ရီးယဲလ် တိုက်စစ်မှူး ရော်နယ်ဒို ၂၃ ကြိမ်မြောက် ဟက်ထစ်ဂိုး သွင်းယူ

ဒီဇင်ဘာ ၇ ၊ ၂၀၁၄
M-Media

– ယမန်နေ့က ကစားခဲ့သည့် ဆဲလ်တာဗီဂိုနှင့်ပွဲတွင် ဟက်ထရစ်သွင်းယူနိုင်ခဲ့သည့် ရော်နယ်ဒိုမှာ လာလီဂါတွင် ဟက်ထရစ်အများဆုံးသွင်းယူသူအဖြစ် စံချိန်တင်နိုင်ခဲ့သည်ဟု သိရသည်။

၃ ဂိုးပြတ်ဖြင့် အနိုင်ရခဲ့သည့် အဆိုပါပွဲတွင် အနိုင်ဂိုးအားလုံးကို သွင်းယူပေးခဲ့သည့် ရော်နယ်ဒိုမှာ လာလီဂါ ၁၇၈ ပွဲကစားပြီး ဂိုးပေါင်း ၂၀၀ သွင်းနိုင်ခဲ့ခြင်းလည်းဖြစ်သည်။ ထိုဟက်ထရစ်မှာ ၎င်း၏ ၂၃ ကြိမ်မြောက် ဟက်ထရစ်ဖြစ်ပြီး လာလီဂါသမိုင်းတစ်လျှောက် ဟက်ထရစ်အများဆုံး သွင်းယူနိုင်သည့် ကစားသမား ဖြစ်လာခဲ့သည်။

ရော်နယ်ဒိုမှာ ယခုနှစ်ရာသီ လာလီဂါတွင် ၁၃ ပွဲကစားပြီး ၂၃ ဂိုးသွင်းယူပေးထားနိုင်ကာ တစ်ပွဲပျမ်းမျှ ၂ ဂိုးနီးပါး သွင်းယူပေးထားသည်။

ရီးယဲလ်နည်းပြ အန်ဆယ်လော့တီကမူ ရော်နယ်ဒိုအား ချီးကျူးခဲ့ပြီး ၎င်း၏ အကောင်းဆုံးအချိန်ကို ရောက်ရှိနေကြောင်း ၎င်းအား ပိုင်ဆိုင်ခွင့်ရခြင်းမှာ အသင်းအတွက် အားသာချက်ကြီး တစ်ခုဖြစ်ကြောင်း ပြောကြားခဲ့သည်။

ဝါရင့်နောက်ခံလူ ရာမို့စ်ကမူ ရော်နယ်ဒိုစွမ်းဆောင်ထားသည့် ကိန်းဂဏန်းများမှာ မယုံနိုင်လောက်စရာဖြစ်ကြောင်း၊ ၎င်း၏အစွမ်းအစကြောင့် ၎င်း၏အမည်အတွက်စကားလုံးအသစ်တစ်ခုကို ဖန်တီးပေးရမည်ဖြစ်ကြောင်း ပြောကြားခဲ့သည်။