IS အုပ်စုဝင်တွေမှာ ကုရ်အာန် ကျမ်းစာအုပ်ပင် မရှိဟု ၁၀ လကျော် ဖမ်းခံရပြီး လွတ်လာသူပြော

ဖေဖော်ဝါရီ ၅ ၊ ၂၀၁၅
M-Media

ဆီးရီးယားတွင် ၁၀ လကျော် အကျဉ်းသားဖြစ်ခဲ့သူ ပြင်သစ်ဂျာနယ်လစ် ဒီဒီယာ ဖရန်ဆွာ Didier François သည် ISIS အုပ်စုဝင်များထံ ကုရ်အာန်ကျမ်းပင် မရှိခြင်းကို တစွန်းတစ သတိပြုလိုက်မိကြောင်း အင်္ဂါနေ့က CNN မှ Christiane Amanpour နှင့်ပြုလုပ်သည့် အင်တာဗျူး တစ်ရပ်တွင် ဖွင့်ချပြောဆိုသွားသည်။

“ကျမ်းဂန်အချက်အလက်တွေ အကြောင်း ဖလှယ်ပြောကြားခြင်း လုံးဝကို မရှိဘူး၊ ဘာသာရေးဆွေးနွေးချက်ဆိုတာလည်း မရှိဘူး။ နိုင်ငံရေး အကြောင်းတွေကိုသာ ပြောကြားနေခဲ့ကြတယ်။ ကုရ်အာန်ရဲ့ သွန်သင်ချက်ထက် သူတို့ရဲ့ယုံကြည်ချက် အကြောင်းတွေ ပိုပြီးဖုံးလွှမ်းနေတယ်။ အဲ့ဒါတွေကလည်း ကုရ်အာန်နဲ့ လားလားမျှ သက်ဆိုင်နေခြင်း မရှိလို့ဖြစ်ပါတယ်။ သူတို့ဆီမှာ ကုရ်အာန်ကျမ်းပင်လျှင် ရှိမနေရုံမက ကျွန်တော်တို့ကို ကုရ်အာန်ကျမ်း တစ်အုပ်လေးကိုတောင် ပေးလိုစိတ် မရှိကြတာ တွေ့ခဲ့ရပါတယ်”။

ယမန်နှစ် ဧပြီလ၌ ဖရန်ဆွာ လွတ်မြောက်လာခဲ့သော်လည်း သူ့အဖြစ်ဆိုးကို မဆိုစလောက်မျှသာ ပြောကြားခဲ့၏။ သူသည် ISIS လက်မှ ရှားရှားပါးပါး လွတ်မြောက်လာသူဓားစာခံများအနက် တစ်ဦးဖြစ်သည်။ ထိန်းသိမ်းထားဆဲ ဓားစာခံများတွင် အမေရိကန်အမျိုးသမီးတစ်ဦး ပါဝင်ကြောင်း အမေရိကန်သမ္မတ ဘားရက်အိုဘားမားက ယခုရက်သတ္တပတ်အတွင်း NBC News အင်တာဗျူး၌ ထုတ်ဖော်ဝန်ခံခဲ့သည်။ သူမအား နှစ်ကြိမ်ဆုံတွေ့ခဲ့ကြောင်း ဖရန်ဆွာမှ Amanpour သို့ပြောပြသည်။ သို့သော် သူမ၏ လုံခြုံရေးအန္တရာယ်ကြောင့် အသေးစိပ် မပြောလိုခဲ့ချေ။ သူ့အကြောင်းကိုသာ ဖိပြောခဲ့သည်။

အမျိုးသမီးများမှာ လွတ်လပ်စွာသွားလာခွင့်တော့ ရရှိသည့်တိုင် ISIS ဓားစာခံဖြစ်နေခြင်းကြောင့်တစ်ကြောင်း၊ အမျိုးသမီး ဘ၀ဖြစ်နေခြင်းကြောင့် တစ်ကြောင်း အမြဲတစေ တုန်လှုပ်ခြောက်ခြားနေရကြောင်း၊ ထိုအချက်များကို လိုသည်ထက် ပိုမိုပြီး မစူးစမ်းသင့်ကြောင်း ဟူ၍ ယေဘူယျအားဖြင့် သူက ပြောပြသည်။

