ဂိုအပြန် အလှန်သွင်းမှုတွေနဲ့ အတူ နောက် တစ်ဆင့်တက်တဲ့ ၄ သင်း ပေါ်ထွက်လာခဲ့တဲ့ ချန်ပီယံလိဂ်ပွဲစဉ်များ

နိုဝင်ဘာ ၆ ၊ ၂၀၁၄
M-Media

ချန်ပီယံလိဂ် ကျန်တဲ့ အုပ်စု ၄ ခုရဲ့ အုပ်စု ပွဲစဉ် ၄ ကို ဒီနေ့မနက်မှာ ကစားခဲ့ပြီး ဘိုင်ယန်၊ ဘာစီလိုနာ၊ ပီအက်စ်ဂျီနဲ့ ပေါ်တိုတို့ အနိုင်ရကာ နောက်တစ်ဆင့်ကို တက်ရောက်သွားနိုင် ခဲ့ပါပြီ။ မန်စီးတီးကတော့ အိမ်ကွင်းမှာ စီအက်စ်ကေအေကို အရှုံးပေးခဲ့ရပြီး၊ ချယ်ဆီးကလည်း မာရီဘိုးကို အဝေးကွင်းမှာ အခွင့်အရေးတွေရခဲ့ပေမယ့် ၁ ဂိုးစီ သရေသာ ကစားနိုင်ခဲ့ပါတယ်။

အုပ်စု E
ဘိုင်ယန် ၂-၀ ရိုးမား
မန်စီးတီး ၁-၂ စီအက်စ်ကေအေ

ပွဲစဉ် ၃ ရောမမြေမှာ ၇ ဂိုး ၁ ဂိုးနဲ့ အနိုင်ရခဲ့တဲ့ ဘိုင်ယန်တို့ အိမ်ကွင်းမှာလည်း ၂ ဂိုး ပြတ်နဲ့ အနိုင်ရခဲ့ပါတယ်။ ဒါပေမယ့် လွယ်လွယ်ကူကူ အနိုင်ရခဲ့တာတော့ မဟုတ်ပါဘူး။ ပွဲအစပိုင်းမှာ ရိုးမားတို့ အသာရခဲ့တာကြောင့် အိမ်ရှင်တို့ ရုန်းကန်ခဲ့ရပါတယ်။ ဒါပေမယ့် ၃၈ မိနစ်မှာ ရီဘာရီက အဖွင့်ဂိုး သွင်းပေးနိုင်ခဲ့ပါတယ်။ ဒုတိယပိုင်းမှာတော့ ဘိုင်ယန်တို့ လုံးဝ ပုံစံပြောင်းသွားပြီး ရိုမားမားဘက်ကို ပြန်ဖိအားပေးနိုင်ခဲ့ကာ ၅၄ မိနစ်မှာ ဂေါ့ဇီက ဧရိယာအတွင်းထဲကနေ အပြင်းကန်သွင်းပြီး ဘိုင်ယန်တို့အတွက် ဒုတိယဦးဆောင်ဂိုး သွင်းပေးခဲ့ပါတယ်။ ဒါပေမယ့် ဂါဗင်ဟိုနဲ့ နိုင်ဂိုလန်တို့ရဲ့ အပိုင်ဂိုးသွင်းခွင့် ၂ ကြိမ်ကို နျူအာကာကွယ်နိုင်ခဲ့တာကြောင့် အိမ်ရှင်တို့ သက်သာရာရခဲ့တာပါ။ ဒီနိုင်ပွဲကြောင့် ဘိုင်ယန်ဟာ ချန်ပီယံလိပ်အုပ်စုအဆင့်မှာ အုပ်စုပထမနဲ့ ၁၆ သင်းအဆင့်ကို တက်ရောက်နိုင်ခဲ့ ပထမဆုံး ဂျာမန်ကလပ် ဖြစ်လာပါတယ်။

