ဘောလုံးသမား ဘ၀မှ အနားယူရန် စဉ်းစားနေသည်ဟု အီဗရာဟီမိုဗစ် ဖွင့်ဟ

အောက်တိုဘာ ၇ ၊ ၂၀၁၄
M-Media

– မိမိ၏ မိသားစုနှင့်အတူ အချိန်များကုန်ဆုံးရန် အတွက် ဘောလုံးလောကမှ အနားယူတော့မည်ဟု ပီအက်စ်ဂျီအသင်း တိုက်စစ်မှူး ဇလာတန် အီဗရာဟီမိုဗစ်က ပြောကြားလိုက်သည်။

ယခုလအတွင်း အသက် ၃၃ နှစ်ပြည့်တော့မည့် အီဗရာဟီမိုဗစ်မှာ ပြီးခဲ့သည့်ရာသီက ပီအက်စ်ဂျီအသင်းအတွက် စုစုပေါင်း ၄၁ ဂိုး သွင်းယူပေးခဲ့ပြီး၊ ယခုနှစ် ဘောလုံးရာသီတွင်လည်း ၅ ဂိုး သွင်းယူပေးထားနိုင်သည်။

၎င်း၏ အသက်အရွယ်အရ ဘောလုံးလောကမှ အနားယူတော့မည်ဟု သတင်းများ ထွက်ပေါ်နေပြီး အီဗရာဟီမိုဗစ် ကိုယ်တိုင်ကလည်း မိမိအနေဖြင့် ကစားသမားဘ၀မှ အနားယူရန် စိတ်အားထက်သန်နေသည်ဟု ပြောကြားခဲ့သည်။

“(အနားယူဖို့အတွက်) ကျွန်တော်စဉ်းစားနေပါတယ်။ ဘောလုံးကစားရတဲ့အခါ အချိန်အများကြီးကို ဟိုတယ်တွေမှာ ကုန်ဆုံးခဲ့ရပြီး သူများထက် တစ်ပန်းရှုံးခဲ့ရပါတယ်။ ကျွန်တော့်ရဲ့အကြီးဆုံးသားက ၈ နှစ်ရှိပြီး အငယ်ဆုံးသားက ၆ နှစ်ရှိပါပြီ။ သူတို့ဘ၀မှာ ကျွန်တော်ဟာ နေ့တိုင်း အတူမရှိခဲ့ရပါဘူး။ ကျွန်တော့်မိသားစုနဲ့အတူနေချင်ပြီး၊ ကစားသမားဘ၀ ထိပ်ဆုံးအချိန်မှာ အနားယူချင်ပါတယ်” ဟု အီဗရာဟီမိုဗစ်က The Guardian သတင်းစာသို့ ပြောကြားခဲ့သည်။

အီဗရာဟီမိုဗစ်မှာ အေဂျက်၊ ဂျူဗင်တပ်စ်၊ အင်တာ၊ ဘာစီလိုနာ၊ အေစီမီလန်၊ ပီအက်စ်ဂျီတို့နှင့်အတူ လိဂ်ဖလား ၂၃ လုံးကို ဆွတ်ခူးရရှိခဲ့သည်။ သို့သော်လည်း ၎င်းက ချန်ပီယံလိဂ်ဖလားကို မဆွတ်ခူးနိုင်ခြင်းမှာ မိမိဘ၀၏ အကြီးမားဆုံး ၀မ်းနည်းမှုဖြစ်သည်ဟု ထည့်သွင်း ပြောကြားခဲ့သည်။