လူအောင်ဆန်း (၇)

ဝင်းအောင်ကြီး ရေးသည်။

သမိုင်းဝင် ပင်လုံစာချုပ် လက်မှတ်မထိုးခင်ကတည်းက ဗိုလ်ချုပ်အောင်ဆန်းတို့ရဲ့ ဒီပုံကိုကြည့်ပါ။ ၁၉၄၆ ခုနှစ်၊ဧပြီလ ၃၀ ရက်နေ့ ကရင်နီပြည်မိတ်ဆက်အဖွဲ့နဲ့ ဖဆပလ ဌာနချုပ်မှာ အမှတ်တရ ရိုက်ထားတာ။ ဦးစိန်၊ ဦးအေမြလေး၊ သခင်သန်းထွန်း၊ သခင်ချစ်(ဗကပ)၊ ဘကြီးဘဘေ၊ KNU ဥက္ကဌ စောဘဦးနဲ့ မန်းဘခိုင်၊ ဦးအောင်ဇံဝေ(ရခိုင်)၊ ဦးဖေခင် (ဗမက) စသဖြင့်။ ရှပ်အင်္ကျီ လက်တိုလေး ၀တ်ထားတဲ့ ၃၁ နှစ်သား လေးရဲ့ ပြည်ထောင်စု အိပ်မက်ဘယ်လို ဆိုတာ မြင်နိုင်ပေလိမ့်မယ်။

၁၉၃၉ ခု၊ ဒုတိယကမ္ဘာစစ်စချိန် တို့ဗမာအစည်းအရုံး အထွေထွေအတွင်းရေးမှူး သခင်အောင်ဆန်းဟာ၊ အာဃာတွေပြင်း ထန်နေဆဲ ဒေါက်တာဘမော်နဲ့ အကြိမ်ကြိမ်ဆွေးနွေးပြီး ဖွဲ့လိုက်တဲ့ ဗမာ့ထွက်ရပ်ဂိုဏ်း ဆိုတဲ့တပ်ပေါင်းစု ကတော့ အောင်ဆန်းရဲ့လွတ်လပ်ရေး အိပ်မက်လို့ သခင်နုကရေးတယ်။ ရန်ကုန်တက္ကသိုလ်က လူမျိုးစုံဘာသာစုံကို အခြေခံတာလို့ သူတေသီများ ကဆိုတယ်။

၁၉၄၄ ခု၊ သူ့အိမ်မှာ စည်းဝေးပြီး၊ကွန်မြူနစ်ပါတီ၊ ဆိုရှယ်လစ်ပါတီနဲ့ တပ်မတော်တို့ ပါဝင်တဲ့ ဖတပလ (နောင် ဖဆပလ) ဖွဲ့စည်းတဲ့အခါ ဗိုလ်ချုပ်အောင်ဆန်းက ဥက္ကဌ၊ သခင်သန်းထွန်းက အထွေထွေအတွင်းရေးမှူး။ အင်္ဂလိပ်ထံက လွတ်လပ်ရေး စေ့စပ်လို့မရရင်၊ အင်္ဂလိပ်လက်အောက် ဆက်ရှိနေမည့် တောင်တန်းဒေသကိုလည်း တိုက်ချင်တိုက်ရမယ်ဆိုတာ ခြိမ်းခြောက်ခြင်းမဟုတ်။ ပထ၀ီ အနေအထားကို ကြည့်ပြီးတွေးရင် မြင် ပါလိမ့်မယ်။ ၁၉၄၇ ခု၊ဖေဖော်ဝါရီလ ပင်လုံစည်းဝေးပွဲမှာ “ ဗိုလ်ချုပ်ဆိုတော့ မောက်မာ လိမ့်မယ်ထင်ခဲ့တာ၊ ဆွေးနွေးကြည့်တော့မှ အမြော်အမြင်ကြီးတဲ့ လူငယ်ခေါင်းဆောင်ပဲ” လို့ စော်ဘွားကြီးတွေ မှတ်ချက်ပုံ ရှာဖတ်ကြည့်ကြပါ။ အစိုးရအဖွဲ့ထဲမှာ ရှမ်းစော်ဘွား ထည့်ပေးဖို့ တောင်းဆိုတော့ နာမည်သာပေးလို့ သူကပြောလိုက်တယ်။ မသွားခင်ကတည်းက ဘုရင်ခံရဲ့ခွင့်ပြုချက် ယူသွားတာကိုကြည့်၊ ဘယ်လောက်အကွက်မြင်သလဲလို့။