အလွန်အကျွံ ရုပ်လုံးမဖော်ပါနှင့်
—————————
ထိန်းသိမ်းခံရစဉ် သူသည် မတွေးဝံ့စရာ ရက်စက်မှုများကို တွေ့မြင်ခဲ့သည်။ သူ့အား အလက်ပိုဆေးရုံ၌ ထိန်းသိမ်းထားစဉ် တစ်လျှောက်လုံး ၎င်းတို့၏ အဓမ္မစည်းမျဉ်းများ မနာခံကြသည့် အီရတ်နှင့်ဆီးရီးယားပြည်သူတို့အပေါ် သူ့အား ချုပ်ကိုင်ထားသူ၏ ရှေ့ဆက်နှိပ်စက် ညှင်းပန်းနေမှုများကို ကြားသိတွေ့မြင်နေခဲ့သည်။

“ကျွန်တော်တို့ကို အိမ်သာတွေထဲ ခေါ်ဆောင်သွားချိန် စင်္ကြံလမ်းတွေမှာ အဲ့ဒီလူတစ်ချို့ကို  သွေးအိုင်ထဲလဲနေကြတာ တွေ့ကြရတယ်။ တွဲလောင်းချထားတဲ့ ကြိုး၊ သံကြိုးနဲ့ သံချောင်းတွေလည်း မြင်နေရတယ်။ ကျွန်တော်တို့လည်း အရိုက်နှက်ခံရတာပါပဲ။ ဒါပေမယ့် နေ့စဉ်နေ့တိုင်းတော့ မဟုတ်ပါဘူး။ ကျွန်တော် ဆိုလိုချင်တာကတော့ တော်တော် ဒုက္ခခံစားရတာမှန်ပေမယ့် ခင်ဗျားတို့ ဒီ့ထက်ပိုပြီး လွန်လွန်ကျွံကျွံ ရုပ်လုံး မဖော်အပ်ဘူး”။

“ကျွန်တော်တို့တိုင်းပြည်မှာ ဗုံးထောင်နိုင်ပါတယ်ဆိုတဲ့ တူနီးရှား၊ လစ်ဗျား၊ အီရတ်နဲ့ ဆီးရီးယားဒေသခံတွေက အဲ့ဒီလူတွေလက်ထဲမှာ ရာထောင်ချီပြီး အသတ်ခံနေရတယ်။ တော်တော့်ကို တုန်လှုပ်စရာပါ။ ပြင်းပြင်းထန်ထန် ရိုက်နှက်တတ်ပေမယ့် နေ့တိုင်းတော့ မဟုတ်ဘူး၊ ရံဖန်ရံခါပေါ့။ အဲ့ဒီအကြမ်းဖက်မှုမှာ ဗြိတိန် နိုင်ငံသား တွေက ပိုပြီး လက်သံပြောင်ကြတယ်”။

ISIS ၏ အနောက်တိုင်း ဂျာနယ်လစ်တို့အပေါ် ရက်ရက်စက်စက်ကွပ်မျက်မှုများကို ကြည့်လျှင် ဂျိဟာဒီဂျွန် “Jihadi John” ဟူသော အမည်ဝှက် တိုက်ခိုက်ရေးသမားတစ်ဦး၏ ပီသပိုင်နိုင်လှသည့် ဗြိတိန် လေယူလေသိမ်းကြောင့် ကမ္ဘာတစ်ဝှန်းမှ သတိပြုမိသွားသည်။ ၎င်းသူသည် အစောင့်အကြပ်များ အနက် တစ်ဦးဖြစ်ကြောင်း ဓားစာခံ ဘ၀ဖြစ်စဉ်က ဖရန်ဆွာ သိလိုက်ရသည်။

