စီးရီးအေသို့ပြောင်းမည် ဆိုသည့် သတင်းအား အီဗရာဟီမိုဗစ် ငြင်းဆို

ဇန်န၀ါရီ ၁၊ ၂၀၁၅
M-Media

– ယခုနှစ်နွေရာသီ အပြောင်းအရွှေ့တွင် စီးရီးအေ ကလပ် ရိုးမားသို့ ပြောင်းရွှေ့တော့မည်ဆိုသည့် သတင်းအား ပီအက်စ်ဂျီတိုက်စစ်မှူး အီဗရာဟီမိုဗစ်က ငြင်းဆိုလိုက်သည်ဟု သိရသည်။

အီဗရာဟီမိုဗစ်မှာ ယခင်က ဂျူဗင်တပ်၊ အင်တာနှင့် အေစီမီလန်အသင်းတို့တွင် ကစားခဲ့ဖူးပြီး ယခုနှစ်ရာသီအကုန်တွင် ပီအက်စ်ဂျီမှထွက်ခွာကာ စီးရီးအေကလပ် ရိုးမားအသင်းသို့ ပြောင်းရွှေ့တော့မည်ဟု ဆွီဒင်မီဒီယာများက ဖော်ပြခဲ့ကြသည်။

ထိုသတင်းအား အီရောဟီမိုဗစ်က ငြင်းဆိုခဲ့ပြီး ပီအက်စ်ဂျီနှင့် သက်တမ်း ကုန်မှသာ မည်ကဲ့သို့ဖြစ်လာမည်ကို ကြည့်ရမည်ဖြစ်ကြောင်း ပြောကြားခဲ့သည်။

`စီးရီးအေကို ကျွန်တော်ပြန်သွားမှာမဟုတ်ပါဘူး။ တစ်ယောက်ယောက်က ဒါမျိုးပြောနေပါတယ်။ ဒါမျိုးကြေညာနေပါတယ်။ ဒါပေမယ့် ဒါဟာ အမှန်တရား မဟုတ်ပါဘူး။ ကျွန်တော် ပဲရစ်မှာ အဆင်ပြေပြီး ပီအက်စ်ဂျီနဲ့ စာချုပ်ကလည်း ၁ နှစ် ကျန်ပါသေးတယ်။ နောက်မှ ဘာတွေဖြစ်မလဲဆိုတာ စောင့်ကြည့်ရမှာပါ။ ဒါပေမယ့် ထပ်ပြောရရင် ကျွန်တော်ဟာ ပဲရစ်မှာပဲဖြစ်ပြီး တစ်ယောက်ယောက်က ဇာတ်လမ်းထွင်လိုက်တာပါ´ ဟု ၎င်းက ဆိုသည်။

အသက် ၃၃ အရွယ်ရှိပြီဖြစ်သည့် အီဗရာဟီမိုဗစ်မှာ ၂၀၁၆ ခုနှစ် ပီအက်စ်ဂျီအသင်းနှင့် စာချုပ် သက်တမ်းပြည့်ပြီးနောက် ဘောလုံးလောက မှ အနားယူတော့မည်ဟု ယခင်က ဖွင့်ဟခဲ့သော်လည်း၊ နောက်ပိုင်းတွင် မိမိအနေဖြင့် ထိပ်တန်းအဆင့်တွင် မကစားနိုင်တော့မှသာ ဘောလုံးလောကမှ အနား ယူမည်ဟု ပြန်လည်ပြောကြားခဲ့သည်။

`ဒီနေ့ ဇလာတန်(အီဗရာဟီမိုဗစ်)ဟာ အကောင်းဆုံး အီဗရာဟီမိုဗစ်ဖြစ်နေဖို့ ကျွန်တော် မျှော်လင့်ပါတယ်။ ဘာ့ကြောင့်လည်းဆိုတော့ ရာသီတိုင်းမှာ ကျွန်တော့်ကိုယ်ကျွန်တော် တိုးတက်ဖို့ ကြိုးစားနေလို့ပါ´ ဟု အီဗရာဟီမိုဗစ်က ထပ်လောင်းပြောကြားခဲ့သည်။

Ref : goal.com