လာမည့် ၂ နှစ်အတွင်း ဖလားရမည်ဟု စပါးနည်းပြပြော

အောက်တိုဘာ ၂၄ ၊ ၂၀၁၄
M-Media

– မိမိတို့အသင်းမှာ လက်ရှိတွင် ခက်ခဲသောအခြေအနေနှင့် ရင်ဆိုင်နေရသော်လည်း လာမည့် ၂ နှစ်အတွင်း အဓိက ဖလားတစ်လုံးကို ရယူနိုင်လိ့မည်ဟု စပါးနည်းပြ ပိုချက်တီနိုက ပြောကြားလိုက်သည်။

ပိုချက်တီနိုမှာ ပြီးခဲ့သည့်နွေရာသီကမှ အသင်းသို့ ရောက်ရှိလာခြင်းဖြစ်ပြီး အသင်းမှာ ခြေစွမ်းမပြနိုင်ဘဲ ပရီးမီးယားလိဂ် ၈ ပွဲကစားပြီးချိန်တွင် ၁၁ မှတ်သာ ရရှိထားက အဆင့် ၉ နေရာတွင် ရှိနေသည်။

စပါးအသင်းမှာ နည်းပြရာမို့စ် လက်ထက်တွင် အသင်း၏ နောက်ဆုံး ဆုဖလားအဖြစ် ၂၀၀၈ ခုနှစ်တွင် လိဂ်ဖလားအား ရရှိခဲ့ပြီး ပိုချက်တီနိုကမူ လာမည့် ၂ နှစ်အတွင်း ပထမဆုံး ဖလားရရှိရန် စွမ်းဆောင်နိုင်မည်ဟု ယုံကြည်ကြောင်း ပြောကြားခဲ့သည်။

“အချိန်လိုပါတယ်။ ဆိုးရွားတဲ့အချိန်တွေကို ခံစားပြီး အမှတ်ရဖို့လည်း လိုအပ်ပါတယ်။ ဒါပေမယ့် အခုအချိန်ဟာ ကျွန်တော်တို့အတွက် ခြားနားတဲ့ အချိန်ကာလပါပဲ။ ခြောက်လ၊ တစ်နှစ်၊ ဒါမှမဟုတ် ၂ နှစ်အတွင်းမှာ အရေးပါတဲ့ဆုဖလားတစ်ခုခုကို ရမယ်ဆိုတာ ကျွန်တော်သေချာပြောရဲပါတယ်” ဟု ပိုချက်တီနိုက ဆိုသည်။

စပါးမှာ ယူရိုပါလိဂ်ပွဲစဉ်အဖြစ် Asteras အသင်းနှင့် မနေ့ညတွင် ယှဉ်ပြိုင်ကစားခဲ့ရာ ၅ ဂိုး ၁ ဂိုးဖြင့် အနိုင်ရရှိခဲ့သည်။