ရော်နယ်ဒိုနှင့် ချစ်သူ ရုရှားမော်ဒယ်တို့ လမ်းခွဲပြီ

ဇန်န၀ါရီ ၁၈၊ ၂၀၁၅
M-Media

– ဇန်န၀ါရီ ၁၂ ရက်နေ့က ဇူးရစ်ခ်ျမှာပြုလုပ်ခဲ့တဲ့ ဖီဖာ ကမ္ဘာ့အကောင်းဆုံးဘောလုံးသမားဆု ချီးမြှင့်ပွဲအခမ်းအနားကို ရော်နယ်ဒိုတစ်ယောက် တစ်ယောက်တည်း တက်ရောက်ခဲ့ပါတယ်။

ဘောလုံးလောကရဲ့ အမြင့်ဆုံးဆုတံဆိပ် ချီးမြှင့်တဲ့အခမ်းအနားမှာ ရော်နယ်ဒိုတစ်ယောက် ချစ်သူ ရုရှားမော်ဒယ် အိုင်ရီနာ ရှက်ကို မခေါ်လာတာနဲ့ ပတ်သက်ပြီး မေးခွန်းထုတ်စရာ ဖြစ်ခဲ့ပါတယ်။ တစ်ချို့သတင်းမီဒီယာတွေကလည်း ရော်နယ်ဒိုတစ်ယောက် အလှပဂေး အိုင်ရီနာနဲ့ လမ်းခွဲလိုက်ပြီလို့ ဖော်ပြခဲ့ကြပါတယ်။

အိုင်ရီနာနဲ့ နီးစပ်သူတွေကတော့ အိုင်ရီနာဟာ အလုပ်တွေများနေတာကြောင့် ရော်နယ်ဒိုနဲ့ မလိုက်နိုင်ခဲ့တာလို့ ပြန်လည်ဖြေရှင်းခဲ့ပါ သေးတယ်။ ပေါ်တူဂီသတင်းစာတစ်စောင်ကတော့ Ballon d’Or ဆုပေးပွဲကိုလိုက်ဖို့ ရော်နယ်ဒိုက ခေါ်ခဲ့ပေမယ့် အိုင်ရီနာကိုယ်တိုင် ငြင်းပယ်ခဲ့တာလို့ ဖော်ပြခဲ့ပါတယ်။

ပုပ်ရင်ပေါ်၊ ဟုတ်ရင်ကျော်ဆိုတဲ့အတိုင်း ဇန်န၀ါရီ ၁၇ ရက်နေ့မှာပဲ အိုင်ရီနာရဲ့ အေးဂျင့်ဖြစ်သူက အိုင်ရီနာဟာ ရော်နယ်ဒိုနဲ့ လမ်းခွဲခဲ့တယ်ဆိုတဲ့သတင်းဟာ ဟုတ်မှန်ကြောင်း လူသိရှင်ကြား အတည်ပြုခဲ့ပါတယ်။

`အိုရီနာ ရှက်ဟာ ခရစ္စတီယာနို ရော်နယ်ဒိုနဲ့ လမ်းခွဲခဲ့တယ်ဆိုတဲ့အကြောင်း ကျွန်မတို့ အတည်ပြုနိုင်ပါတယ်´

ဒီလိုအတည်ပြုခဲ့ပေမယ့် ဘာ့ကြောင့် သူတို့နှစ်ယောက် ခွဲပြဲသွားတယ်ဆိုတာကိုတော့ ပြောကြားခဲ့ခြင်း မရှိပါဘူး။ အိုင်ရီနာဟာ ရော်နယ်ဒိုရဲ့မိခင်နဲ့ အဆင်မပြေတာကြောင့် လမ်းခွဲလိုက်တာလို့ ဖော်ပြချက်မျိုးတွေလည်း ရှိနေပါတယ်။

အေးဂျင့်ကတော့ ဒီသတင်းကိုလည်း ငြင်းခဲ့ပြီး ရော်နယ်ဒိုနဲ့ ချစ်သူဘ၀တစ်လျှောက်လုံးမှာ အိုင်ရီနာဟာ ရော်နယ်ဒိုရဲ့ မိသားစုတွေနဲ့ ရင်းရင်းနှီးနှီးရှိခဲ့ပါတယ်လို့ဆိုပြီး သူတို့နှစ်ယောက်နဲ့ပတ်သက်ပြီး ကောလာလတွေဟာ မှားယွင်းတဲ့ ပြောဆိုမှုတွေသာ ဖြစ်တယ်လို့ ပြန်လည်ဖြေရှင်းခဲ့ပါတယ်။

ရော်နယ်ဒိုနဲ့ အိုင်ရီနာတို့ရဲ့ ချစ်သက်တမ်းဟာ ၅ နှစ်လောက်ကြာခဲ့တာပါ။ အခုတော့ အိုရီနာတစ်ယောက် Twitter မှာ ရော်နယ်ဒိုကို Follow လုပ်ထားမှုကိုတောင် ရပ်တန့်ခဲ့ပါပြီ။ ရော်နယ်ဒိုကလည်း Ballon d’Or ဆုယူပြီးတဲ့နောက် ပြောခဲ့တဲ့ ကျေးဇူးတင်စကားမှာ အိုင်ရီနာနဲ့ ပတ်သက်လို့ ထည့်သွင်းပြောဆိုတာမျိုးတောင် မရှိခဲ့ပါဘူး။

ဘောလုံးလောကမှာ အောင်မြင်သလောက် အချစ်ရေးမှာ ကံဆိုးနေတဲ့ ရော်နယ်ဒိုရဲ့ နောက်ထပ် လက်တွဲဖော်အသစ်ဟာ ဘယ်သူဖြစ်လာမလဲဆိုတာ ဆက်လက်စောင့်ကြည့်ရမယ့် ကိစ္စတစ်ခု ဖြစ်ပါတော့တယ်……..

Ref : dailymail