ဂရိနိုင်ငံ၏ အလိုရှိဆုံး ၀ရမ်းပြေးတစ်ဦး စက်ဘီးစီးနေစဉ် ဖမ်းမိ

ဇန်န၀ါရီ ၅၊ ၂၀၁၅
M-Media

– ဥရောပ၏ အလိုအရှိဆုံး ၀ရမ်းပြေးများထဲမှ တစ်ဦးဖြစ်သူ ခရစ္စတိုဒူလော့စ် ဇီရို့စ်ကို ယခုသီတင်းပတ်အတွင်း ဖမ်းဆီးရမိခဲ့သည်ဟု ဂရိရဲတပ်ဖွဲ့က ပြောကြားလိုက်သည်။

အသက် ၅၆ နှစ်ရွယ်ရှိပြီး ဂရိရှိ `နိုဝင်ဘာ ၁၇´ လက်ဝဲစွန်းရောက် အဖွဲ့ဝင်ဟောင်းတစ်ဦးဖြစ်သူ ဇီရို့စ်အား မြို့တော်အေသင် တောင်ဘက်ရှိ ဆင်ခြေဖုံးဒေသ၌ စက်ဘီးစီးနေစဉ် ပြီးခဲ့သည့် စနေနေ့က ဖမ်းဆီးရမိခဲ့ခြင်းဖြစ်ပြီး ၎င်း၏ လက်ထဲတွင် ကြည်အပြည့် ထည့်ထားသော ပစ္စတိုတစ်လက်ကိုလည်း သိမ်းဆည်းနိုင်ခဲ့သည်။

ဇီရို့ဇ်မှာ ဂရိနိုင်ငံ၏ လုံခြုံရေးအမြင့်ဆုံးသော Korydallos ထောင်ကို ပစ်မှတ်ထားတိုက်ခိုက်မည့် လှုပ်ရှားမှုအတွင်း လက်နက်များ၊ ဖောက်ခွဲရေးပစ္စည်းများဖြင့် ၂၀၀၃ ခုနှစ် မတ်လအတွင်းက ဖမ်းမိခဲ့ခြင်းဖြစ်ကာ တစ်သက်တစ်ကျွန်းပြစ်ဒဏ် အများအပြား ချမှတ်ခြင်းခံခဲ့ရသည်။

သို့သော်လည်း ၂၀၁၃ ခုနှစ် ဇန်န၀ါရီလ နှစ်ကူးအားလပ်ရက် ၉ ရက်ပေးချိန်တွင် ထွက်ပြေးလွတ်မြောက်သွားခဲ့ပြီး တစ်နှစ်ကျော် ကြာပြီးနောက် ယခုမှ ပြန်လည် ဖမ်းမိခဲ့ခြင်း ဖြစ်သည်။

ဂရိ ရဲတပ်ဖွဲ့အကြီးအကဲဖြစ်သူ ဒီမီထရီယို့စ် ဆက်နာကစ်ကမူ ရဲအရာရှိများမှာ ဇီရို့စ် လပေါင်းများစွာ ပုန်းနေခဲ့သည့်အိမ်တွင် ထွက်ပြေးမည့်အစီအစဉ်များနှင့် လမ်းကြောင်းများကို ရေးသားထားသော စာရွက်ကို တွေ့ရှိခဲ့ရသောကြာင့် ယခုကဲ့သို့ ဖမ်းဆီးနိုင်ခဲ့ခြင်း ဖြစ်ပြီး ထိုအိမ်ထဲတွင် လက်နက်များကိုလည်း တွေ့ရှိခဲ့သည်ဟု ပြောကြားခဲ့သည်။

၂၀၀၂ ခုနှစ်က ပြိုကွဲသွားခဲ့သည့် `နိုင်ဝင်ဘာ ၁၇´ အဖွဲ့မှာ တစ်ချိန်က ဂရိနိုင်ငံတွင် အကြမ်းဖက်တိုက်ခိုက်မှု အပြုလုပ်ဆုံး လက်ဝဲစွန်းရောက် အဖွဲ့အစည်းတစ်ခုဖြစ်ပြီး ၎င်းအဖွဲ့ သက်တမ်း ၂၇ နှစ်အတွင်း ၁၉၇၅ ခုနှစ်က အေသင်ရှိ စီအိုင်အေ အကြီးအကဲကို လုပ်ကြံမှု အပါအ၀င် အစိုးရ အရာရှိများအား လုပ်ကြံမှု ၂၃ ခုကို ပြုလုပ်ခဲ့သည်။

Ref : dailytelegraph