အိန္ဒိယရှိ မဒ်ရာဆာ စာသင်ကျောင်းများ ဟိန္ဒူများအတွက်ပါ အားထားစရာ ဖြစ်လာ

ဖေဖော်ဝါရီ ၂၇၊ ၂၀၁၅
M-Media

– အိန္ဒိယနိုင်ငံရှိ ဆင်းရဲ့မွဲတေသော ဒေသတစ်ခုတွင် အစ္စလာမ့် မဒ်ရာဆာကျောင်းများက မွတ်စလင်နှင့် ဟိန္ဒူကျောင်းသားများအား ကောင်းမွန်သော ပညာရေးရရှိရန် ဆောင်ရွက်ပေးနေပြီး ကလေးငယ်များမှာ အဆိုပါ မဒ်ရာဆာကျောင်းများတွင် အစ္စလာမ်နှင့် ဟိန္ဒူဘာသာရေးကိုပါ သင်ကြားနိုင်သည်ဟု သိရသည်။

“ဆင်းရဲတဲ့ အသိုင်းအ၀ိုင်းက ပေါက်ဖွားလာတဲ့ကလေးတွေကို ကျွန်တော်တုိ့က ပညာသင်ကြားပေးနေတာပါ။ ဟိန္ဒူမိသားစု တော်တော်များများဟာ သူတို့ရဲ့ကလေးတွေကို ကောင်းမွန်တဲ့ပညာရေး ပေးချင်ကြတယ်ဆိုတာ ကျွန်တော်တို့ သတိပြုမိပါတယ်။ ဒါပေမယ့် သူတို့ မတတ်နိုင်ကြပါဘူး” ဟု မဒ်ရာဆာကျောင်းများကို ဖွင့်လှစ်ကြီးကြပ်နေသော နီဒါမာဟီလာမန်ဒဲလ်အဖွဲ့ NMM မှ လက်ရှိဥက္ကဌ ဒေါက်တာ တာလက် ကွာရီရှီက ပြောကြားခဲ့သည်။

မဒ်ရာဆာကျောင်းများ ဖွင့်လှစ်သင်ကြားပေးရန် စိတ်ကူးကို NMM အဖွဲ့က လွန်ခဲ့သည့် နှစ် ၇၀ အရင်ကပင် ရရှိခဲ့ပြီး အိန္ဒိယနိုင်ငံအလယ်ပိုင်း မဒ်ယာ ပရာဒက်ရ်ှပြည်နယ်ရှိ မန်ဆူရ်ခရိုင်တွင် စတင်ဖွင့်လှစ်ခဲ့သည်။ NMM မှာ အိန္ဒိယရှိ ကလေးငယ်များ မဒ်ရာဆာကျောင်းများတွင် အစ္စလာမ်နှင့် ဟိန္ဒူဘာသာရေးကို သင်ကြားနိုင်ရန် ရည်ရွယ်၍ ဖွဲ့စည်းခဲ့ခြင်းဖြစ်ပြီး ယခုလက်ရှိ မန်ဆူရ်ခရိုင်ရှိ မဒ်ရာဆာကျောင်းများတွင် ဟိန္ဒူကလေးငယ်များမှာ အစ္စလာမ်သာသာတရားနှင့် ဓလေ့ထုံးတမ်းတို့ကိုပါ သင်ကြားနေကြပြီဖြစ်သည်။

ဟိန္ဒူကလေးငယ်များ အစ္စလာမ်သာသနာ၏ အခြေခံအပြင် ဟိန္ဒူကျမ်းစာ ဂီတာနှင့် ဂါယာတရီ မန်ထရာတို့မှ သင်ကြားချက်များကိုလည်း သင်ယူနေကြသည်။

