လီဗာပူးလ်ကို အဝေးကွင်းမှာ ၃ ဂိုးသွင်းတဲ့ ရီးယဲလ်း၊ အာဆင်နယ် အဝေးကွင်းနိုင်တဲ့ ချန်ပီယံလိဂ် ပွဲစဉ် ၃

အောက်တိုဘာ ၂၃ ၊ ၂၀၁၄
M-Media

– ချန်ပီယံလိဂ် အုပ်စု A၊ B၊ C၊ D ရဲ့ ပွဲစဉ် ၃ ကို ယနေ့မနက်မှာ ကစားခဲ့ပြီး လီဗာပူးလ်က အိမ်ကွင်းမှာ ဂိုးပြတ်နဲ့ ရှုံးနိမ့်ခဲ့ကာ ဂျုဗင်တပ်စ်ကလည်း အဝေးကွင်းမှာ ရှုံးနိမ့်ခဲ့ပါတယ်။ အာဆင်နယ်နဲ့ လူဒိုဂိုးရက်စ်တို ကတော့ နောက်ဆုံး မိနစ်ဂိုးတွေနဲ့ အဖိုးတန်သုံးမှတ် ရခဲ့ပါတယ်။

အုပ်စု A

အက်သလက်တီကို ၅-၀ မာလ်မို
အိုလံပီယာကော့စ် ၁-၀ ဂျူဗင်တပ်စ်

မက်ဒရစ်မှာကစားတဲ့ပွဲမှာ အသင်းငယ် မာလ်မိုတို့ အိမ်ရှင်ကို သူတင်ကိုတင်ကစားနိုင်ခဲ့ပြီး အက်သလက်တီကိုက ဒုတိယပိုင်းရောက်မှ အနိုင်ဂိုး ၅ ဂိုး စလုံး သွင်းယူနိုင်ခဲ့တာပါ။ ၄၈ မိနစ်မှာ ကိုကီက အဖွင့်ဂိုး သွင်းခဲ့တာဖြစ်ပြီး နောက်ထပ် ၄ ဂိုးမှာ ၃ ဂိုးကိုလည်း သူကပဲ ဖန်တီးပေးခဲ့တာ ဖြစ်ပါတယ်။

ပြီးခဲ့လက အက်သလက်တီကိုကို အိမ်ကွင်းမှာ အနိုင်ကစားနိုင်ခဲ့တဲ့ အိုလံပီယာကော့စ်တို့ ဒီနေ့မနက်ပွဲမှာလည်း အကောင်းဆုံး ခြေစွမ်းပြခဲ့ပြီး စီးရီးအေ ထိပ်သီး ဂျူဗင်တပ်စ်ကို အနိုင်ယူနိုင်ခဲ့ပါတယ်။ အိမ်ရှင်တို့ ပွဲအစမှာ ကစားပုံကောင်းခဲ့ပြီး ဂျူဗင်တပ်စ် ကို ဖိအားပေးနိုင်ခဲ့ကာ အနိုင်ဂိုးကိုလည်း ၃၆ မိနစ်မှာ ကာဆာမီက သွင်းယူပေးခဲ့တာပါ။ ဂျူဗင်တပ်စ်ကလည်း အိုလံပီယာကော့စ်ရဲ့ ဂိုးပေါက်ကို ခြိမ်းခြောက်နိုင်ခဲ့ပြီး ဂိုးသမား ရောဘတ်တို ကောင်းလွန်း တာကြောင့်သာ အိမ်ရှင်တို့ အနိုင် ၃ မှတ်သေချာခဲ့တာပါ။ ၃ ပွဲကစားပြီးတဲ့အချိန်မှာ အက်သလက်တီကိုနဲ့ အိုလံပီယာကော့စ်တို့က ၆ မှတ်စီနဲ့ အုပ်စု ပထမ၊ ဒုတိယနေရာရှိနေပြီး ဂျူဗင်တပ်စ်နဲ့ မာလ်မိုတို့ကတော့ ၃ မှတ်စီနဲ့ တတိယ၊ စတုတ္ထနေရာမှာ အသီးသီး ရှိနေကြပါတယ်။

