လီဗာပူးလ် ၃ ပွဲဆက် ရှုံးပွဲတွေ့ခဲ့ပြီး နောက်ကျ ဂိုးနဲ့ စပါးတို့နိုင်

နိုဝင်ဘာ ၂၄ ၊ ၂၀၁၄
M-Media

– ပရီးမီးယားလိဂ် ပွဲစဉ် ၁၂ ရဲ့ လက်ကျန် ၂ ပွဲကို မနေ့ညမှာ ကစားခဲ့ပြီး ရော်ဂျာရဲ့ လီဗာပူးလ်က ၃  ပွဲဆက်အဖြစ် ခရစ္စတယ်ပဲလေ့စ်ကို အဝေးကွင်းမှာ ရှုံးနိမ့်ခဲ့ပါတယ်။ ခြေမငြိမ်တဲ့ စပါးတို့ကတော့ ဟားလ်စီးတီးကို အဝေးကွင်းမှာ အနိုင်ရခဲ့ပါတယ်။

နောက်ဆုံး သုံးပွဲမှာ ၁ မှတ်သာရထားတဲ့ လီဗာပူးလ်တို့ မနေ့ကပွဲမှာ တန်းဆန်းဇုန်နားက ခရစ္စတယ်ပဲလေ့စ်ကို ရှုံးခဲ့တာဟာ စိတ်ပျက်စရာပါပဲ။ တိုက်စစ်မှူးသစ် လမ်ဘာ့တ်က ပွဲအစ ၂ မိနစ်မှာ ဦးဆောင်ဂိုးသွင်းပေးခဲ့ပြီး ပွဲအစပိုင်းမှာ လီဗာပူးလ်တို့ ကစားပုံ ကောင်းခဲ့ပါတယ်။ နောက်ပိုင်းမှာတော့ ညံ့ဖျင်းတဲ့ကစားပုံကြောင့် အိမ်ရှင်အသင်းကို လွယ်လွယ်ကူကူပဲ ၁၇ မိနစ်၊ ၇၈ မိနစ်နဲ့ ၈၁ မိနစ်တို့မှာ ၃ ဂိုးပြန်ပေးခဲ့ရပါတယ်။ ခရစ္စတယ်ပဲလေ့စ်ရဲ့ အခုပွဲအနိုင်ဟာ နောက်ဆုံး ၅ ပွဲမှာ ပထမဆုံး နိုင်ပွဲလည်းဖြစ်ပါတယ်။

နောက်ဆုံး ၅ ပွဲမှာ ၃ ပွဲအထိ ရှုံးထားတဲ့ စပါးကတော့ ဟားလ်စီးတီးကို အဲရစ်ဆန်ရဲ့ နောက်ကျဂိုးနဲ့ အနိုင်ရခဲ့ပါတယ်။ ဇယားအောက်ခြေမှာ ကျောက်ချနေပြီး နိုင်ပွဲတစ်ပွဲမှ မရသေးတဲ့ ဘန်လေကို ပြီးခဲ့တဲ့တစ်ပတ်က ရှုံးထားတဲ့ ဟားလ်စီးတီးတို့ ပထမပိုင်းမှာ ကစားပုံကောင်းခဲ့ပြီး ၈ မိနစ်မှာ လစ်ဗာမိုးက ဦးဆောင်ဂိုး သွင်းပေးခဲ့ပါတယ်။ ခြေမမှန်တဲ့စပါးကလည်း ခြေစွမ်းသိပ်မပြနိုင်ခဲ့ပါဘူး။ ဒါပေမယ့် ၆၁ မိနစ်မှာ ဟယ်ရီကိန်းက ချေပဂိုးတစ်ဂိုးရအောင် သွင်းနိုင်ခဲ့ပြီး ဒုတိယပိုင်း နာကျင်အချိန်ပိုမှာ အဲရစ်ဆန်က အနိုင်ဂိုး ထပ်သွင်းပေးခဲ့လို့ စပါးတို့ အနိုင် ၃ မှတ်သေချာခဲ့ပါတယ်။

ပွဲစဉ် ၁၂ ပြီးတဲ့နောက်မှာတော့ ချယ်ဆီးက ၃၂ မှတ်နဲ့ ဇယားကိုဦးဆောင်နေပြီး ဒုတိယနေရာက ဆောက်သက်တမ်ကို ၇ မှတ်ဖြတ်ထားပါတယ်။ တတိယနေရာမှာ ၂၄ မှတ်နဲ့ မန်စီးတီးရှိနေပြီး အာဆင်နယ်ကိုနိုင်ခဲ့တဲ့ မန်ယူနဲ့ ပရီးမီးယားလိဂ် ၅ ပွဲဆက်နိုင်ခဲ့တဲ့ နယူးကာဆယ်တို့ကတော့ ၁၉ မှတ်စီနဲ့ အဆင့် ၄ နဲ့ အဆင့် ၅ နေရာမှာ အသီးသီး ရှိနေပါတယ်။ ဇယားအောက်ခြေမှာတော့ လက်စတာ၊ ဘန်လေနဲ့ ကျူပီအာရ်တို့ အသီးသီးရှိနေပါတယ်။

ပရီးမီးယားလိဂ် ပွဲစဉ် ၁၂ ရလဒ်များကတော့ အောက်ပါအတိုင်းဖြစ်ပါတယ်။

ခရစ္စတယ်ပဲလေ့စ် ၃-၁ လီဗာပူးလ်
ဟားလ်စီးတီး ၁-၂ စပါး
ချယ်ဆီး ၂-၀ ၀က်စ်ဘရွန်း
အဲဗာတန် ၂-၁ ၀က်စ်ဟမ်း
လက်စတာ ၀-၀ ဆန်းဒါးလန်း
နယူးကာဆယ် ၁-၀ ကျူပီအာရ်
စတုတ် ၁-၂ ဘန်လေ
မန်စီးတီး ၂-၁ ဆွမ်ဆီး
အာဆင်နယ် ၁-၂ မန်ယူ