မန်ဆူရ်ခရိုင်ရှိ ဖီရ်ဒေါက်စ်မဒ်ရာဆာတွင် ရုံးစိုက်သည့် NMM မှာ လက်ရှိအချိန်တွင် ခရိုင်တစ်ဝှမ်း မဒ်ရာဆာပေါင်း ၁၂၈ ခုကို ဖွင့်လှစ်သင်ကြားပေးလျက် ရှိနေသည်။ အဆိုပါ မဒ်ရာဆာများမှ ၇၈ ခုတွင် ဟိန္ဒူနှင့် မွတ်စလင်ကျောင်းသားများမှာ အတူတကွ ပညာသင်ကြားနေပြီး အချို့ကျောင်းများတွင် ဟိန္ဒူကျောင်းသားများက ပိုများသည်။ ထို့ပြင် မဒ်ရာဆာကျောင်းအချို့ကိုလည်း ဟိန္ဒူအမည်များဖြင့် မှည့်ခေါ်ထားသည်။

“သူတို့တွေ (ဟိန္ဒူမိဘတွေ)ဟာ သူတို့ရဲ့ ကလေးတွေကို မဒ်ရာဆာမှာ ကျောင်းအပ်ချင်ကြပါတယ်။ ဒါပေမယ့် သာသာရေးသင်ခန်းစာနဲ့ပတ်သက်ပြီး စိုးရိမ်ကြပါတယ်။ ကျွန်တော်တို့ရဲ့ မဒ်ရာဆာတွေမှာ ဟိန္ဒူဘာသာရေးကို သင်ကြားပေးတာကြောင့် ဟိန္ဒူမိဘတွေဟာ ကျွန်တော်တို့ရဲ့ မဒ်ရာဆာကျောင်းတွေမှာ သူတို့ရဲ့ကလေးတွေကိုထားဖို့ ချီတုံချတုံ မဖြစ်တော့ပါဘူး။ ကျွန်တော်တို့ရဲ့ မဒ်ရာဆာတွေမှာ အဆင့်မြင့် ပညာရေးကို ကုန်ကျစားရိတ်နည်းနည်းနဲ့ သင်ကြားပေးပါတယ်” ဟု ဒေါက်တာ ကွာရီရှီက ထည်းသွင်းပြောကြားခဲ့သည်။

လစ်ဟာမှုများ ဖြည့်ပေးခြင်း

အဆိုပါ ခရိုင်တွင် ပညာရေးအတွက် အစိုးရက ထောက်ပံ့ပေးမှုနည်းပြီး ထောက်ပံ့မှုများမှာလည်း အလွန်နောက်ကျပြီးမှ ရောက်ရှိလာတတ်သောကြောင့် NMM ၏ မဒ်ရာဆာကျောင်းများက ပညာရေးစနစ်တွင် အရေးပါသော ကွက်လပ်တစ်ခုကို ဖြည့်ဆည်းပေးနေသည်။

“အစိုးရက မဒ်ရာဆာကျောင်း ၁၄ ကျောင်းပဲဆောက်ဖို့ ခွင့်ပြုပါတယ်။ ဒါပေမယ့် အဲဒီ ခွင့်ပြုချက်ကို ကျွန်တော်တို့ အချိန်မီ ရခဲပါတယ်။ ကျွန်တော်တို့ရဲ့ မဒ်ရာဆာကျောင်းတွေမှာ ခေတ်မီပညာရေးကို သင်ပေးပြီး စံချိန်မီ သင်ကြားရေးစံနှုန်းကိုလည်း ထိန်းသိမ်းထားပါတယ်။ ကျောင်းသားတွေဟာ မဒ်ရာဆာကျောင်းတွေမှာ ဟင်ဒီနဲ့ အင်္ဂလိပ်ဘာသာတို့ကို သင်ကြားရပြီး အူရဒူနဲ့ သက္ကတ ဘာသာစကားတို့ကို တတိယ ဘာသာစကားအဖြစ် ရွေးချယ်နိုင်ပါတယ်။ ဘာသာရေးနဲ့ပတ်သက်လို့ ကန့်သတ်ချက်မရှိပါဘူး။ အူရဒူကိုရွေးချယ်တဲ့ ကျောင်းသားတွေကတော့ အစ္စလာမ်ရဲ့ အခြေခံအချက်တွေကိုသင်ရပြီး သက္ကတဘာသာကို ရွေးချယ်တဲ့ ကျောင်းသားတွေကတော့ ဟိန္ဒူဘာသာတရားကို သင်ရပါတယ်။ တစ်မိုးအောက်က မွတ်စလင်နဲ့ မွတ်စလင်မဟုတ်သူတွေအချင်ချင်း ဘာသာရေးစာအုပ်တွေကို စိတ်ဝင်စားကြပြီး ဘာသာတရားတွေနဲ့ ဓလေ့ထုံးတမ်းတွေကို အပြန်အလှန်သင်ယူနေကြပါတယ်” ဟု ကွာရီရှီက ထပ်လောင်းပြောကြားခဲ့သည်

