ဂါဇာပြည်သူ ၉၅ ရာခိုင်နှုန်း သောက်သုံးရေ မရ

စက်တင်ဘာ ၂၃ ၊ ၂၀၁၄
M-Media
– ဂါဇာပြည်သူများ၏ ၉၀ ရာခိုင်နှုန်းမှာ ဆင်းရဲမွဲတေမှု သတ်မှတ်ချက်အောက်တွင် နေထိုင်နေရပြီး ဂါဇာရှိ ရေ ၉၅ ရာခိုင်နှုန်းမှာ သောက်သုံး၍မရဟု ဂါဇာဒေသ ပိတ်ဆို့မှု ဆန့်ကျင်ရေး ကော်မတီမှ ပြီးခဲ့သည့် ရက်ပိုင်းအတွင်းက ထုတ်ပြန်သော ကြေညာချက်တွင် ဖော်ပြခဲ့သည်။

အစ္စရေးက ပိတ်ဆို့ထားမှုကြောင့် ဂါဇာပြည်သူများမှာ ယခင်ကတည်းက အခက်အခဲများကို ကြုံတွေနေရခဲ့ပြီး ပြီးခဲ့သည့် သြဂုတ်လမှစတင်ကာ ရက်ပေါင်း ၅၀ ကြာမြင့်ခဲ့သည့် အစ္စရေး၏ ကျူးကျော်တိုက်ခိုက်မှုကြောင့် ဂါဇာပြည်သူများ၏ အခြေအနေများမှာ ပိုမို ဆိုးရွားခဲ့သည်။

“(အစ္စရေးတဲ့ ကျူးကျော်တိုက်ခိုက်မှုကြောင့်) အိုးအိမ်စွန့်ခွာထွက်ပြေးခဲ့ရပြီး ကယ်ဆယ်ရေး စခန်းတွေမှာ နေထိုင်နေတဲ့ ဂါဇာပြည်သူတွဟာ ဆိုးရွားတဲ့ အခြေအနေတွေကို ကြုံတွေ့နေရပါတယ်။ အဓိကအဆောက်အအုံတွေဖြစ်တဲ့ လျှပ်စစ်ဓာတ်အားပေးစက်ရုံ၊ ရေးပေးဝေရေးစက်ရုံနဲ့၊ ရေဆိုးသန့်ရှင်းရေးစနစ်တွေ အဖြိုခံလိုက်ရပြီးတဲ့နောက်ပိုင်းမှာ သူတို့ဘ၀ရပ်တည်ဖို့အတွက် ခြေခံလိုအပ်ချက်တွေ ဆုံးရှုံးသွားခဲ့ပါတယ်” ဟု ကော်မတီအကြီးအကဲ ခိုဒရီကဆိုသည်။

ဂါဇာပြည်သူများ၏ အလုပ်လက်မဲ့နှုန်းမှာ မြင့်တက်လာက အလုပ်ရှိသူများ၏ ပျမ်းမျှ ၀င်ငွေမှာလည်း တစ်နေ့လျှင် ၂ ဒေါ်လာအောက်သာရှိသည်။ ထို့ပြင် ရေဆိုး သန့်ရှင်းရေးစနစ် ဖျက်ဆီးခံခဲ့ရခြင်းကြောင့် မိလ္လာရေဆိုး လီတာ သန်း ၄၀ မှာ နေ့စဉ်ပင်လယ်ထဲသို့ စီးဝင်ခဲ့နေပြီး ပင်လယ်ရေ၏ ၉၅ ရာခိုင်နှုန်းမှာ သောက်သုံး၍မရပေ။
“ယေဘုယျအားဖြင့် စိုက်ပျိုးရေးလုပ်ငန်းအပါအ၀င် အသက်ရှင်နေထိုင်ရေးကဏ္ဍအားလုံးမှာ ထိခိုက်မှုတွေရှိနေပါတယ်။ အစ္စရေးရဲ့ ဒုံးကျည်ထိတဲ့ လယ်ယာမြေတွေဟာလည်း ဒုံးကျည်ကထွက်တဲ့ အဆိပ်အကြောင့် ညစ်ညမ်းနေပါတယ်” ဟု ခိုဒရီကဆိုပြီး ဂါဇာပြည်သူများ၏ ဘ၀များကို ကယ်တင်ရန်အလို့ငှာ မြန်ဆန်သည့် အဖြေများကို ရှာဖွေရန်အတွက် နိုင်ငံတကာအဖွဲ့အစည်းများနှင့် အာရပ်အဖွဲ့များကို တိုက်တွန်းခဲ့သည်။

ref_ MiddleEastMonitor