ပတ်ဝန်းကျင်ထဲက “လူ”…

မိုးကြွေဇင်

ပတ်ဝန်းကျင်ကြောင့် အရောင်ပြောင်းလဲရသည်ဆိုလျှင် ကျွန်မတွင် အသွေးအရောင်တော်တော်များများ စုံနေပေလိမ့်မည်။

ပတ်ဝန်းကျင်ဆိုသည်မှာ ဤလေထုကြီးတည်ရှိသမျှသော အရပ်တို့ကို ခေါ်ဆိုမည်ဆိုပါလျှင် မနက်အိပ်ယာထသည်မှအစပြု၍ ပတ်ဝန်းကျင်သစ်ပေါင်းများစွာနှင့် ကျွန်မတို့၏ နံနက်ခင်းတွေကို ရင်ဆိုင်ရနိုင်ဖွယ်ရှိပါသည်။ အဘယ်ကြောင့်ဆိုသော် ဤလေထုကြီးကို အားထား၍ ရှင်သန်နေရသော ကျွန်မတို့လူသားများအတွက် ပတ်ဝန်းကျင် ဆိုသည်မှာ မရှိမကောင်း၊ ရှိမကောင်းသည့်အပြင်  ခပ်ပေါပေါမရနိုင်သော်လည်း ရှာရန်လည်း မခက်ခဲသည့် အမြုတေတစ်ပါးဖြစ်သောကြောင့်ပင်…….။

ပတ်ဝန်းကျင်ကြောင့် အရောင်ပြောင်းလဲရသည်ဆိုလျှင် ကျွန်မတို့တွင် အသွေးအရောင်တော်တော်များများ စုံနေပေလိမ့်မည်။ အရောင်ပြောင်းသည်ဆိုခြင်း၌ ရှုထောင့်မျိုးစုံကွဲနေနိုင်သည်။ မူလဓါတ်ခံအရောင်ကောင်းသူတို့၌ ပိုပြီး အရောင်တက်လာနိုင်သလို ဓါတ်ခံမရှိသူတို့အချို့၌လည်း မအပ်စပ်သည့်အရောင်များထွက်လာနိုင်ခြင်းပင်ဖြစ်သည်။ သေချာသည်ကတော့ ကျွန်မတို့အားလုံး ပတ်ဝန်းကျင်ကြောင့် အရောင်ပြောင်းလဲဖူးသူများပင် ဖြစ်သည်။

စဉ်းစားဥာဏ်နည်းသူအချို့တို့၏ ပတ်ဝန်းကျင်မှာ ဆူလွယ်နပ်လွယ်လှသည်။ အပြန်အလှန်အားဖြင့် ထိုသို့ ဆူလွယ်နပ်လွယ်သောကြောင့်လည်း ထိုသူတို့မှာ စဉ်းစားဥာဏ်နည်းလွန်းလှသည်။ ထိုသူတို့၏ ပတ်ဝန်းကျင်တွင် ခေါင်းစဉ်ကွဲတွေများနေနိုင်သည်။ ထိုသူတို့သည် မိမိတို့၏ ပတ်ဝန်းကျင်အတွင်း နယ်ရုပ်လေးများ ဖြစ်မှန်းမသိ ဖြစ်နေရသည်။ တည်ကြက်များ ဟုလည်း ပြောနိုင်ပါသည်။ ထိုသို့ ရုပ်သေးရုပ်ဖြစ်နေရသည်က ပတ်ဝန်းကျင်၏ ရိုက်ခတ်မှုကြောင့်ဟု တွေးလျှင် ရနိုင်မည်ထင်ပါသည်။