မန်စီးတီးကတော့ အိမ်ကွင်းမှာ ကစားသမား နှစ်ယောက်အထုတ်ခံရမှုနဲ့အတူ စိတ်ပျက်စရာ အရှုံးနဲ့ တွေ့ကြုံခဲ့ရပါတယ်။ ပွဲအစ ၂ မိနစ်မှာပဲ ဒမ်ဘီယာရဲ့ အဖွင့်ဂိုးကို အိမ်ရှင်တို့ ခွင့်ပြုခဲ့ရပါတယ်။ ဒါပေမယ့် ဘောလုံးပိုင်ဆိုင်မှုအသာနဲ့ ကစားနိုင်ခဲ့တဲ့ မန်စီးတီးတို့အတွက် ၈ မိနစ်မှာ ယာယာတိုးယေးက ချေပဂိုး သွင်းပေးခဲ့ပါတယ်။ နောက်ပိုင်းမှာလည်း မန်စီးတီး ကသာ ဖိကစားနိုင်ခဲ့ပေမယ့် စီအက်စ်ကေအေရဲ့ တန်ပြန်တိုက်စစ်ဟာ အိမ်ရှင်နောက်တန်းကို အကောင်းဆုံး ခြိမ်းခြောက်နိုင်ခဲ့ပါတယ်။ ဒီတန်ပြန်တိုက်စစ်ကနေပဲ ၃၄ မိနစ်မှာ ဒမ်ဘီယာက အနိုင်ဂိုးသွင်းပေးခဲ့တာပါ။ ဒုတိယပိုင်း မိနစ် ၇၀ နဲ့ ၈၂ မိနစ်မှာတော့ ဖာနန်ဒင်ဟိုနဲ့ တိုးယေးတို့ အထုတ်ခံခဲ့ရပါတယ်။ အင်္ဂလန်မြေမှာ ပထမဆုံးအနိုင်နဲ့အတူ စီအက်စ်ကေအေတို့ ၄ မှတ်ရခဲ့ပြီး ရိုးမာနဲ့ အမှတ်တူကာ နောက်တစ်ဆင့် တက်ရေးအတွက် မျှော်လင့်ချက်ရှိနေပါတယ်။ မန်စီးတီးကတော့ ၂ မှတ်နဲ့ အောက်ဆုံးမှာပါ။

အုပ်စု F
ပီအက်စ်ဂျီ ၁-၀ APOEL
အေဂျက် ၀-၂ ဘာစီလိုနာ

ပီအက်စ်ဂျီတို့ကတော့ အိမ်ကွင်းမှာ အေးအေးဆေးဆေး ကစားသွားပြီး ဂိုးသွင်းစက် ကာဗာနီရဲ့ ပွဲအစ ၁ မိနစ် သွင်းဂိုးနဲ့ အနိုင် ၃ မှတ်ရယူကာ နောက်ဆုံး ၃ နှစ်ဆက်တိုက်အဖြစ် နောက် တစ်ဆင့်ကို တက်ရောက်သွားခဲ့ပြီ ဖြစ်ပါတယ်။ ကာဗာနီရဲ့ ဒီဂိုးဟာ ပီအက်စ်ဂျီအတွက် ဥရောပပြိုင်ပွဲ အမြန်ဆုံးဂိုးလည်း ဖြစ်ပါတယ်။

အဝေးကွင်းမှာ သွားကစားခဲ့ရတဲ့ ဘာစီလိုနာကလည်း အခက်အခဲမရှိခဲ့ဘဲ မက်ဆီရဲ့ ၃၆ မိနစ်နဲ့ ၇၆ မိနစ်တွေမှာ သွင်းယူပေးခဲ့တဲ့ဂိုးနဲ့ နောက်တစ်ဆင့်ကို တက်ရောက်နိုင်ခဲ့ပါတယ်။

အုပ်စု G
မာရီဘိုး ၁-၁ ချယ်ဆီး
စပို့တင်းလစ္စဘွန်း ၄-၂ ရှော်လ်ကာ

ပထမအကျော့ စတမ်းဖို့ဒ်ဘရစ်ခ်ျမှာ ၆ ဂိုး ပြတ်နဲ့ အနိုင်ယူထားတဲ့ ချယ်ဆီး ဒီနေ့ မနက်ပွဲမှာတေ့ ဟဇာဒ့်ရဲ့ ပင်နယ်တီမ၀င်မှုနဲ့အတူ သရေတစ်မှတ်သာ ရခဲ့ပါတယ်။ ချယ်ဆီးတို့ ခြေအသာနဲ့ ကစားနိုင်ခဲ့ပေမယ့် ဦးဆောင်ဂိုးကိုတော့ အိမ်ရှင် မာရီဘိုးတို့က မိနစ် ၅၀ မှာ ရရှိခဲ့တာဖြစ်ပြီး အီဗရိုင်မီက သွင်းပေးခဲ့တာပါ။ ချယ်ဆီးတို့ကတော့ ဂိုးပေါက် ကန်သွင်းခွင့် ၁၀ ကြိမ်လောက်ရပြီး အပိုင်ဂိုးသွင်းခွင့် ၅ ကြိမ်လောက်ကို မာရီဘိုးဂိုးသမား ဟန်ဒါနိုဗစ်က လက်စွမ်းပြ ကာကွယ်သွားနိုင်ခဲ့ပါတယ်။ ချယ်ဆီးအတွက် လိုအပ်နေတဲ့ ချေပဂိုးကို မာတစ်က ၇၃ မိနစ်မှာ သွင်းယူပေးခဲ့ပြီး ပွဲပြီးကာနီးမှာ ပင်နယ်တီ တစ်လုံးရခဲ့ပေမယ့် ဟဇာဒ့်ရဲ့ ကန်သွင်းမှုကို ဟန်ဒါနိုဗစ်က အကောင်းဆုံး ကာကွယ်သွားနိုင်ခဲ့တာကြောင့် ချယ်ဆီးတို့ သရေ ၁ မှတ်နဲ့သာ ကျေနပ်ခဲ့ရပါတယ်။