ထို့ပြင် အဆိုပါအစီအစဉ်က မတူညီသော လူ့အသိုင်းအ၀ိုင်းမှ ကလေးများကို စုစည်းစေသည်ဟုလည်း ၎င်းက ဆိုသည်။

အခြားသူများကလည်း လူ့အဖွဲ့အစည်းအချင်းချင်း သဟဇာတဖြစ်မှုနှင့် သည်းခံမှုကို ပြန့်နှံ့စေပြီး၊ တစ်ချိန်က ဟိန္ဒူနှင့် မွတ်စလင်တို့အကြား တိုက်ခိုက်မှုများကြောင့် ဘာသာရေးအမုန်းတရားများကို ဖယ်ရှားရန် ပြည်သူအများအတွက် အထောက်အကူဖြစ်စေသည်ဟု ချီးကျူးခဲ့ကြသည်။

“ဘာသာတရားနှစ်ခုရဲ့ ကျမ်းစာတွေမှာ တူညီတာတွေကို ကျွန်မတို့ အများကြီး တွေ့ရပါတယ်။ နာမည်သာ ကွာသွားတာပါ” ဟု ဖီရ်ဒေါက်စ် မဒ်ရာဆာကျောင်းမှ မွတ်စလင်ကျောင်းသူ ဇိုင်နဘ်ဂေါင်ရီက ပြောကြားခဲ့သည်။

အဆိုပါကျောင်းတွင်ပင် Grade 11 တက်ရောက်နေသော ဟိန္ဒူကျောင်းသား အာယူရှီ ၀ါရှီက ဘာသာရေး သင်ခန်းစာမှာ အားလုံးအတွက် လွတ်လပ်စွာ ရရှိနိုင်သည်ဟု ပြောကြားခဲ့သည်။

“တစ်နှစ် ရူပီ ၁၅၀၀ (၂၅ ကန်ဒေါ်လာ) လောက်နဲ့ ဒီလို့ အရေည်အသွေးမြင့်တဲ့ ပညာရေးမျိုး ရဖို့ဆိုတာ မဖြစ်နိုင်ပါဘူး။ တစ်မိုးအောက်တည်းမှာ ကလေးတွေဟာ ဟိန္ဒူနဲ့ မွတ်စလင်တို့ရဲ့ ဘာသာတရားတွေကို သင်ယူတာမျိုး မမြင်ဘူးခဲ့ပါဘူး” ဟု အာယူရှီ၏ ဖခင်ဖြစ်သူ ဆန်ဂျီဗ်က ပြောကြားခဲ့သည်။

မဒ်ယာ ပရာဒက်ရ်ှပြည်နယ်၏ မြို့တော် ဘိုပဲလ်တွင်နေထိုင်သည့် မွတ်စလင်တစ်ဦးဖြစ်သူ နိုရှာဝမ်-အီ- အဒ်ဒီလ်ကလည်း ထိုကဲ့သို့ပင် ပြောကြားခဲ့သည်

“လူတွေရဲ့ ဘာသာရေး ခံယူချက်တွေကို ဆက်လက်လှုံ့ဆော်ပေးနေတဲ့သူတွေ ကိုယ်ကျိုးအတွက် အစွန်းရောက်ဝါဒ သွတ်သွင်းပေးနေတဲ့သူတွေကို ဒီမဒ်ရာဆာကျောင်းတွေက ထိုးနှက်လိုက်တာပါပဲ” ဟု အဒ်ဒီလ်က ပြောကြားခဲ့သည်။

Ref:onislam