“သူဟာ ပတ်သက်ချင်စရာကောင်းတဲ့လူစား မဟုတ်တာကို ခင်ဗျားတို့ ဗီဒီယိုထဲမှာ ကြည့်ရှုနိုင်ပါတယ်”။

ဓားစာခံများမှ “The Beatles” ဟု အမည်ပြောင်ပေးထားသည့် ဗြိတိန် ဂျိဟာ့ဒ်သမားများမှာ အကြမ်းဖက်မှု၌ လက်သံ အပြောင်ဆုံးဖြစ်သည်။ ပိုပြီး အစွန်းရောက်ကြသည်။ ထိုဗြိတိန် တို့က ပိုကောင်းသော အစာရေစာ ပေးသော်လည်း ရိုက်နှက်သည့်အခါ ပိုမိုကြမ်းတမ်းသည်။ မြောက်အမေရိက သို့မဟုတ် မဃ်ရစ်ဘ် ရှိ ယခင်ပြင်သစ်ကိုလိုနီနယ်များမှ ဂျိဟာ့ဒ်သမားတို့က ပြင်သစ် သုံ့ပန်းများအပေါ် ဆက်ဆံပုံများနှင့် မတိမ်းမယိမ်းဖြစ်နေသည်ဟု ဖရန်ဆွာက ဆိုသည်။

“သူတို့ဟာ အမေရိကန်နဲ့ ဗြိတိန်တွေလိုမျိုး ပြင်သစ် သုံ့ပန်းတွေကို အုပ်စုတူထဲမှာပဲ ထားဖို့ အထူးအားသန်ကြတယ်။ ကျွန်တော်တို့ အတွက် စေ့စပ်ညှိနှိုင်းမှု မပြုကြဘူး”။

ကံထူးခဲ့ကြသူများ
——————
ISIS အီရတ်ပိုင်နက် အများစုအား ရှောင်တခင် မသိမ်းပိုက်မီ ဖရန်ဆွာအား လွှတ်ပေးခဲ့သည်။ ISIS လက်ဝယ်ရှိစဉ် သူနှင့်အတူ သူ၏လုပ်ဖော်ကိုင်ဖက် သုံးဦးအား လွှတ်ပေးလိမ့်မည် ဆိုသည်မှာ သူ့အဖို့ မယုံနိုင်စရာ ဖြစ်နေရသည်။ အထူးသဖြင့် မဟာမိတ်တပ် အတွင်း ပြင်သစ်ပါဝင်ခြင်းနှင့် အီရတ်တွင် ဗုံးကြဲခြင်း ဖြစ်သည်။

“ကျွန်တော်တို့က ကံထူးခဲ့သူများပါ”။

သူ ဆီးရီးယားသို့သွားစဉ်က ဂျာနယ်လစ် သို့မဟုတ် NGO ၀န်ထမ်းတစ်ဦး၏အဖမ်းခံရမှုသတင်းဟူ၍ မရရှိခဲ့။ ထို့ကြောင့် အဘယ်မျှ အန္တရာယ်များမည်ကို သိရန် ခဲယဉ်းလှသည်။

“ကျွန်တော်တို့က အန္တရာယ် အတိုင်းအဆကို မသိခဲ့ကြဘူး။ အဲ့ဒီအချိန်မှာ သဘော မပေါက်ခဲ့ကြဘူးလို့ ဆိုနိုင်ပါတယ်။ အဲ့ဒီတုန်းက ISIS ဟာ Jabhat al-Nusra ထဲမှာပဲ လျှိုနေခဲ့ကြတယ်၊ အလ်ကိုင်းဒါးထဲကနေ ဒီလိုအုပ်စုခွဲထွက်တာမျိုး မလုပ်သေးဘူးလေ”။

အမေရိကန်ပြည်ထောင်စု၊ ယူကေတို့နှင့် ခြားနားစွာ ဥရောပနိုင်ငံများစွာက ပြန်ပေးဆွဲခြင်း အတွက် ရွေးငွေပေးလိမ့်မည်ဟု ISIS အပါအ၀င် အကြမ်းဖက် အုပ်စုများ ယုံကြည်နေကြသည်။ ပြင်သစ်ကမူ ဂျာနယ်လစ်များ လွတ်မြောက်ရေး အတွက် ပြန်ပေးဆွဲရွေးငွေပေးရန် တရားဝင်ငြင်းဆို လိုက်ပြီဖြစ်သည်။