အုပ်စု B

လီဗာပူးလ် ၀-၃ ရီးယဲလ်မက်ဒရစ်
လူဒိုဂိုးရက်စ် ၁-၀ ဘေဆယ်

အန်ဖီးလ်မှာ ကစားခဲ့ရပေမယ့် ရော်ဂျာရဲ့ လီဗာပူးလ် ရီးယဲလ်ကို လုံးဝ ယှဉ်မကစားနိုင်ခဲ့ပါဘူး။ ဒီထက်ပိုဆိုးတာက တစ်ပွဲလုံးမှာ ရီးယဲလ်ဂိုးပေါက်ကို ၂ ကြိမ်သာ ခြိမ်းခြောက်နိုင်ခဲ့တဲ့ လီဗာပူးလ်တိုက်စစ်ကလည်း မေးခွန်းထုတ် စရာ ဖြစ်ခဲ့ပါတယ်။ ရီးယဲလ်အတွက် ဂိုးတွေကို ပထမပိုင်းမှာပဲ ဘန်ဇီမာက ၂ ဂိုးနဲ့ ရော်နယ်ဒိုက ၁ ဂိုး သွင်းပေးခဲ့တာပါ။ ဒီပွဲအရှုံးဟာ ချန်ပီယံလိဂ်သမိုင်းတစ်လျှောက် လီဗာပူးလ်တို့ အိမ်ကွင်းမှာ ၂ ဂိုး အထက်နဲ့ ပထမဆုံး ရှုံးနိမ့်ခဲ့ရတာလည်း ဖြစ်ပါတယ်။

ပွဲစဉ် ၂ မှာ လီဗာပူးလ်ကိုအနိုင်ကစားနိုင်ခဲ့တဲ့ ဘေဆယ်တို့ ဘယ်လီယံမြေမှာ အသင်းငယ် လူဒိုဂိုးရက်စ်ကို နောက်ဆုံး မိနစ်နဲ့ အရှုံးပေးခဲ့ရပါတယ်။ ဒီပွဲမှာ ၁ ဂိုးသာရတယ်ဆိုပေမယ့် အိမ်ရှင်တို့ အသာစီးနဲ့ ဖိကစားနိုင်ခဲ့ပြီး ဂိုးသွင်းခွင့်လည်း တော်တော် များများ ရခဲ့ပါတယ်။ ဒီပွဲအနိုင်ကြောင့် လူဒိုဂိုးရက်စ်တို့ ချန်ပီယံလိဂ်မှာ ပထမဆုံး အမှတ်ရတဲ့ ဘယ်လ်ဂျီယံ ကလပ်အဖြစ် စံချိန်တင်နိုင်ခဲ့ပါတယ်။ ဒီအုပ်စုမှာ ရီးယဲလ်က ၉ မှတ်နဲ့ ဦးဆောင်နေပြီး ကျန်တဲ့ ၃ သင်းကတော့ ၃ မှတ်စီ ရထားပါတယ်။

အုပ်စု C

လေဗာကူဆင် ၂-၀ ဇင်းနစ်
မိုနာကို ၀-၀ ဘင်ဖီကာ

ဂျာမန်မြေမှာကစားခဲ့တဲ့ လေဗာကူဆင်နဲ့ ဇင်းနစ်တို့ရဲ့ ပွဲမှာတော့ ပွဲကအေးခဲ့ပြီး ကွင်းလယ်မှာတင် အချိန်ကုန်နေ ခဲ့ပါတယ်။ နှစ်သင်းစလုံး ဂိုးသွင်းခွင့်လည်း သိပ်မရခဲ့ဘဲ အိမ်ရှင်တို့အတွက် အနိုက်ဂိုးကို ၅၈ မိနစ်မှာ ဒိုနာတီနဲ့ ၆၃ မိနစ်မှာ ပါပါဒိုပျူးလက်စ်တို့က သွင်းယူပေးခဲ့တာ ဖြစ်ပါတယ်။

