ဟောင်ကောင် အစိုးရနှင့် ကျောင်းသားများ တွေ့ဆုံဆွေးနွေးမှု သဘောတူညီချက် မရသေး

အောက်တိုဘာ ၂၂ ၊ ၂၀၁၄
M-Media

– ဟောင်ကောင်တွင် ဆန္ဒပြမှုများကို အဆုံးသတ်ရေး အတွက် ကျောင်းသားခေါင်းဆောင်များနှင့် ဟောင်ကောင် အစိုးရတို့ ဆွေးနွေးမှုများတွင် တိုးတက်မှု မရရှိသေးဟု သိရသည်။

အင်္ဂါနေ့က စတင်ခဲ့သည့် အဆိုပါဆွေးနွေးပွဲ အဖွင့် မိန့်ခွန်းတွင် ဆန္ဒပြပွဲများကို ဦးဆောင် ပြုလုပ်ခဲ့သည့် ကျောင်းသားခေါင်းဆောင် ၃ ဦးထဲမှ တစ်ဦးဖြစ်သူ ဟောင်ကောင်ကျောင်းသား အဖွဲ့ချုပ်မှ အထွေထွေ အတွင်းရေးမှူး အဲလ်လက်စ်ချောင်က ၂၀၁၇ ခုနှစ် ဟောင်ကောင်ရွေးကောက်ပွဲတွင် အုပ်ချုပ်ရေးမှူးအား ဒီမိုကရေစီနည်းကျ ရွေးချယ်ခွင့် မပေးခြင်းမှာ ဟောင်ကောင်အား သင်းကွပ်ခြင်းဖြစ်သည်ဟု ပြောကြားခဲ့သည်။

အစိုးရဘက်ကမူ ဟောင်ကောင်၏ အခြေခံဥပဒေကို ဆန္ဒပြသူများ တောင်းဆိုသကဲ့သို့ ပြင်ဆင်နိုင်မည် မဟုတ်ဟု ပြောကြားခဲ့ပြီး၊ ဟောင်ကောင်ပြည်သူအများစုမှာ ဆန္ဒပြသူများ၏ သဘောထားနှင့် မတူညီကြဟုလည်း ဆိုသည်။

“ဆန္ဒြုပတဲ့နေရာတွေကို မလာကြတဲ့ ပြည်သူတွေအများကြီးရှိတယ်ဆိုတာကို နားလည်ဖို့လိုပြီး ဟောင်ကောင်အုပ်ချုပ်ရေးမှူးကို ပြည်သူက ခန့်အပ်ဖို့ မတောင်းဆိုကြတဲ့ သူတွေလည်း အများကြီးပါ” ဟု ဟောင်တရားရေးအဖွဲ့မှ အတွင်းရေးမှူး ရင်မ်စကီ ယွမ်က ပြောကြားခဲ့သည်။

ဆန္ဒပြသူများကမူ ဟောင်ကောင်မြို့လည်ကောင်ရှိ အဓိက ဇုန်သုံးခုတွင် အဆိုပါ ဆွေးနွေးမှုကို စောင့်ကြည့်ခဲ့ကြပြီး ကျောင်းသားခေါင်းဆောင်များ၏ ပြောကြားမှုများအဆုံးတွင် အားပေးဟစ်အော်ခဲ့ကြသည်။

ဆွေးနွေးမှုများ ပြုလုပ်နေသော်လည်း အဖြေရရန် မသေချာသေးဘဲ ဟောင်ကောင်တွင် ဒီမိုကရေစီအရေး ဆန္ဒပြမှုများမှာလည်း ရပ်တန့်ဖွယ်မရှိဟု လေ့လာသူများက ဆိုသည်။

ref_ aljazeera