အပြည်ပြည်ဆိုင်ရာ ငြိမ်းချမ်းရေးနေ့တွင် လူထုချီတက်ပွဲနှင့် ဆုတောင်းပွဲပြုလုပ်

စက်တင်ဘာ ၂၁၊ ၂၀၁၄
M-Media
သတင်း/ဓါတ်ပုံ – လမင်း

ရန်ကုန်။      ။ စက်တင်ဘာလ ၂၁ ရက်နေ့တွင် ကျရောက်သော အပြည်ပြည်ဆိုင်ရာ ငြိမ်းချမ်းရေးနေ့ အခမ်းအနားကို ရန်ကုန်မြို့ရှိ ပြည်သူများမှ ကြိုဆိုဂုဏ်ပြုသည့်အနေဖြင့် စီတန်းလမ်းလျှောက်ချီတက်ပွဲကို ယနေ့ စက်တင်ဘာလ ၂၁ ရက်နေ့တွင် ကျင်းပပြုလုပ်ခဲ့ပါသည်။

ရန်ကုန်မြို့တွင် အပြည်ပြည်ဆိုင်ရာ ငြိမ်းချမ်းရေးနေ့ အခမ်းအနားကို နေရာ (၄) နေရာခွဲကာကျင်းပပြုလုပ်ခဲ့ကြသည်။ လှည်းတန်းလမ်းဆုံမှ ပြည်သူများကတစ်ကြောင်း၊ သင်္ဃန်းကျွန်းမှပြည်သူများကတစ်ကြောင်း စုပေါင်းချီတက်လမ်းလျှောက်ခဲ့ကြပြီး အောင်ဆန်းအားကစားကွင်းတွင် အပြည်ပြည်ဆိုင်ရာ ငြိမ်းချမ်းရေး အထိမ်းအမှတ်နေ့အဖြစ် ဆုတောင်းပွဲတစ်ရပ် ကျင်းပခဲ့ကြသည်။

“ဒီနေ့ ကျွန်တော်တို့ ပြည်သူတွေ ငြိမ်းချမ်ရေး အမြန်ဆုံးရရှိဖို့တောင်းဆိုတာပါ။ ငြိမ်းချမ်းရေးကို ကျွန်တော်အသက်တမျှချစ်ပါတယ်။ ဘာကြောင့်လဲဆိုရင် ငြိမ်းချမ်းရေး မရှိရင် တိုင်းပြည်က တိုးတက်လာမှာ မဟုတ်ပါဘူး။ ကျွန်တော်တို့တိုင်းပြည်ကို ငြိမ်းချမ်းသာယာပြီး ပြည်သူအားလုံး လုံခြုံတဲ့တိုင်းပြည်ဖြစ်စေချင်လို့ပါ။ လက်ရှိအခြေအနေကတော့ ငြိမ်းချမ်းရေးဆွေးနွေးပွဲတွေက အခုထိမပြီးသေးဘူး။ ငြိမ်းချမ်းရေးလို့ပြောနေပြီး တိုက်ပွဲတွေဖြစ်နေတယ်။ ဖက်ဒရယ်ပြည်ထောင်စုဖြစ်မှ တိုင်းပြည်တိုးတက်လာမှာဖြစ်ပါတယ်။ ဒါကြောင့် အခုလိုတောင်းဆိုနေရတာပါ” ဟု ပြည်သူ့လှုပ်ရှားမြှင့်တင်ရေး ကွန်ယက်မှ ကိုမြတ်ကျော်က ၎င်း၏ ချီတက် လမ်းလျှောက်ရသည့် ရည်ရွယ်ချက်ကို ရှင်းလင်းပြောဆိုခဲ့သည်။

အဆိုပါ လမ်းလျှောက်ပွဲတွင် စစ်ပွဲများ ရပ်ဆိုင်းရေး၊ စစ်မှန်သော ငြိမ်းချမ်းရေးရရှိရေး၊ တစ်နိုင်ငံလုံး အပတ်အခက်ရပ်စဲရေး စသည့် ကြွေးကြော်သံများနှင့် ပြည်သူများမှ စုပေါင်းချီတက်ခဲ့ကြသည်။

“ကျွန်တော်တို့ ဒီနေ့လမ်းလျှောက်ရခြင်းဟာ ကျွန်တော်တို့ လူငယ်တွေစုပြီး တစ်နိုင်ငံလုံး ငြိမ်းချမ်းရေးရရှိနိုင်ရန်အတွက် လူငယ်တွေအနေနဲ့ တတပ် တအားပါဝင်တာပဲဖြစ်ပါတယ်။ လူတိုင်းရဲ့နှလုံးသားတိုင်းမှာ တစ်ဦးကိုတစ်ဦး ချစ်စိတ်သာရှိနေမယ်ဆိုရင် ကျွန်တော်တို့နိုင်ငံကြီးဟာ ငြိမ်းချမ်းနေမှာဖြစ်ပါတယ်” လမ်းလျှောက်ပွဲတွင် ပါဝင်သူတစ်ဦးဖြစ်သူ Muslim Youth Network မှ ကိုထိန်လင်းခန့်က ပါဝင်ဖြစ်ခဲ့ပုံနှင့် ၎င်း၏ခံစားချက်ကို ပြောဆိုခဲ့သည်။

ကဗျာချစ်သူများအသင်းမှ ကဗျာဆရာများမှလည်း အပြည်ပြည်ဆိုင်ရာ ငြိမ်းချမ်းရေးနေ့ အထိမ်းအမှတ်အဖြစ် ရန်ကုန်မြို့တွင် ငြိမ်းချမ်းရေး ကဗျာများကို လိုက်လံရွတ်ဆိုခဲ့ကြသည်။ ညနေပိုင်းတွင် အောင်ဆန်း အားကစားကွင်း၌ ချစ်ကြည်ရေး ဘောလုံးအားကစားပြုလုပ်ခဲ့ကြပြီး ရွှေသံစဉ်ဂီတနှင့် ပန်းရဲ့လမ်းဂီတအဖွဲ့မှ အနုပညာရှင်များက ငြိမ်းချမ်းရေးသီချင်းများဖြင့် အပြည်ပြည်ဆိုင်ရာငြိမ်းချမ်းရေးနေ့ကို ဂုဏ်ပြုခဲ့ကြသည်။