ပတ်ဝန်းကျင်၏ ရိုက်ခတ်မှုဒဏ်ကို ခံယူပုံချင်းမတူကြသည့်အခါဝယ် ပတ်ဝန်းကျင်ခေါင်းစဉ်ကွဲများ အဖြစ် ကျွန်မတို့ အရောင်ပြောင်းသွားတတ်ကြသည်။ အရောင်ပြောင်းခြင်း၌ လိုအပ်သလို ပြောင်းလဲတတ်ရန်လည်း လိုပါသေးသည်။ အရေးကြုံတိုင်း ခပ်လွယ်လွယ်အရောင်ပြောင်းပြန်လျှင်လည်း မူလအရောင်များ လွယ်လွယ် ပျက်စီးသွားနိုင်ပါသည်။ ကိုယ်ပိုင်ဆိုသည်မှာ မရှိသလောက် နည်းသွားနိုင်သည်။ သုံးပါများ၍ ဟောင်းနွမ်းစုတ်ပြတ်သွားသည့်အထဲတွင် ကျွန်မတို့၏ ဦးနှောက်များ ပါဝင်မနေပါ။ သို့သော် ရိုက်ခတ်မှုတစ်ခုကြုံလာတိုင်း လွယ်လွယ်ကူကူပင် မအပ်စပ်သည့် အရောင်များအဖြစ် ကျွန်မတို့ ပြောင်းလဲခွင့်ပေးလိုက်ကြသည်။ ဦးနှောက်များကို ခေါင်းမှာမထားဘဲ ခြေဖ၀ါးအောက်သို့ ပို့ချင်နေကြသည်ဆိုပါလျှင် ကျွန်မတို့၏ ဦးနှောက်များမှာ ရောင်းတန်းမ၀င်တော့သော လလွန်၊ နှစ်လွန်ပြက္ခဒိန်တွေလို အသွေးအမွေးပြောင်သလောက် အသုံးတည့်မှုနည်းနေပေတော့မည်။

အရိုင်းပတ်ဝန်းကျင်နှင့် ဆုံလာသောအခါ အယဉ်ပတ်ဝန်းကျင်ကို ရှာဖွေနှိုင်းယှဉ်တတ်သူ နည်းလှသည်။ အမှောင်နှင့် ကြုံလာသောအခါ အလင်းဓါတ်အချို့ကိုအခြေခံ၍ အာရုံဝင်စားသူနည်းလှသည်။ အကျပ်အတည်းနှင့်ကြုံလာသောအခါ ချောင်လည်မှုကို လက်တွဲရှာဖွေသူ မရှိသလောက်ရှားသည်။ ခုတ်ရာတလွဲ၊ ရှရာတစ်ခြားတွေက များနေသည်။ ပတ်ဝန်းကျင်ကို ရှုမြင်တတ်ခြင်းသည် မိမိကိုယ်ကို ရှုမြင်တတ်ခြင်း ဖြစ်နိုင်ပေသည်။

အမြင်မတူသောလူများ စုဝေးနေထိုင်ရာဖြစ်သော ဤပတ်ဝန်းကျင်လေထုကြီးထဲတွင် အမြင်တူသူများ စုဝေးကျက်စားရာမှ လူမျိုးတစ်မျိုးဖြစ်လာနိုင်သကဲ့သို့ သီးခြားပတ်ဝန်းကျင်တစ်ခုအဖြစ်လည်း ကွဲထွက်လာခြင်း ဖြစ်နိုင်ပေသည်။ လူက ပတ်ဝန်းကျင်ကို ဖန်တီးသည်မှာ မှန်သော်လည်း ထိုဖန်တီးလိုက်သော ပတ်ဝန်းကျင်၏ ပယောဂကြောင့်ပင် လူအမျိုးအစားပေါင်းများစွာ ထပ်မံ ကွဲထွက်သွားနိုင်သည်။ “ငါ့လူမျိုး၊ သူ့လူမျိုး” ဟူသည် နားထောင်၍ကောင်းသော်လည်း တကယ်တမ်းတော့ သဘောမထားတတ်လျှင် စိတ်ဓါတ်ကိုပျက်ပြားစေနိုင်ပါသည်။ ပတ်ဝန်းကျင်တစ်ခုနှင့်တစ်ခုမှာ မည်သို့မှတော့ အသွေးအရောင်တူနိုင်မည် မထင်ပေ။ ကျွန်မတို့ကိုယ်၌ပင်လျှင် မနက်အိပ်ယာထသည်မှစ၍ ပတ်ဝန်းကျင်လေထုအသစ်နှင့် မျက်နှာသစ်နေရသည်ဆိုတော့ အခြားသူများနှင့် အသွေးအရောင်တူညီဖို့ဆိုသည်က လွယ်ကူသည့် ကိစ္စတော့မဟုတ်ပေ။