မိုနာကိုကတော့ ဂိုးသမား ဆူဘာစစ်ရဲ့ လက်စွမ်းပြမှုကြောင့် အိမ်ကွင်းမှာ သရေတစ်မှတ်ရခဲ့တာဖြစ်ပါတယ်။ ဘင်ဖီကာတို့ရဲ့ ကစားပုံက အိမ်ရှင်ထက် ပိုမိုကောင်းမွန်ခဲ့ပြီး မိုနာကိုကတော့ တစ်ပွဲလုံးမှာ ဘင်ဖီကာ ဂိုးပေါက်ကို တစ်ကြိမ်သာ ခြိမ်းခြောက်နိုင်ခဲ့ပါတယ်။ ဒီပွဲသရေကြောင့် မိုနာကိုတို့ ၅ မှတ်နဲ့ လေဗာကူဆင်အောက် ဒုတိယနေရာမှာ ရှိနေခဲ့ပြိး ဘင်ဖီကာကတော့ ၁ မှတ်နဲ့ အောက်ဆုံးရောက်နေကာ နောက်တစ်ဆင့်တက်ဖို့အတွက် ကျန်တဲ့ပွဲတွေမှာ ရုန်းကန်ရပါတော့မယ်။

အုပ်စု D

အန်ဒါလက်ခ်ျ ၁-၂ အာဆင်နယ်
ဂါလာတာစာရေး ၀-၄ ဒေါ့မွန်

ကစားသမားအတော်များများ ဒဏ်ရာရနေတဲ့ အာဆင်နယ်တို့ အဝေးကွင်းမှာ ကံကောင်းထောက်မစွာနဲ့ အနိုင်ရခဲ့တာပါ။ ဘလ်ဂျီယံ မြေမှာ ပွဲကိုစိုးမိုးထားနိုင်ပေမယ့် လိုအပ်နေတဲ့ဂိုးတွေကိုတော့ အာဆင်နယ်တို့ မသွင်းနိုင်ခဲ့ဘဲ ၇၁ မိနစ်မှာ အိမ်ရှင်အတွက် နာဂျာက ဦးဆောင်ဂိုးသွင်းပေးခဲ့ပါတယ်။ ဒီဂိုးနဲ့ပဲ ၈၉ မိနစ်အထိ ရောက်ခဲ့ပြီး အဲဒီအချိန်ကျမှ အာဆင်နယ်နောက်ခံလူ ကီရင်ဂစ်ဘ်က သူရဲ့ တစ်နှစ်အတွင်း ပထမဆုံးဂိုးနဲ့ ချေပနိုင်ခဲ့ပြီး ၂ မိနစ်အကြာ နာကျင်အချိန်ပိုမှာ ပိုဒေါစကီးက အနိုင်ဂိုး ထပ်သွင်းပေးခဲ့တာကြောင့် အဝေးကွင်းမှာ အာဆင်နယ်တို့ အဖိုးတန် အနိုင် ၃ မှတ်ရခဲ့တာ ဖြစ်ပါတယ်။

ပွဲစဉ် ၂ မှာ အာဆင်နယ်ကို အနိုင်ကစားထားတဲ့ ဒေါ့မွန်တို့ အဝေးကွင်းမှာ ကစားခဲ့ရပေမယ့် အခက်အခဲမရှိခဲ့ပါဘူး။ ဒီပွဲအနိုင်ကြောင့် ဒေါ့မွန်တို့ ရာနှုန်းပြည့်အနိုင် ၉ မှတ်နဲ့ အုပ်စုကို ဦးဆောင်နေပြီး အာဆင်နယ်ကတော့ ၆ မှတ်နဲ့ ဒုတိယနေရာမှာရှိကော ကျန် ၂ သင်းကတော့  ၁ မှတ်စီသာ ရရှိထားပါတယ်။