အစ္စလာမ် ဘာသာဝင်များ အခြား ဘာသာဝင်များနှင့် ထိမ်းမြားခြင်း မပြုရန် ဧရာဝတီတိုင်းဒေသကြီး အိုလမာ အစ္စလာမ်အဖွဲ့ ဆုံးဖြတ်

ဇန်နဝါရီ ၁၆ ၊ ၂၀၁၅

ဧရာဝတီတိုင်း ဒေသကြီးတွင် အစ္စလာမ် ဘာသာဝင်များအား အခြား ဘာသာဝင်များနှင့် လက်ထပ် ထိမ်းမြားခြင်း မပြုရဟု ဆုံးဖြတ်ထားကြောင်း တိုင်းဒေသကြီး အိုလမာ အစ္စလာမ် အဖွဲ့မှာ ဥိးကိုလတ်က ပြောသည်။

” ဘာလို့ အဲဒီလို ဆုံးဖြတ်ရသလဲဆို မြောင်းမြမှာ အစ္စလာမ် ဘာသာဝင် ယောက်ျားလေး တစ်ယောက် မြန်မာမိန်းကလေးတစ်ယောက်နဲ့ ထိမ်းမြားလိုက်တယ်။ လယ်ကွင်းထဲမှာ သာမာန်သေသွားတာကိုပဲ အစ္စလာမ်ဘာသာဝင်က နေ ဗုဒ်ဓဘာသာကောင်မလေးကို ရိုက်သတ်တဲ့ ပုံစံဖြစ်သွားတာကို အကြောင်းခံပြီး ဒီလို ဆုံဖြတ်ထားတာပါ ” ဟု ၄င်းက ဆိုသည်။

ဇန်နဝါရီ (၁၁) ရက် နေ့က ပြုလုပ်သော ပြည်သူ့ ဗဟိုပြု လုပ်ငန်းစဉ် အပတ်စဉ် ဆွေးနွေးပွဲအပြီးတွင် ဦးကိုလတ်က အထက်ပါအတိုင်း ပြောကြား ခဲ့ခြင်းဖြစ်သည်။ ။ ဇန်နဝါရီ လ (၄) ရက် မှ (၇) ရက်နေ့ အထိ တွေ့ဆုံဆွေးနွေးခဲ့သည့် ဧရာဝတီတိုင်း တစ်တိုင်းလုံးရှိ ဗလီဆရာများ အိုလမာအစ္စလာမ် အဖွဲ့ချူပ်မှ တာဝန်ရှိသူများ သဘောတူ ဆုံးဖြတ်ချက်ဖြင့် ယင်းကဲ့သို့ ဆုံးဖြတ်ခဲ့ခြင်းဖြစ်ကြောင်း ဦးကိုလတ်က ဆက်လက်ပြောသည်။

” အစ္စလာမ် တရားတော်က မိမိဘာသာဝင်ပဲ လက်ထပ်ရမယ်။ လက်ထပ်တဲ့နေရာမှာ နှစ်ဦးသဘောတူရမယ်။ နှစ်ဦးသဘောတူကြောင်း သက်သေရှိရမယ်။ ဒါဟာ အစ္စလာမ်တရားတော်ရဲ့ အခြေခံသဘောတရားပေါ့၊ သဘောတရားအရ အစ္စလာမ် ဘာသာဝင်တွေဟာ မိမိဘာသာဝင်ပဲ လက်ထပ်ကြတယ်ပေါ့။ ဘာသာရေး ကတော့ ဘာသာဝင်တိုင်း တားမြစ်ထားတဲ့ ဥပဒေတွေ စည်းကမ်းတွေကို လိုက်နာရမှာပေါ့။ ကျန်တဲ့ ကိစ္စတွေကတော့ တစ်ဦးချင်း ဆန္ဒတွေ့ပေါ့” ဟု မြန်မာနိုင်ငံ အစ္စလာမ်သာသနာရေးကောင်စီမှ ဦးကျော်ခင် က ပြောသည်။

