အမေရိကန်တွင် အီဘိုလာ ဗိုင်းရပ်စ် ကူးစက်ခံထားရသူ တစ်ဦးတွေ့ရှိ

အောက်တိုဘာ ၁ ၊ ၂၀၁၄
M-Media

– အမေရိကန်ပြည်ထောင်စု တက္ကဆက်ပြည်နယ် ဒဲလက်စ်မြို့ဆေးရုံတွင် ဆေးကုသမှုခံယူနေသော လူနာတစ်ဦး၌ အီဘိုလာဗိုင်းရပ်စ်ပိုး တွေ့ရှိခဲ့ရသည်ဟု ဗဟိုအစိုးရ ကျန်းမာရေး တာဝန်ရှိသူများက ပြောကြားလိုက်သည်။

အမည်ဖော်ပြခြင်းမရှိသော အဆိုပါလူနာမှာ လိုက်ဘေးရီးယားနိုင်ငံသားဖြစ်ပြီး စက်တင်ဘာ ၁၉ ရက်နေ့က အမေရိကန်သို့ ရောက်ရှိလာခဲ့ခြင်းဖြစ်သည်။ ၎င်းမှာ စက်တင်ဘာ ၂၄ ရက်နေ့တွင် အီဘိုလာကူးစက်သည့် ရောဂါလက္ခဏာများ ပြသခဲ့ပြီး ၂၆ ရက်နေ့တွင် ဆေးရုံတင်ခဲ့ကာ ၂၈ ရက်နေ့တွင် အီဘိုလာရှိကြောင်း စမ်းသပ်တွေ့ရှိခဲ့ရခြင်းဖြစ်သည်။

၎င်းအား ယခုလက်ရှိတွင် Texas Health Presbyterian ဆေးရုံ၌ သီးသန့်ခွဲထားပြီး ဆရာဝန်များ၊ ၀န်ထမ်းများနှင့် ဆေးရုံရှိ လူနာများ ဘေးအန္တရာယ်ကင်းစေရန် အမေရိကန် ရောဂါဘယ ထိန်းချုပ်ရေးနှင့် ကာကွယ်တားဆီးရေး စင်တာ CDC က အကြံဥာဏ်များပေးကာ ဆောင်ရွက်နေသည်ဟု အဆိုပါဆေးရုံမှ အရာရှိများက ပြောကြားခဲ့သည်။

CDC မှ ဒါရိုက်တာ သောမတ်စ်ဖရီဒန်ကမူ အတ္တလန်တာရှိ ရုံးချုပ်၌ ယမန်နေ့တွင် သတင်းစာရှင်းလင်းပွဲတစ်ခု ပြုလုပ်ခဲ့ပြီး မိမိတို့မှာ အီဘိုလာဗိုင်းရပ်စ်ပိုးအား ရပ်တန့်နိုင်လိမ့်မည်ကို သံသယမရှိကြောင်း ပြောကြားခဲ့သည်။

CDC မှာ ဇူလိုင် ၂၇ ရက်နေ့မှစ၍ အီဘိုလာသံသယရှိသူ ၁၂ ဦးအား စမ်းသပ်စစ်ဆေးမှုများ ပြုလုပ်ခဲ့ပြီး ရောဂါပိုး ကူးစက်နေကြောင်း မတွေ့ခဲ့ရပေ။

ref_ Al Jazeera and agencies