အသင်းရလဒ်ဆိုးမှုအတွက် မတုန်လှုပ်ဟု ဘိုင်ယန်နည်းပြဆို

ဖေဖော်ဝါရီ ၇၊ ၂၀၁၅
M-Media

– ဒုတိယ ရာသီဝက်ပြန်စချိန်တွင် ဆိုးရွားသောရလဒ်များနှင့် ရင်ဆိုင်နေရသော်လည်း မိမိတို့အသင်း၌ မည်သည့်ပြဿနာမှ မရှိုဟု ဘိုင်ယန်နည်းပြ ဂွာဒီယိုလာက ပြောကြားလိုက်သည်။

ပထမရာသီဝက်တွင် ဘိုင်ယန်မှာ ၁၇ ပွဲကစားပြီး ၁၄ ပွဲအနိုင်ရရှိခဲ့ကာ ခြေစွမ်းကောင်းများကို ပြသနိုင်ခဲ့သော်လည်း ဆောင်းရာသီနားချိန်ပြီးနောက် ပထမဆုံး ပြန်ကစားသည့်ပွဲတွင် ၀ုလ်ဘဂ်အသင်းအား ၄ ဂိုး ၁ ဂိုးဖြင့် ရှုံးနိမ့်ခဲ့ပြီး အင်္ဂါနေ့က ကစားခဲ့သည့် ရှော်လ်ကာအသင်းနှင့်ပွဲတွင်လည်း ၁ ဂိုးစီ သရေကျခဲ့သည်။

ဂွာဒီယိုလာကမူ မိမိအနေဖြင့် ထိုရလဒ်အတွက် ခြောက်ခြားခြင်းမရှိဘဲ အသင်းတွင်လည်း မည်သည့်ပြဿနာမှ မရှိဟု ပြောကြားခဲ့သည်။

“ပြဿနာလား။ ဘာပြဿနာမှ မရှိပါဘူး။ ဒါမျိုးတွေက ဖြစ်နေကျပါပဲ။ တစ်ပွဲ၊ နှစ်ပွဲလောက်ကတော့ မကြာခဏ ရှုံးနိုင်ပါတယ်။ ကျွန်တော်တို့အသင်းက သုံးလေးပွဲလောက်ရှုံးလို့ရပြီး ပြိုင်ဘက်တွေကို အမြဲတမ်း ၂၅ မှတ်လောက်ဖြတ် ဗိုလ်စွဲဖို့ဆိုတာ မဖြစ်နိုင်ပါဘူး” ဟု ဂွာဒီယိုလာက သတင်းစာရှင်းလင်းပွဲတွင် ပြောကြားခဲ့သည်။

ဂွာဒီယိုလာမှာ ရှော်လ်ကာနှင့်ပွဲတွင် စည်းကြပ်ဒိုင်နှင့် ပြဿနာဖြစ်ပွားခဲ့ပြီး ထိုအတွက်လည်း ပြန်လည်တောင်းပန်ခဲ့သည်။

“ကျွန်တော်လုပ်ခဲ့တဲ့ကိစ္စအတွက် ဘွန်ဒစ်လီဂါကိုရော၊ အခြားအသင်းတွေအားလုံးကိုရော တောင်းပန်ပါတယ်။ ဖြစ်ပျက်ခဲ့တာတွေ အတွက် ကျွန်တော် တကယ့်ကိုစိတ်မကောင်းပါဘူး။ ကျွန်တော်ဟာ ကာ့တ်လန်သားဖြစ်ပြီး တစ်ခါတစ်လေမှာ စိတ်ခံစားမှုရှိပါတယ်။ ပြီးတော့ ကျွန်တော်ဟာ လူငယ်နည်းပြတစ်ဦးလည်းဖြစ်ပါတယ်။ ဒါ့ကြောင့် ဒါမျိုးနည်းနည်းပါးပါးဖြစ်ခဲ့တာပါ”

Ref: goal.com