ယခုနှစ်ချယ်ဆီးအသင်းမှာ ဖလားသုံးလုံးရ မန်ယူအသင်း အခြေအနေကဲ့သို့ ဖြစ်နေသည်ဟု ကွင်းလယ်လူဟောင်း ဟားဂရေဗ့်ပြော

– ချယ်ဆီးအသင်းမှာ ၁၉၉၉ ခုနှစ်တွင် ဖလားသုံးလုံးရခဲ့သည့် မန်ယူအသင်းကဲ့သို့
ဖြစ်နေသည်ဟု မန်ယူကွင်းလယ်လူဟောင်း အိုဝင်ဟားဂရေ့ဗ်က ပြောကြားလိုက်သည်။

မော်ရင်ဟို၏ ချယ်ဆီးအသင်းမှာ ၂၀၁၄-၁၅ ဘောလုံးရာသီတွင် ပုံစံကောင်းများ ပြသနေပြီး ပရီးမီးယားလိဂ် ဇယားကို ဦးဆောင်ထားနိုင်သည်။ ထို့ပြင် ချန်ပီယံလိဂ်တွင် ၁၆ သင်းရှုံးထွက်အဆင့်၊ လိဂ်ဖလားတွင် ဆီးမီးဖိုင်နယ်၊ FA ဖလားတွင် တတိယအဆင့်သို့ ရောက်ရှိနေပြီး ဖလား ၄ လုံး လမ်းကြောင်းပေါ်တွင် ရှိနေသည်။

ထို့ကြောင့် ဟားဂရေဗ့်က ချယ်ဆီးမှာ ချန်ပီယံလိဂ်၊ ပရီးမီးယားလိဂ်နှင့် FA ဖလားတို့ကို တစ်နှစ်တည်း ရရှိခဲ့သည့် မန်ယူအသင်း၏ပုံစံမျိုး ဖြစ်လာမည်ဟု ယုံကြည်နေသည်။

`ချယ်ဆီးအသင်းကို ကြည့်တဲ့အခါ ၁၉၉၉ ခုနှစ်က မန်ယူအသင်းကို အမှတ်ရစေပါတယ်။ ကျွန်တော်တို့အသင်းဟာ အဲဒီအချိန်က ပြောစရာမရှိပါဘူး။ ကျွမ်းကျင်မှုကောင်းတွေရှိတယ်၊

အားကစားစိတ်ဓာတ်ကောင်းရှိတယ်၊ ရုပ်ပိုင်းဆိုင်ရာ အားအင်တွေလည်း ရှိခဲ့ပါတယ်။ ပြီးတော့ ပြိုင်ဘက်တွေကို ဖြိုခွင်းနိုင်မှုနဲ့ လမ်းကြောင်းကောင်းပေါ်မှာလည်း ရှိခဲ့ပါတယ်။ မော်ရင်ဟိုရဲ့
ချယ်ဆီးကို ကြည့်ရတာ ပြိုင်ဘက်တွေကို အကြင်နာမဲ့စွာ ဖြိုခွင်းနိုင်မှုကလွဲလို့ ကျန်တဲ့ အရည်အသွေးတွေ ရှိနေတယ်လို့ ကျွန်တော်မြင်ပါတယ်´ ဟု ဟားဂရေဗ့်က The Mirror သို့ ပြောကြားခဲ့သည်။

ထို့ပြင် မော်ရင်ဟိုကို ကစားသမားများက လေးစားကြောင်း၊ မန်ယူနည်းပြ ဗန်ဂါးလ်မှာလည်း ကစားသမားများ၏ ထိုကဲ့သို့ လေးစားမှုကို ခံရကြောင်း၊ ကစားသမားအနေဖြင့် ခက်ခဲသော အခြေအနေများကို ရင်ဆိုင်နေရသည့် ဗန်ဂါလ်းအား ကူညီလိမ့်မည်ဖြစ်ကြောင်း ၎င်းက
ထပ်လောင်းပြောကြားခဲ့သည်။

Ref : Goal.com