ယူကရိန်းအပစ်ရပ်ရေး သဘောတူညီချက်ရပြီ

ဖေဖော်ဝါရီ ၁၂၊ ၂၀၁၅
M-Media

– ယူကရိန်း၊ ရုရှား၊ ဂျာမနီနှင့် ပြင်သစ်မှ ခေါင်းဆောင်များ အကြိတ်အနယ်ဆွေးနွေးခဲ့ပြီးနောက် ယူကရိန်းအရှေ့ပိုင်း အပစ်ရပ်ရေးအတွက် ယနေ့တွင် သဘောတူညီချက် ရရှိခဲ့သည်ဟု သိရသည်။

အဆိုပါသဘောတူညီချက်မှာ လာမည့် တနင်္ဂနွေနေ့ည သန်းခေါင်ယံတွင် စတင်သက်ရောက်မည်ဖြစ်ပြီး မည်မျှ ကြာကြာခံမည်ဆိုသည်နှင့် ပတ်သက်၍ မေးခွန်းများလည်း ထွက်ပေါ်နေသည်။ ဆွေးနွေးပွဲတွင် ပါဝင်ခဲ့သည့် ပြင်သစ်သမ္မတ
ဟော်လန်ဒေးက အဆိုပါ သဘောတူညီချက်ကို လေးနက်သည့် သဘောတူညီချက်ဟု ပြောကြားခဲ့သော်လည်း အချက်အားလုံးအား ဖြေရှင်းနိုင်ခဲ့ခြင်းမဟုတ်ဟု ဆိုသည်။

ယူကရိန်း သမ္မတ ပိုရိုရှန်ကိုကမူ ဆွေးနွေးပွဲတွင် ပါဝင်ခဲ့သူအားလုံးမှာ ယခုလက်ရှိ ခွဲထွက်ရေးသမားများ သိမ်းပိုက်ထားသည့် နယ်မြေအချို့အပါအ၀င် ရုရှားနယ်စပ်တစ်လျှောက်ရှိ နယ်မြေများကို ယူကရိန်းဘက်က ပြန်လည်ထိန်းချုပ်ရန် ကူညီသွားမည်ဟု သဘောတူခဲ့ကြောင်း၊ နှစ်ဘက်စလုံးမှ လက်နက်ကြီးများကို လာမည့် ၂ ပတ်အတွင်း ရှေ့တန်းစစ်မြေပြင်မှ ၃၁ မိုင်မှ ၄၃ မိုင်အကြားသို့ နောက်ဆုတ်သွားမည်ဖြစ်ကြောင်း ထည့်သွင်းပြောကြားခဲ့သည်။

သို့သော်လည်း သဘောတူညီချက်တွင် ခွဲထွက်ရေးသမားများအား ပိုမိုအုပ်ချုပ်ခွင့်ပေးမည့် ကိစ္စနှင့်ပတ်သက်၍ မည်သည့်သဘောတူညီချက်မှ မရခဲ့ဟု ဆိုသည်။ အဆိုပါ သဘောတူညီချက်တွင် ယူကရိန်းနယ်မြေမှ နိုင်ငံခြားတပ်ဖွဲ့များနှင့်
စစ်သွေးကြွများ ထွက်သွားရန်၊ လက်နက်ကြီးများရုပ်သိမ်းရန်၊ စီးပွားရေး ဆက်သွယ်မှုများကို ပုံမှန်အတိုင်း ဆောင်ရွက်ရန်
စသည်တို့လည်း ပါဝင်ခဲ့သည်။

ပြင်သစ်သမ္မတဟော်လန်ဒေးကမူ ခွဲထွက်ရေးသမားများအပေါ် လိုအပ်သလောက် ဖိအားပေးနိုင်ခဲ့သည့် ရုရှားကို ချီးကျူးခဲ့သည်။ လေးနိုင်ငံမှ နိုင်ငံ့ခေါင်းဆောင်များ ပါဝင်ခဲ့ကြသည့် အဆိုပါ ဆွေးနွေးမှုမှာ ၁၆ နာရီအထိ ကြာမြင့်ခဲ့သည်။ ပြီးခဲ့သည့်နှစ် ဧပြီလကတည်းက ဖြစ်ပွားခဲ့သည့် ယူကရိန်းအရှေ့ပိုင်း တိုက်ခိုက်မှုများတွင် စုစုပေါင်း ၅၃၀၀ ကျော် သေဆုံးခဲ့ပြီဟု ကုလ၏ မှတ်တမ်းများက ဆိုသည်။

ပြီးခဲ့သည့်နှစ် စက်တင်ဘာလကလည်း ဂျာမနီ၊ ပြင်သစ်တို့၏ ကြားဝင်မှုဖြင့် ယူကရိန်းအစိုးရနှင့် ခွဲထွက်ရေးသမားများအကြား အပစ်ရပ်ရေးသဘောတူညီချက် ရရှိခဲ့သော်လည်း ကြာကြာမခံခဲ့ပေ။

Ref: foxnews