ရေးလေ့ကျင့်မှု အတွင်း အမေရိကန် တပ်သား ၂၀၀ ပူးပေါင်း ပါဝင်မည်

စက်တင်ဘာ ၅ ၊ ၂၀၁၄
M-Media

– ယခုလနှောင်းပိုင်းတွင် ယူကရိန်း၌ ပြုလုပ်မည့် စစ်ရေးလေ့ကျင့်မှုတွင် ပါဝင်ရန် အမေရိကန် စစ်သား ၂၀၀ ကိုပေးပို့သွားမည်ဟု ပင်တဂွန်က ပြောကြားလိုက်သည်။

ယခုနှစ်အစပိုင်းမှစ၍ ယူကိန်းစစ်တပ်နှင့် နိုင်ငံအရှေ့ပိုင်း ခွဲထွက်ရေးသမားတို့ တိုက်ပွဲများ ဖြစ်ပွားခဲ့ပြီးနောက်ပိုင်း ပထမဆုံအကြိမ်အဖြစ် အမေရိကန်စစ်သားများ ယူကရိန်းမြေပေါ်သို့ ရောက်ရှိခြင်း ဖြစ်မည်ဖြစ်သည်။

Rapid Trident ဟု အမည်ပေးထားပြီး နှစ်စဉ်ပြုလုပ်နေသည့် အဆိုပါ စစ်ရေးလေ့ကျင့်မှုကို ယူကရိန်းအနောက်ပိုင်း ယာဗိုရစ်မြို့တွင် စက်တင်ဘာ ၁၃ ရက်နေ့မှ ၂၆ ရက်နေ့အထိ ပြုလုပ်သွားမည်ဖြစ်ပြီး နိုင်ငံပေါင်း ၁၅ နိုင်ငံမှာ တပ်ဖွဲ့ဝင်ပေါင်း ၁၀၀၀ ကျော် ပါဝင်မည်ဖြစ်သည်။

လာမည် သီတင်းပတ်တွင်လည်း ယူကရိန်း၊ တူရကီ၊ ဂျော်ဂျီယာနှင့် ရိုမေးနီးယားတို့မှ တပ်ဖွဲ့ဝင်များမှာ ပင်လယ်နက်တွင် ရေတပ်စစ်ရေးလေ့ကျင့်မှုပြုလုပ်ရန် စီစဉ်ထားပြီး ထိုလေ့ကျင့်မှုတွင်လည်း အမေရိကန်တပ်ဖွဲ့ဝင် ၂၈၀ ခန့်နှင့် အမေရိကန် ဒုံးဖျက်သင်္ဘော USS Ross၊ နေတိုးအဖွဲ့မှ စစ်သင်္ဘောနှစ်စီးလည်း ပါဝင်မည်ဖြစ်သည်။

ယူရိန်းအရှေ့ပိုင်းတွင် ရုရှားလိုလားသူ ခွဲထွက်ရေးသမားများနှင့် ယူကရိန်းစစ်တပ်တို့ တိုက်ပွဲများဖြစ်ပွားနေပြီး အမေရိကန်အပါအ၀င် အနောက်နိုင်ငံများကမူ ထိုပြဿနာတွင် ရုရှားက ပါဝင်ပတ်သက်နေသည်ဟု ပြောကြားထားသည်။

Press TV