ခက်ခက်ခဲခဲနဲ့ အထပ်ထပ်အခါခါ စေ့စပ်ဆွေးနွေးပြီးမှ၊ လူမျိုးစုံ၊ ဘာသာစုံ နေထိုင်တဲ့ တိုင်းပြည်မှာ မတူတာကိုမကြည့်ဘဲ ညှိယူတတ်တဲ့ ခေါင်းဆောင်မှုကြောင့် ပင်လုံစာချုပ် ပေါ်လာတာမဟုတ်လား? အဲဒီနောက် ဖွဲ့စည်းအုပ်ချုပ်ပုံ အခြေခံဥပဒေ ပြင်ဆင်ရေးဆွဲ ရာမှာ တပြည်လုံးကကိုယ်စားလှယ် ဘယ်လောက်ကျယ်ကျယ်ပြန့်ပြန့် ပါဝင်သလဲကြည့်။ လူထုတရပ်လုံးထဲက လူတယောက်မို့ တကယ့်လူထုခေါင်းဆောင်ဖြစ်တာပါ။ သူတို့ရဲ့နယ်မြေ သယံဇာကို ယူဖို့မဟုတ်၊ ပြည်ထောင်စုထဲမှာ လွတ်လပ်ရေး အတူခံစားရေးမို့ တိုင်းရင်းသားတွေက သူ့ကိုယုံကြည်ကိုးစားတာ။ ဒါပေမယ့် အကောင်အထည် မဖော်နိုင်ခင် သူကျဆုံးသွားလို့ နောက်ဆက်တွဲ ပြဿနာတွေ တက်ခဲ့ရတယ်။

ပင်လုံစိတ်ဓာတ်ဆိုတာ တိုင်းရင်းသားတွေရဲ့မဲ လိုချင်တဲ့အခါ ထအော်ဖို့လား? ပြည်နယ်တွေ ခွဲထွက်ကြမယ်ဆိုတာ တကယ်အမှန်လား? မှန်တယ်ဆိုရင်ကော အဲဒီအခြေရောက်မလာအောင် လုပ်ခဲ့ကြသလား? တိုင်းရင်းသားတွေက ဆူပူသောင်ကျန်းချင်ကြလို့ လက်နက် ကိုင်တာလား? တပ်မတော် အင်အားကြီးချင်လို့ သူပုန်မွေးထားတာလား? သူတို့ဘက်က လူမျိုးရေးစိတ် ပြင်ထန်တာလား? ကိုယ့်ဘက်က သဘောထား မကြီးတာလား? စာဖတ်သူများ မေးကြ တွေးကြ အဖြေရှာကြပါ။

ပင်လုံကိုမမီလည်း ၈၈ ကာလ စစ်တပ်အာဏာသိမ်းဖို့ အခြေအနေ ဖန်တီးယူပုံနဲ့ယှဉ်ကာ စဉ်းစားလို့ရပါတယ်။ မဟုတ်ရင်တော့ ပြည်ထောင်စုနေ့ ဆိုတာ တိုင်းရင်းသားတွေရဲ့ ရိုးရာအကကို ကြည့်ကြ သို့မဟုတ် ခေါပုတ်စား ခေါင်ရည်သောက်နဲ့သာ တနှစ်ပြီးတနှစ် ကူးသွားမှာလား? အဲဒါဟာ ဗိုလ်ချုပ်အောင်ဆန်းပေးသွားတဲ့ ပင်လုံစိတ်ဓာတ်လား? မသိရင်တော့ အောင်ဆန်းနာမည် မကြားရဲ၊ အောင်ဆန်းစိတ်ဓာတ်ကို သေမလောက်ကြောက်ကြသူတွေရဲ့ ဂွင်ထဲဆက်ပြီးနစ်နေလိမ့်မယ် လို့သတိပေးရင်း လူအောင်ဆန်း (၇) ကိုရေးလိုက်ရကြောင်းပါ။

၂၀၁၅ ခု၊ဖေဖော်ဝါရီလ ၁၂ ရက် (ပြည်ထောင်စုနေ့)

လူအောင်ဆန်း အပိုင်း ၁ မှ ၆ ထိ ဖတ်လိုလျှင် =>http://www.m-mediagroup.com/news/37705

ဗိုလ်ချုပ် အောင်ဆန်း ဘဝမှတ်တမ်း ဓါတ်ပုံများ ကြည့်လိုလျှင် =>https://www.facebook.com/media/set/?set=a.501249889917486.100008.468226919886450&type=3