“ဒါဟာ ငွေကြေးပြဿနာ တစ်ခုတည်းကြောင့် လုံးဝ မဖြစ်နိုင်ပါဘူး။ ပေးရမယ့် ငွေကြေးပမာဏနဲ့ စပ်လျဉ်းပြီး မီဒီယာထဲ ခန့်မှန်းနေမှုတွေက ရုပ်ပျက်ဆင်းပျက် ဟာသတွေပါပဲ”။

ဂျိမ်းစ်ဖိုလေး၏ ခြင်္သေ့နှလုံးသား
———————————-
ဖရန်ဆွာသည် ဂျိမ်းစ်ဖိုလေးနှင့်အတူ ဖမ်းဆီးခံရသည်။ ဂျာနယ်လစ် ဖိုလေးမှာ ISIS ၏ ရက်စက်စွာသတ်ဖြတ်ခြင်း ခံရသူဖြစ်၏။ ယင်းဗီဒီယိုထွက်လာရာ ၎င်းသည် ပထမဆုံး အနိဌာရုံမြင်ကွင်းဖြစ်ခဲ့သည်။

ဘာများလိုအပ်သနည်းဟု အစောင့်များက မေးမြန်းရာတွင် လူတို့က မလိုအပ်ပါဟု ပြေလည်ရာပြေလည်ကြောင်း အလိုက်အထိုက်သာ ဖြေကြားကြသည်။

“ဂျိန်းစ်က လက်ဖျားခါလောက်တဲ့ မိတ်ဆွေ တစ်ဦးပါပဲ။ သူက လုံးဝ အလျှော့ပေးအညံ့ခံတာမျိုး လုံးဝမလုပ်ခဲ့ဘူး။ ခြသေ့င်္နှလုံးသား ပိုင်ရှင်ပါပဲ”။

ဆန့်ကျင်ဖက်အားဖြင့် ဖိုလေးကမူ အသီးအရွက်များဖြင့် အစားအသောက်ကို အစားထိုးပေးနိုင်မလားဟု ပြန်ပြောခဲ့သည်။

“သူ ဦးမကျိုးတာကို သူတို့က မနှစ်သက်ကြဘူး။ သူက ပိုပြီး ရိုက်နှက်ခံရတာ ဒီလို အံတုနေတဲ့အချက်ကြောင့်ပဲ။ သူက သူ့ပုံဟန်အတိုင်း ဆတ်ဆတ်ကြဲ အာခံရင်ဆိုင်နေခဲ့တယ်”။

၎င်းနောက် ဂျာနယ်လစ် ဖိုလေးအား ရက်ရက်စက်စက်သတ်ဖြတ်ခဲ့သည်။ ISIS မှ ရိုက်ကူးလွှင့်တင်သည့် ဗီဒီယို၌ သူ့လည်ပင်းကို ဂျိဟာဒီဂျွန်က ဓားထောက်ထားကြောင်း တွေ့ကြရသည်။

အမှန်တကယ် ခေါင်းဖြတ်ခြင်းကို ကင်မရာနှင့် ရိုက်ကူးဖော်ပြမှု မရှိသဖြင့် ဂျိဟာဒီဂျွန်သည် ထိုသတ်ဖြတ်မှု၏ လက်သည်အစစ် ဟုတ် မဟုတ် ခန့်မှန်းချက်များ ထွက်လာခဲ့သည်။ လူသတ်ကောင်မှာ ဂျိဟာဒီဂျွန်ပင်ဖြစ်သည်ဟု ယုံကြည်ကြောင်း ဖရန်ဆွာက Amanpour သို့ ပြောကြားသည်။