သည်လိုဆိုလျှင် တစ်နည်းနည်းနှင့်တော့ လွတ်လပ်စွာကွဲလွဲသင့်ပြီဟု ကျွန်မ ထင်မိသည်။ “ လက်ထဲမှာ ပန်းသီးတစ်လုံးစီရှိသူနှစ်ဦး ဖလှယ်ကြလျှင် တစ်ယောက်ပန်းသီးတစ်လုံးစီပဲ ဆက်ရှိနေမည်။ တစ်ယောက်စိတ်ကူးတစ်ခုစီ ရှိသူနှစ်ယောက် စိတ်ကူးချင်းဖလှယ်ကြလျှင်မူ တစ်ယောက်စိတ်ကူးနှစ်ခုစီ ရှိလာလိမ့်မည်” ဟု ဆိုခဲ့သည့် အင်္ဂလိပ်စာရေးဆရာကြီး ဘားနတ်ရှော၏ အတွေးစာစုလေးသည် ကျွန်မတို့အတွက် အတန်ငယ်တော့ အသုံးဝင်မည်ထင်ပါသည်။ ထို့ကြောင့် “လွတ်လပ်စွာသဘောထားကွဲလွဲခွင့်” သည် လူသားဆန်မှု၏ အခြေခံငြိမ်းချမ်းရေးတရားပင် ဖြစ်လိမ့်မည်ထင်သည်။

မိန်းကလေးတစ်ယောက်အနေနှင့် လျှပ်ပေါ်လော်လည်ဝတ်စားမှုကို ကျွန်မ အပြင်းအထန် ရွံမုန်းပါသည်။ သို့သော် ထိုသို့ ၀တ်စားဆင်ယင်မှုမျိုးကို လက်ခံသည့် ပတ်ဝန်းကျင်နှင့်တော့ ကျွန်မ ပဋိပက္ခဖြစ်စရာအကြောင်း အလျဉ်းမရှိပေ။ ဘယ်တော့မှလည်း ကျွန်မအနေနှင့် အတိုက်အခံလုပ်ဖို့ စိတ်ကူးမျိုးမရှိပါ။ “သူ့အရပ်နှင့် သူ့ဇာတ်” ဆိုသည်မှာ စကားပုံသက်သက်တော့ မဖြစ်နိုင်ပေ။ “လွတ်လပ်စွာသဘောထားကွဲလွဲခွင့်” သည် ပတ်ဝန်းကျင်နှင့်လည်း မဆိုင်။ လူသားတစ်ဦးချင်းစီနှင့်သာ တိုက်ရိုက်သက်ဆိုင်သည့် ငြိမ်းချမ်းရေးတရားပင်ဖြစ်သည်။ တစ်ခုတော့ရှိသည်။ မျှတမှုကို အခြေခံသည့် သဘောထားကွဲလွဲခွင့်တော့ ဖြစ်ဖို့လိုပေသည်။ သို့သော် ထိုသို့သော ကွဲပြားသည့် ပတ်ဝန်းကျင်ကို အခြေတည်၍ ရလာမည့်အကျိုးအပြစ်ကိုတော့ ကျွန်မတို့ကိုယ်တိုင် ခံစားသိမြင်နိုင်သကဲ့သို့ပင်ဖြစ်သည်။

