အမေရိကန်တွင် ၆ ရက်သားကလေးအား ပထမဆုံး နှလုံးအစားထိုးကုသမှု အောင်မြင်

ဖေဖော်ဝါရီ ၁၅၊ ၂၀၁၅
M-Media

– အမေရိကန်ပြည်ထောင်စုတွင် အသက် ၆ ရက်သားကလေးငယ်ကို နှလုံးအစားထိုးကုသမှုပြုလုပ်ခဲ့ကာ အောင်မြင်မှု ရရှိခဲ့သည်ဟု ဆရာဝန်များနှင့် ကလေးငယ်၏ မိသားစုများက ပြောကြားခဲ့သည်။

အိုလီဗာ ကရောဖို့ဒ်ဆိုသည့် ကလေးငယ်တစ်ဦးဖြစ်ပြီး အရီဇိုနားပြည်နယ် ဖီးနစ်မြို့ရှိ ကလေးဆေးရုံတွင် သတ်မှတ်ထားသည့်ရက်ထက် ၇ ပတ်စော မွေးလာခဲ့သည်။ ထို့ပြင်အဆိုပါကလေးငယ်မှာ နှလုံးအားနည်းသည့် ရောဂါလည်း ပါလာခဲ့ပြီး မိဘများက အသက်ရှင်ရန်ပင် မျှော်လင့်မထားခဲ့ပေ။

ကလေးငယ်၏ နှလုံးချို့တဲ့မှုကို ကိုယ်ဝန်ဆောင်သက် သီတင်းပတ် ၂၀ အရောက်တွင် စတင်တွေ့ခဲ့ရခြင်းဖြစ်သည်။ ဇန်န၀ါရီ ၅ ရက်နေ့တွင် ထိုကလေးအား မွေးဖွားခဲ့ပြီးနောက် နှလုံးအစားထိုးကုသမှုကို ခံနိုင်သည့် ကျန်းမာရေး ရှိ၊ မရှိ ဆရာဝန်များက စောင့်ကြည့်ခဲ့ကြသည်။ ၉ ရက်နေ့တွင် အစားထိုးကုသမည့် နှလုံးကို ရရှိခဲ့ပြီး ၁၁ ရက်နေ့တွင် အစားထိုးကုမှု စတင်ခဲ့ကာ ခွဲစိတ်မှုမှာ ၁၀ နာရီခန့်ကြာမြင့်ခဲ့သည်။

“ကျွန်မတို့သိသလောက် အိုလီဗာလေးဟာ နိုင်ငံအတွင်းမှာ အသက်အငယ်ဆုံး နှလုံးအစားထိုးကုမှု ခံယူခဲ့သူဖြစ်ပါတယ်။ သူဟာ ကိုယ်ဝန်ဆောင်ပြီး ၃၄ ပတ်နဲ့ ၃ ရက်အကြာမှာ နှလုံးအစားထိုးကုသမှု ခံယူခဲ့ရတာဖြစ်ပါတယ်” ဟု ၎င်း၏ မိခင်ဖြစ်သူက ပြောကြားခဲ့သည်။

၆ ပေါင် ၁အောင်စရှိသည့် အဆိုပါကလေးငယ်မှာ အဆုတ်အားနည်းမှုကြောင့် ဆေးရုံ၌သာရှိနေသေးပြီး အခြေအနေကောင်းမွန်သည်ဟု ဆေးရုံမှထုတ်ပြန်သော ကြေညာချက်တွင် ဖော်ပြထားသည်။

Ref: alarabyia