“အစ္စလာမ် ဘာသာဝင်များ အနေဖြင့် အခြားဘာသာဝင်များနှင့် လက်ထပ်ခွင့်မပြုခြင်းသည် အယူအဆမတူများကြောင့် ပြဿနာများ ပိုမိုမဖြစ်ပေါ်စေရန် ရည်ရွယ်သည်ဟု ပြည်ထောင်စုသား မြန်မာမွတ်စလင်များ ဗဟိုညီလာခံ ကွန်ရက်မှ တာဝန်ရှိသူတစ်ဦးက ဆိုသည်။ ” အယူမတူမှုတွေမှာ ပြဿနာမဖြစ်ဘူး ဆိုရင်တော့ ယူခွင့်ပေးထားပါတယ်။ အယူတစ်ခုကြောင့်ပဲ အိမ်ထောင်ရေးထိခိုက်မှာ စိုးတယ်။ အမှန်တကယ် ကတော့ သူရဲ့မေတ္တာ နေထိုင်တဲ့နေရာနဲ့ အနေနီးစပ်မှုမှာ အိမ်ထောင်ကျ ကျတာပဲ။ အကယ်၍ မြန်မာနိုင်ငံမှာနေရင် နီးစပ်မှုကြောင့် အိမ်ထောင်ကျနိုင်တာပဲ။ အခြားနိုင်ငံကို သွားရင်လဲ ကျမှာပဲ။ အိမ်ထောင်ကျခြင်းဟူသည် လူသားချင်းအပေါ်တွင်ထားသော သံယောဇဉ် မေတ္တာတရားနဲ့ ဆိုင်တယ်။ ဘာသာတရားနဲ့ တော့ မဆိုင်ဘူး။ ” ဟု ပြည်ထောင်ထောင်သား မြန်မာမွတ်စလင်များ ဗဟိုညီလာခံ ကွန်ရက်မှ ကိုလွင်မင်းရှိန်က ပြောသည်။

အစ္စလာမ်ဘာသာဝင်များ အနေဖြင့် အုပ်ထိန်းသူများက သဘောတူသည်ဆိုပါကလည်း လက်ခံမည်မဟုတ်သလို၊ ရှေးယခင်ကတည်းက ဗလီဆရာများကလည်း အခြားဘာသာဝင်များနှင့် လက်ထပ်ထိမ်းမြားရန် တိုက်တွန်းခဲ့ခြင်း မရှိကြောင်း ၊ အခြားဘာသာဝင်များနှင့် လက်ထပ် ထိမ်မြားမည်ဆိုပါက မိမိတို့ကိုယ်တိုင် သက်ဆိုင်ရာကို အကြောင်းကြားပြီ အရေးယူနိုင်ရန် ဆောင်ရွက်မည်ဖြစ်ကြောင်း တိုင်းဒေသကြိး အိုလမာ အစ္စလာမ်အဖွဲ့မှာ ဦးကိုလတ်က ပြောသည်။

အစ္စလာမ်ဘာသာသည် အများထင်သလို မျိုးဆက်ပြန့်ပွားခြင်းဖြင့် လူမျိုးရေးကို အခြေမခံကြောင်း၊ တမန်တော်အလိုအရ မိမိမွေးဖွားနေထိုင်ရာ နိုင်ငံကို သစ္စာစောင့်သိရမည်ဖြစ်ကြောင်း၊ ဘာသာရေးအရ ယုံကြည်ရာ ကိုးကွယ်ခွင့်ရှိပြီး အကြမ်းဖက်မှုကို ရှုတ်ချကြောင်း မြန်မာမွတ်စလင်များ ဗဟို ညီလာခံကွန်ရက်မှ တာဝန်ရှိသူ တစ်ဦးက ပြောသည်။

၁၉၊ ၁ ၊၂၀၁၅ ရက်စွဲဖြင့်ထုတ်ဝေသည့် Messenger ဂျာနယ် Vol.5 No.34 စာမျက်နှာ ၇ မှ ဖော်ပြထားသည့် သတင်းအား ကောက်နှုတ်ဖော်ပြသည်။