ရသင့်သည့် ခံစားခွင့်မရ၍ သုဘရာဇာများ အီဘိုလာဖြင့် သေဆုံးသည့် အလောင်းများကို လမ်းပေါ်၌ လွှင့်ပစ်

နိုဝင်ဘာ ၂၇ ၊ ၂၀၁၄
M-Media

– အီဘိုလာ ကူးစက်ကာ သေဆုံးသူများအား တာဝန်ယူကိုင်တွယ်ရသော်လည်း ထိုက်တန်သော အကျိုးခံစားခွင့် မပေးသည့် အစိုးရအား ဆန္ဒပြသည့်အနေဖြင့် ဆီရာလီယွန် နိုင်ငံမှ သုဘရာဇာများမှာ အီဘိုလာကြောင့် သေဆုံးသွားသော အလောင်းများအား လမ်းမပေါ်တွင် စွန့်ပစ်ထားကြသည်ဟု သိရသည်။

နိုင်ငံအရှေ့ပိုင်း ကီနီမာမြို့တစ်ဝှမ်း နိုင်ဝင်ဘာ ၂၅ ရက်နေ့က အလောင်းပေါင်း ၁၅ လောင်းကို စွန့်ပစ်ခဲ့ကြခြင်းဖြစ်ပြီး ဆေးရုံးသို့ ၀င်ရောက်လာသူများအား တားဆီးရန်အတွက် ဆေးရုံ အ၀င်အ၀တွင် အလောင်း ၂ လောင်းအား စွန့်ပစ်ထားခဲ့ကြသည်။ ထိုဒေသ၏ အီဘိုလာကာကွယ်ရေး အဖွဲ့ခေါင်းဆောင် အဘ်ဒူလ် ၀ါဟဘ်ကမူ ထိုကဲ့သို့ စွန့်ပစ်ထားသည့် အလောင်းများတွင် လသား ကလေးအလောင်း ၂ လောင်းလည်း ပါဝင်သည်ဟု ပြောကြားခဲ့သည်။

ဆန္ဒပြအလုပ်သမားများမှ အမည်မဖော်လိုသည့် ပြောရေးဆိုခွင့်ရှိသူ တစ်ဦးကမူ ၎င်းတို့မှာ အီဘိုလာရောဂါသည်များအား ကိုင်တွယ်ရသည့်အတွက် ရရှိသော ငွေကြေး အကျိုးခံစားခွင့်ကို မရသည်မှာ ၇ ပတ်ရှိသွားပြီဟု ထည့်သွင်းပြောကြားခဲ့သည်။

အာဏာပိုင်းများကလည်း စန္ဒာလများ၏ အကျိုးခံစားခွင့်အား ပေးအပ်ခြင်းမရှိသည်ကို ၀န်ခံခဲ့သော်လည်း ၎င်းတို့အားလုံးအား အလုပ်ထုတ်ပစ်မည်ဟု ပြောကြားခဲ့သည်။

`အလောင်းတွေကို လူမြင်ကွင်းမှာ စွန့်ပစ်တာဟာ အင်မတန် လူမဆန်တဲ့လုပ်ရပ်ဖြစ်ပြီး လုံးဝ လက်မခံနိုင်စရာပါပဲ´ ဟု နိုင်ငံလုံးဆိုင်ရာ အီဘိုလာ ကာကွယ်ရေးစင်တာမှ ပြောရေးဆိုခွင့်ရှိသူ ဆီဒီ ယဟ်ယာက ပြောကြားခဲ့သည်။

ထို့ပြင် ၎င်းက ဗဟိုအစိုးရမှာ ထိုပိုက်ဆံများကို ချပေးပြီး အဆိုပါ ပိုက်ဆံများ မည်သည့်နေရာသို့ ရောက်သွားသည်ကို စုံစမ်းရန်လိုအပ်ကြောင်း ထပ်လောင်းပြောကြားခဲ့သည်။

Agencies