ဂိုဏ်းကွဲများကြားက ရုန်းကြွမှု
——————————–
အကျဉ်းသားဟောင်းဖြစ်ခဲ့ဖူးသဖြင့် ဖရန်ဆွာထံ၌ ယင်းလျှို့ဝှက်အဖွဲ့သစ်၏ အတွင်းပိုင်း လုပ်ဆောင်ချက်များနှင့် ပတ်သက်၍ မယုံနိုင်စရာအမြင် တစ်ရပ် ရှိနေသည်။

“ISIS ထဲ ပူးပေါင်းဝင်ရောက်လာတဲ့ အီရတ်၊ ဆီးရီးယားကလူတွေဟာ သူတို့လူမျိုးတွေထဲက အလွန်အမင်း အယူသည်းအစွဲကြီးလွန်းတဲ့ လူစားတွေ ဖြစ်နေပါတယ်။ တခြားနိုင်ငံများက ၀င်ရောက်လာတဲ့ ဂျိဟာ့ဒ်သမားတွေနဲ့ လက်ရည်တစ်ပြင်တည်းရှိဖို့ ရံဖန်ရံခါ မလွယ်တာလည်း တွေ့ရတယ်။ ဘာကြောင့်လဲဆိုတော့ အတွေးအမြင်၊ အကျင့်စရိုက်၊ စည်းစံနစ်တွေ မတူညီကြလို့ပါပဲ။ ဒါကြောင့် တစ်ခါတစ်ခါ သူတို့အကြား တကယ်ကို တင်းမာမှု ဖြစ်ကုန်တယ်”။

အလ်ကိုင်းဒါးနှင့်မတူညီသည်မှာ ISIS သည် လျှိုဝင်နေသော သပ်တစ်ချောင်း ဖြစ်နေ၏။ အဘူဘကရ် အလ်ဘဂ္ဂ ဒါဒီသည် ဒေသတွင်း ပဋိပက္ခ အတွင်း၌ သူ့အဖွဲ့ကို မွှေနှောက် ရှင်သန်နေစေရန် ထာဝစဉ် အားထုတ်လျက်ရှိ၏။

“သူဟာ စွန္နီအုပ်စုတွေ၊ အခြေတကျမနေထိုင်ကြတဲ့ ကျေးတောသားတွေကို ရှီအိုက် သို့မဟုတ် ယာဇီဒီ သို့မဟုတ် ခရစ်ယာန်တွေကို တိုက်ခိုက်ကြဖို့ပဲ အမြဲတစေ တွန်းအားပေးနေလေ့ရှိတယ်။ ပြီးတော့ လူ့အဖွဲ့အစည်းတစ်ခုနဲ့ တစ်ခု အပြန်အလှန် ရန်တိုက်နိုင်အောင် ကြိုးစားနေတယ်။ ဒါက သူ့ရဲ့ရပ်တည်နေပုံ၊ သူရဲ့အင်အား စုဆောင်းပုံဖြစ်တယ်။ ဒါကြောင့် ဥရောပဖြစ်စေ ဘယ်ကပဲဖြစ်စေ လာတဲ့ လူငယ်လူရွယ်တွေကို အသုံးချနေတာပေါ့။ ဒါပေမယ့် အဲ့ဒါတွေက သူ့အဖွဲ့ရဲ့အစိပ်အပိုင်းတစ်ခုမျှသာ ဖြစ်ပြီး ဒေသခံစွန္နီအုပ်စုတွေ၊ မျိုးနွယ်စုတွေသာလျှင် သူ့အဖွဲ့ရဲ့အားအကောင်းဆုံး အစိပ်အပိုင်းဖြစ်နေပါတယ်”။

ထိုထိုသောအုပ်စုများအကြား  ရပ်တည်နိုင်ဖို့ အရေးအကြီးဆုံးမှာ ရှင်သန်ကျန်ရစ်နေခြင်း ဟု ဖရန်ဆွာက မှတ်ချက်ပြုလေသည်။

xxxxxxxxxxxxxx
Ref :CNN
ဘာသာပြန်- မင်းထွဋ်ခေါင်