ဓလေ့ထုံးစံအရ ပူဇော်ရန် သား၏ နှလုံး ခွဲထုတ်ခဲ့မှု မိခင်အား စကော့တလန် ရဲတပ်ဖွဲ့ ဖမ်းဆီးထား

ဒီဇင်ဘာ ၆ ၊ ၂၀၁၄
M-Media

– အယူဝါဒဆိုင်ရာ ပူဇော်မှုအတွက် သားဖြစ်သူ၏ နှလုံးအား ခွဲထုတ်ခဲ့သည်ဟု ယူဆရသည့် အမျိုးသမီးတစ်ဦးကို စကော့တလန်ရဲတပ်ဖွဲ့က ဖမ်းဆီးလိုက်သည်ဟု သိရသည်။

ပတ်ဝန်းကျင်၏ တိုင်ကြားမှုကြောင့် ကလန်မန်နန်ရှိုင်းယားဒေသ ကနော့သ်သန် ပလေ့စ်မြို့ရှိ နေအိမ်တစ်ခုသို့ ဒီဇင်ဘာ ၅ ရက်နေ့နံနက် ၉ နာရီခန့်အချိန်တွင် ရဲတပ်ဖွဲ့မှ သွားရောက်ကြည့်ရှုခဲ့ရာ အသက် ၅ နှစ်အရွယ် ယောက်ျားလေးတစ်ဦးမှာ နှလုံးဖြတ်ထုတ်ခံရပြီး သေဆုံးနေသည်ကို တွေ့ရှိခဲ့ရသည်။

ထိုကဲ့သို့ သတ်ဖြတ်မှုမှာ အယူဝါဒဆိုင်ရာ ပူဇော်မှုအတွက် ပြုလုပ်သည်ဟု ယူဆရပြီး ဘော့စ်ဝါနာ ဇာတိ မိခင်ဖြစ်သူကို ယမန်နေ့ညပိုင်းကပင် ဖမ်းဆီး၍ စုံစမ်းစစ်ဆေးမှုများ ပြုလုပ်နေသည်ဟု ရဲတပ်ဖွဲ့က ပြောကြားခဲ့သည်။

အဆိုပါအမျိုးသမီး၏ အမည်ကို ထုတ်ဖော်ပြောဆိုခြင်းမရှိဘဲ ၎င်း၏ အခြား သမီးတစ်ဦးမှာ ဘေးကင်းစွာရှိနေသည်ဟု သိရသည်။

အိမ်နီးချင်းများကမူ အဆိုပါအမျိုးသမီးမှာ တိတ်ဆိတ်စွာနေတတ်ကြောင်း၊ ကျောင်းသွားကျောင်းပြန် ကိစ္စမှလွဲ၍ အခြားအချိန်များတွင် အပြင်ထွက်သည်ကို မတွေ့ရကြောင်း၊ ၎င်းတွင် ခင်ပွန်းရှိသည်ကိုလည်း မတွေ့ရကြောင်း ပြောကြားခဲ့သည်။

ရဲတပ်ဖွဲ့မူ ထိုအဖြစ်အပျက်တွင် အခြား ပါဝင်ပတ်သက်သူမရှိဟု ပြောကြားခဲ့သည်။

အမေရိကန်နှင့် ဥရောပနိုင်ငံအချို့တွင် ဆာတန်နစ် အယူဝါကို ယုံကြည်သူ အနည်းငယ်ရှိကြပြီး ၎င်းတုိ့ဓလေ့ထုံးစံအရ ပူဇော်ပသရန်အတွက် မိမိတို့၏ သားသမီးများအား မျက်လုံးဖောက်ထုတ်ခြင်း၊ ခန္ဓာကိုယ်အစိတ်အပိုင်းများ ချို့တဲ့အောင်လုပ်ခြင်း စသည်တို့ကို ပြုလုပ်လေ့ရှိကြသည်။