” စောင့်ကြသူများ” (ကဗျာ)

ဒီဇင်ဘာ ၂၀၊ ၂၀၁၄
M-Media
.ရေးသူ-အိမ်ဝေးသူ(KZ)

ငါတို့စောင့်ခဲ့ကြတယ်
မျှော်လင့်ချက်တို့ ပျောက်ရှခဲ့တဲ့အထိ။

ငါတို့စောင့်ခဲ့ကြတယ်
ယုံကြည်ချက်တို့ မှေးမှိန်ခဲ့တဲ့အထိ။

ငါတို့စောင့်ခဲ့ကြတယ်
လူမမည်ရှိုက်သံတို့ တိမ်ဝင်ခဲ့တဲ့အထိ။

ငါတို့စောင့်ခဲ့ကြတယ်
သမီးပျိုတို့ အခါမလင့်ခင် အပျိုရည်လွင့်ခဲ့တဲ့အထိ။

ငါတို့စောင့်ခဲ့ကြတယ်
အသိုက်အမြုံတို့ ကြေမွပျက်ဆီးခဲ့တဲ့အထိ။

ငါတို့စောင့်ခဲ့ကြတယ်
သက်ဝင်ယုံကြည်မှုတို့ ချနင်းခံခဲ့တဲ့အထိ။

ငါတို့စောင့်ခဲ့ကြတယ်
သူရဲကောင်းတို့သွေး မြေခခဲ့တဲ့အထိ။

ငါတို့စောင့်ခဲ့ကြတယ်
စောင့်ခဲ့ကြတာ…အနှစ် နှစ်ဆယ်ကျော်တဲ့အထိ။

ငါတို့စောင့်နေကြစဲ
ဖုန်းဆိုးမြေမှာ ဖြစ်တည်လာမယ့်
ပန်းခင်းကြီးကို မျှော်မှန်းရင်း။

ငါတို့စောင့်နေကြစဲ
မုန်တိုင်းနောက်က တိုက်ခတ်လာမယ့်
လေပြည်အေးကို တောင့်တရင်း။

ငါတို့စောင့်နေကြစဲ
အလင်းထဲမှာ (မှောင်မိုက်စွာ) နေထိုင်ရင်း
အမှောင်ထဲမှာ (လင်းလက်စွာ) ရှင်သန်ရင်း
ငါတို့တတွေ..
စောင့်ရင်းနဲ့ စောင့်ခဲ့ကြတယ်။
စောင့်လက်စနဲ့ စောင့်နေကြစဲ။

——————–
အိမ်ဝေးသူ(KZ)
——————–