ပေါ်တူဂီမှာကစားခဲ့တဲ့ စပို့တင်းတို့ရဲ့ ပွဲကတော့ မြိုင်ခဲ့ပြီး မန်ယူကွင်းလယ်လူဟောင်း နာနီရဲ့ ခြေစွမ်းပြမှုနဲ့အတူ ရှော်လ်ကာကို အနိုင်ယူနိုင်ခဲ့ပါတယ်။ ဂျာမနီမြေမှာ ကစားတုန်းက ၄ ဂိုး ၃ ဂိုးနဲ့ အနိုင်ရခဲ့တဲ့ ရှော်လ်ကာတို့ ဒီပွဲမှာတော့ စပို့တင်းဂိုးပေါက်ကို ၂ ကြိမ်သာ ခြိမ်းခြောက်နိုင်ခဲ့ပြီး ရတဲ့ ၂ ဂိုးမှာလည်း ၁ ဂိုးက ကိုယ့်ဂိုးကိုယ်သွင်းမှုကြောင့် ရခဲ့တာပါ။ စပို့တင်းအတွက် ဂိုးတွေကိုတော့ ၂၅၊ ၅၂၊ ၇၂ မိနစ်မှာ ဆာရ်၊ ဂျက်ဖာဆန်၊ နာနီတို့နဲ့ နောက်ဆုံး မိနစ်မှာ ဆလိုင်မာနီကတို့က အသီးအသီး သွင်းယူပေးခဲ့တာပဲဖြစ်ပါတယ်။ ဒီပွဲအနိုင်ကြောင့် ၄ မှတ်ရသွားတဲ့ စပို့တင်း ၅ မှတ်ရထားတဲ့ ရှော်လ်ကာရဲ့အောက် တတိယနေရာမှာ ရှိနေကာ နောက်တစ်ဆင့်တက်ဖို့ မျှော်လင့်ချက် ရှန်သန်လာပါပြီ။

အုပ်စု H
ဘီဘာအို ၀-၂ ပေါ်တို
ရှက်တာဒိုးနက် ၅-၀ BATE

ပေါ်တိုကလည်း အဝေးကွင်းမှာ ဘီဘာအိုကို ၂ ဂိုးပြတ်နဲ့ အနိုင်ကစားပြီး ရမှတ် ၁၀ မှတ်နဲ့ နောက်တစ်ဆင့်ကို တက်ရောက်သွားခဲ့ပါပြီ။ ၃ ပွဲကစားပြီး ၁ မှတ်သာရထားတဲ့ ဘီဘာအိုတို့ ကြိုးစားကစားခဲ့ပေမယ့် အရည်အသွေးပိုင်းမှာ ပေါ်တိုကို မယှဉ်နိုင်ခဲ့ဘဲ ပေါ်တိုဂိုးပေါက်ကိုလည်း တစ်ကြိမ်မှ မခြိမ်းခြောက်နိုင်ခဲ့ပါဘူး။ ပေါ်တိုအတွက် ဂိုးတွေကိုတော့ မာတီနက်ဇ်နဲ့ ဘရာဟီမီတို့က ၅၆ နဲ့ ၇၃ မိနစ်တို့မှာ သွင်းယူပေးခဲ့တာပါ။

ရှက်တာဒိုးနက်ကတော့ အိမ်ကွင်းမှာ အက်ဒရီယာနိုရဲ့ ဟက်ထရစ်နဲ့အတူ ၁၆ သင်းအဆင့်တက်ဖို့ သေချာသလောက်ဖြစ်သွားပြီး နောက်ပွဲမှာ သရေတစ်မှတ်သာလိုပါတော့တယ်။