မုန်တိုင်းကြောင့် ရေပိုင်နက်ထဲ ဝင်လာသည့် သီရိလင်္ကာ ငါးဖမ်း သင်္ဘောများအား မြန်မာ အာဏာပိုင်များ ဖမ်းဆီး

အောက်တိုဘာ ၈ ၊ ၂၀၁၄
M-Media

– မြန်မာ့ရေပိုက်နက် အတွင်းသို့ ငါးဖမ်း သင်္ဘော ၃ စီးဖြင့် ၀င်ရောက်လာခဲ့သည့် သီရိလင်္ကာမှ ငါးဖမ်းသမား အုပ်စုကို ဖမ်းဆီး လိုက်သည်ဟု မြန်မာ အာဏာပိုင်များက အောက်တိုဘာ ၇ ရက်နေ့တွင် သတင်းထုတ်ပြန်ခဲ့သည်။

အဆိုပါ ငါးဖမ်းသမား အုပ်စုမှာ သီရိလင်္ကာတောင်ပိုင်း ကမ်းရိုးတမ်းမှ ထွက်ခွာလာခြင်းဖြစ်ပြီး မုန်တိုင်းကြောင့် လမ်းလွဲကာ ရောက်ရှိလာ ခဲ့ခြင်းဖြစ်သည်ဟု စောစောပိုင်း သတင်းများတွင် ဖော်ပြခဲ့သည်။

သီရိလင်္ကာ ငါးဖမ်းသင်္ဘော ၃၀ မှာ မုန်တိုင်းဒဏ်ကို ခံစားခဲ့ရသည်ဟု သီရိလင်္ကာ ငါးလုန်ငန်းဌာနမှ လက်ထောက် ဒါရိုက်တာ လာလ် ဒီ ဆီးလ်ဗားက သတင်းထောက်များအား ပြောကြားခဲ့သည်။

ထိုငါးဖမ်းသင်္ဘောများအား မြန်မာ့ရေပိုင်နက်အတွင်းသို့ ၀င်ရောက်ခွင့်ပြုရန် မြန်မာအစိုးရထံ တောင်းဆိုထားပြီး ပြန်လည်အကြောင်းမကြားသေးကြောင်း၊ ငါးဖမ်းသမားများမှာ တရားမ၀င် ၀င်ရောက်မှုဖြင့် ဖမ်းဆီးထိန်းသိမ်းခြင်း ခံရနိုင်ကြောင်း ဆီးလ်ဗားက ထပ်လောင်းပြောကြားခဲ့သည်။

“လိုအပ်တဲ့အကူညီတွေကိုပေးဖို့ ကျွန်တော်တို့ဟာ မြန်မာနဲ့ ဘင်္ဂလားဒေ့ရ်ှအစိုးရတွေကို မေတ္တာရပ်ခံထားပါတယ်”

ref_ ဆင်ဟွာ