အစ္စလာမ်ဘာသာဝင်များအား စော်ကားသော မှတ်ချက်များရေးခဲ့သည့် ဘောလုံးကင်းထောက်တစ်ဦးကို မန်ယူထုတ်ပယ်

ဇန်န၀ါရီ ၁၅၊ ၂၀၁၅
M-Media

– ဆိုရှယ်မီဒီယာတွင် အစ္စလာမ်ဘာသာဝင်များနှင့် ပတ်သက်၍ ဆိုးရွားသည့် လူမျိုးရေးခွဲခြားမှု မှတ်ချက်များ ရေးသားခဲ့သော ဥရောပ ဘောလုံးကင်းထောက် တစ်ဦးကို မန်ချက်စတာယူနိုက်တက်အသင်းက ထုတ်ပယ်လိုက်သည်ဟု သိရသည်။

ထုတ်ပယ်ခံရသူမှာ အသက် ၃၂ နှစ်အရွယ်ရှိ ဒိန်းမတ်နိုင်ငံသား တောရ်ဘန် အက်ဂျာဖြစ်ပြီး ဗုဒ္ဓဟူးနေ့တွင် ၎င်း၏ တာဝန်အား ရပ်ဆိုင်းခဲ့ရာမှ နောက်ပိုင်းတွင် အပြီးတိုင် ထုတ်ပယ်ခဲ့ခြင်း ဖြစ်သည်။

အက်ဂျာမှာ ၎င်း၏ ဆိုရှယ်စာမျက်နှာတွင် ဒိန်းမတ်နိုင်ငံ၌ နိုင်ငံခြားသားများ ပြောင်းရွှေ့အခြေချမှုကို ဆန့်ကျင်သည့် မှတ်ချက်များကို ရေးသားခဲ့ပြီး ၀က်ခြောက်ကောင်ပုံတင်ကာ အစ္စလာမ်ဘာသာဝင်များအား စော်ကားသော မှတ်ချက်များကိုလည်း ရေးသားခဲ့သည်။ထို့ပြင် ပဲရစ်တိုက်ခိုက်မှုနှင့် ပတ်သက်၍ သူငယ်ချင်းတစ်ဦးက မွတ်စလင်များကိုရည်ညွှန်းသော ပြင်းထန်သည့် လူမျိုးရေးခွဲခြားမှု မှတ်ချက်များ ရေးသားခဲ့ရာတွင်လည်း အက်ဂျာက ထောက်ခံရေးသားခဲ့သည်။

၎င်း၏ ရေးသားမှုများအား ဗြိတိန်သတင်းစာ Guardian က ဝေဖန်ထောက်ပြခဲ့ပြီး ၎င်းကမူ စောစောပိုင်းက ငြင်းဆိုခဲ့သေးသည်။ သို့သော်လည်း မန်ယူအသင်းက စုံစမ်းခဲ့ပြီး အက်ဂျာအား ရာထူးမှထုတ်ပယ်ခဲ့ကာ ကြေညာချက်တစ်စောင်လည်း ထုတ်ပြန်ခဲ့သည်။

`အသင်းအနေနဲ့ အထောက်အထားတွေရခဲ့ပြီး၊ ဒီကိစ္စနဲ့ပတ်သက်လို့ စုံစမ်းစစ်ဆေးမှုတွေ ချက်ချင်း ပြုလုပ်ခဲ့ပါတယ်။ ပြီးတော့ မစ္စတာ အက်ဂျာကို အသင်းကနေ ချက်ခြင်း ထုတ်ပယ်ခဲ့ပါတယ်။ မန်ယူအသင်းဟာ ပြည့်ဝတဲ့ အဖွဲ့အစည်းတစ်ခုဖြစ်ပြီး ဒီလိုအပြုအမူမျိုးကို လုံးဝ သည်းမခံပါဘူး´ ဟု အဆိုပါ ကြေညာချက်တွင် ဖော်ပြထားသည်။

Ref : dailymail