ဖရုဿဝါစာဆန်သော ပတ်ဝန်းကျင်ကြားတွင် ပီယ၀ါစာများ၏ အနှစ်သာရကို ပို၍ ခံစားမက်မောနိုင်ကြသည်။ ထို့အတူ ပီယ၀ါစာ ပတ်ဝန်းကျင်၌ ဖရုဿဝါစာများ ၀င်ရောက်လာပါကလည်း ထင်ထင်ရှားရှား ထင်သာမြင်သာ ရှောင်ရှားနိုင်သကဲ့သို့ ကျွန်မတို့၏ ဦးနှောက်အသိဥာဏ်ကို ပတ်ဝန်းကျင်အလိုက် ပါးပါးလှပ်လှပ် အသုံးချတတ်ဖို့တော့ လိုလိမ့်မည်ထင်သည်။ မိမိ၏ ပတ်ဝန်းကျင်ကို ခံစားဆုံးဖြတ်ရာ၌ “Positive way” ချည်း အသုံးပြုလွန်းပါကလည်း ဦးနှောက်များ မှိုတက်နိုင်သကဲ့သို့ “Negative way” ချည်း များလွန်းနေပါကလည်း သံသယတို့ကိုသာ ရလာဘ်အဖြစ် ပိုင်ဆိုင်ရပေမည်။ ထို့ကြောင့် ကျွန်မတို့အတွက် “Mutuality” ကလည်း မရှိမဖြစ်လိုအပ်နေပေပြီ။

ဆရာဖေမြင့်၏ ဆောင်းပါးတစ်ပုဒ်မှ စာသားလေးတစ်ခုကို ကျွန်မ တက်မတတ်ချက်မတတ် သဘောကျခဲ့ဖူးသည်။ ယခုလည်း သဘောကျနေဆဲပါ။ “သေတိုင်းအာဇာနည်မဟုတ်၊ ဘယ်အတွက် အသက်ပေးသွားသလဲ ဆိုသည့်အပေါ် မူတည်၍သာ အာဇာနည် ဖြစ်ရ၏” ဆိုသည့်စကားတစ်ခုအပေါ် ကျွန်မ အရူးအမူးစွဲလမ်းဖူးပါသည်။ ထို့ကြောင့် “Suicide bombers” များကို “အာဇာနည်” အဖြစ်သတ်မှတ်သင့်သလားဆိုသည့်အပေါ်တွင် ကျွန်မ ရင်တောင်မခုန်တတ်တော့ပါ။ သို့ဆိုလျှင် ကျွန်မတို့ပတ်ဝန်းကျင်၌ “အာဇာနည်” ဆိုသည်မှာ ရှားပါးပစ္စည်းတစ်ခုဖြစ်သည့်အပြင် ဒဏ္ဍာရီလည်းဆန်နေပေလိမ့်မည်။

အဖေ့အပြစ်ကြောင့် သမီးကိုလေလံပစ်မည့် မဆီမဆိုင် လက်သရမ်းကောင်တွေ ပေါများသောခေတ်၌ “ဆော့ခရတ္တိ” ကဲ့သို့ အဆိပ်သောက် သိက္ခာဆယ်နိုင်သည့် “ကိုယ်ထူကိုယ်ထ အာဇာနည်” တွေ ကျွန်မတို့ ပတ်ဝန်းကျင်မှာ ဘယ်နှစ်ယောက်ရှိသနည်း။ ဘယ်နှစ်ယောက်မှ ရှိမနေပါ။ ၀ါးလုံးချီးသုတ်ရမ်းရင်း “ချော်လဲရောထိုင် အာဇာနည်” တွေကသာ များနေပါသည်။ ချီးထိခံရသူများမှာ နံရသည့်အပြင် ပို၍ဆိုးရွားသည်က “ရေမရှိသည့်အရပ်၌ ၀ါးလုံးချီးသုတ်ရမ်းခြင်း” ပင်ဖြစ်သည်။ ထို့ကြောင့် “အာဇာနည်” ဆိုသည့် ဂုဏ်ပုဒ်က လွယ်လွယ်နှင့်မရနိုင်သလို ရပြီးလျှင်လည်း အဆိပ်သောက်သင့်လျှင်သောက်ရမည့်၊ မည်သူ့ကိုမှ ထိခိုက်နစ်နာစေခြင်း အလျဉ်းမရှိရသည့် ကိုယ်ထူကိုယ်ထ အနစ်နာခံခြင်းမျိုးပဲ ဖြစ်ထိုက်ပေသည်။

