မန်ယူမှာ ပရီးမီးယားလိဂ် ဖလားအား မျက်စပစ်နေသည်ဟု အလယ်တန်းလူ ကာရစ်ပြောကြား

ဒီဇင်ဘာ ၂၀ ၊ ၂၀၁၄
M-Media

– ယခုနောက်ပိုင်း ခြေပြန်မှန်လာသည့် မိမိတို့အသင်းမှာ ယခုနှစ် ပရီးမီးယားလိဂ်ဖလား ရယူရန် မျက်စပစ်နေသည်ဟု မန်ယူကွင်းလယ်လူ မိုက်ကယ်ကာရစ်က ပြောကြားလိုက်သည်။

ဖာဂူဆန်၏ နောက်ဆုံးရာသီ ၂၀၁၂-၁၃ နှစ်တွင် နောက်ဆုံး ပရီးမီးယားလိဂ်ဖလားကို ဆွတ်ခူးနိုင်ခဲ့သည့် မန်ယူအသင်းမှာ ပြီးခဲ့သည့်ရာသီ မိုယက်စ်လက်ထက်တွင် အဆင့် ၇ ဖြင့် ရာသီသိမ်းခဲ့သည်။

အသင်းအား ဗန်ဂါးလ်ကကိုင်တွယ်ပြီးနောက် ယခုနှစ် ရာသီအစတွင်လည်း ရုန်းကန်ခဲ့ရသည့် မန်ယူအသင်းမှာ ယခုနောက်ပိုင်းတွင် ခြေစွမ်းကောင်းများ ပြန်လည်ရရှိလာပြီး ၆ ပွဲဆက်တိုက် နိုင်ပွဲရရှိသည့် စံချိန်ကောင်းကိုလည်း ရရှိခဲ့ကာ အဆင့် ၃ နေရာသို့ တက်လှမ်းလာနိုင်ခဲ့သည်။

ထိုကဲ့သို့ ရလဒ်များကြောင့် မိမိတို့အသင်းသားများမှာ ပရီးမီးယားလိဂ်ဖလားအား ကိုင်မြှောက်နိုင်ရန် ရည်ရွယ်နေသည်ဟု ဆိုသည်။

`ပရီးမီးယားလိဂ်ဖလားကို ဆွတ်ခူးတော့မယ်လို့ ကျွန်တော် မပြောချင်ပါဘူး။ ဒါပေမယ့် သေချာတာက ဒီလိုအနေအထားမျိုးမှာ ကျွန်တော်တို့ ဒီလိုလုပ်ဖို့ ရည်ရွယ်နေပါတယ်။ ထိပ်ဆုံး ၃ သင်း၊ ၄ သင်းနေရာအတွက်နဲ့ ကျွန်တော်တို့ ပျော်ရွှင်မှာမဟုတ်ပါဘူ´ ဟု ကာရစ်က The Telegraph သတင်းစာသို့ ပြောကြားခဲ့သည်။

ထို့ပြင် မိမိတို့အသင်းမှာ တိုးတက်လာပြီဖြစ်ကြောင်း၊ မိမိတို့လိုချင်သည့် စိတ်ဓာတ်၊ မျှော်လင့်ချက်၊ စိန်ခေါ်မှုများ ရရှိနေပြီဖြစ်ကြောင်း ၎င်းက ထပ်လောင်းပြောကြားခဲ့သည်။