ကျွန်မတို့၏ နှလုံးအိမ်အတွင်းသို့ အတွေးအခေါ်ခပ်များများကို စီးဆင်းခွင့်ပေးထိုက်ပါသည်။ ထိုမှတဆင့် အကျိုးအပြစ်နှစ်ရပ်လုံးကို ပါးပါးနပ်နပ်ဆင်ခြင်တတ်ဖို့လည်း လိုလှသည်။ တိုင်းပြည်၏ လွပ်လပ်ရေးနေ့ကိုပင် မသိသော ပြည်သူတစ်ယောက်၏ ရင်ထဲ၌လည်း တိုင်းပြည်ကို ချစ်ခင်မြတ်နိုးတွယ်တာစိတ်များ ကိန်းအောင်းမနေနိုင်ဟု မည်သူပြောနိုင်သနည်း။ ထိုကဲ့သို့ပင် လူတစ်ဦးချင်းစီ၏ အတွေးအခေါ်တွေက ကွဲထွက်နေနိုင်ပေသည်။ အဓိကနှင့် သာမညကိုတော့ဖြင့် ကျွန်မတို့ ခွဲခြားနိုင်ကောင်းသည်ဟု ထင်ပါသည်။

ရွှေထီးဆောင်းခဲ့စဉ်က အကြောင်းအရာတချို့တို့ကို နောက်ပြန်ရစ်ပြီး ဓါတ်ပြားဟောင်းဖွင့်နေရုံနှင့်လည်း ရွှေခေတ်ကတော့ဖြင့် ပြန်ရောက်မလာနိုင်ပါ။ ကိုလိုနီလက်အောက်ခံဖြစ်ခဲ့ရသည့် အကြောင်းတို့ကိုပြန်တွေး၍လည်း မည်သူ့ကိုမှ စိတ်နာနေစရာအကြောင်းလည်း မရှိပါ။ ကျွန်မတို့ ရပ်တည်နေကြသည်က ပစ္စုပ္ပါန်၏ အလယ်တည့်တည့်ဗဟိုချက်တွင်ဖြစ်သည်။ အတိတ်ကို အတိတ်မှာထားပြီး အရိပ်ကိုလည်း ကိုယ့်ကိုယ်နှင့်မြဲအောင် ကြိုးစားသင့်သည်။ ကျွန်မတို့၏ ပစ္စုပ္ပါန်သည်ပင်လျှင် ကျွန်မတို့လားရာ အနာဂတ်ဖြစ်နိုင်ပါသည်။

ကျွန်မတို့၏ အခြေခံစံပေတံအရောင်သည် အနည်းဆုံးတော့ အဖြူရောင်စွက်သင့်ပေသည်။ အဖြူပေါ်သို့ အဖြူဆင့်နိုင်လျှင်တော့ ကျွန်မတို့၏ ပတ်ဝန်းကျင်အတွက် တော်တော်ရေရာသော အနာဂတ်ကို ဖန်တီးနိုင်လိမ့်မည်ထင်သည်။ သည်လို အဘိညာဉ်မျိုးကို ရဖို့ကလည်း တော်ရုံတရားမျိုးနှင့်တော့ အဆင်ပြေနိုင်မည်မထင်။ အရောင်အသွေးမျိုးစုံနှင့်ခြယ်လှယ်ကာ ပသာဒဖြစ်နေသည်ကလည်း ပတ်ဝန်းကျင်၏ အခြေခံ အနှစ်သာရသဘော..။