ယူကရိန်းမှ ကုရ်အာန်အာဂုံဆောင်သူ ပထမဆုံး အမျိုးသမီး

မတ် ၂၅၊ ၂၀၁၅
M-Media

– လွန်ခဲ့တဲ့ ၁၇ နှစ်လောက်က အစ္စလာမ်ဘာသာကို ပြောင်းလဲသက်ဝင်လာခဲ့တဲ့ ယူကရိန်း မွတ်စလင်အမျိုးသမီးတစ်ယောက်ဟာ ဘာသာစကားအခက်အခဲနဲ့ အချိန်ကန့်သတ်ချတ်တွေကို ကျော်လွန်ပြီး ကုရ်အာန်ကျမ်းတော်မြတ်ကို အာဂုံဆောင်နိုင်ခဲ့ပြီးတဲ့နောက် အခုဆိုရင် ယူကရိန်းရဲ့ ပထမဆုံး အမျိုးသမီး ဟာဖီဇာ (ကုရ်အာန်ကျမ်းတော်မြတ်ကို အာဂုံဆောင်နိုင်သူ) ဖြစ်လာခဲ့ပါတယ်။

“ကျွန်မ အာရဘီဘာသာစကားကို လေ့လာတာကနေ စတင်ခဲ့ပြီး ကုရ်အာန်ကို နားလည်ဖို့၊ အာဂုံဆောင်နိုင်ဖို့အတွက် ကုရ်အာန်ကျမ်းတော်မြတ်ရဲ့ ပါဒတော်တွေနဲ့ သူတို့ရဲ့ အဓိပ္ပါယ်တွေကို ချရေးလေ့ရှိပါတယ်။ အလုပ်မလုပ်ခင်၊ အိမ်ထောင်ပြုပြီး ကလေးမရခင် တက္ကသိုလ်ကျောင်းသူ ဘ၀ကတည်းက စခဲ့တာကြောင့် အချိန်တော့ တော်တော်လေး ကြာခဲ့ပါတယ်” လို့ ကုရ်အာန်ကျမ်းတော်မြတ်ကို အာဂုံဆောင်နိုင်ခဲ့တဲ့ ဗီရာ ဗာရီနက်က ပြောကြားခဲ့ပါတယ်။

အထူးသဖြင့် ဘာသာစကား အခက်အခဲ၊ အချိန်ကန့်သတ်ချတ်တွေကို စဉ်းစားတွေးတောခဲ့စဉ်က အသက် ၃၅ နှစ်ရှိပြီဖြစ်တဲ့ ဗီရာတစ်ယောက် ကုရ်အာန်ကျမ်းတော်မြတ်တစ်အုပ်လုံးကို အာဂုံဆောင်နိုင်လိမ့်မယ်လို့ မမျှော်လင့်ခဲ့ပါဘူး။

ဒါပေမယ့် အာရဘီဘာသာစကားကို သင်ယူလေ့လာခဲ့တာက ရည်ရွယ်ချက်ကြီးမားတဲ့ ဒီသစ်လွင်မွတ်စလင်အမျိုးသမီးအတွက် ကြီးမားတဲ့ အကူအညီ ဖြစ်စေခဲ့ပါတယ်။

“ကိဗ်မြို့က အစ္စလာမ့်ယဉ်ကျေးမှုစင်တာမှာ အာရဘီဘာသာစကားကို သင်ယူပြီးနောက်ပိုင်းမှာ ကုရ်အာန်ကျမ်းတော်မြတ်ကို အာဂုံဆောင်ဖို့ ကျွန်မအချိန်ဇယားတစ်ခုကို ရေးဆွဲခဲ့ပြီး ကျမ်းတော်မြတ် တစ်အုတ်လုံးကို ၉ လ လောက်နဲ့ အာဂုံဆောင်နိုင်ခဲ့ပါတယ်” လို့ ဗီရာက ဆိုပါတယ်။

သူမဘ၀ရဲ့ အိပ်မက်တစ်ခု အောင်မြင်ပြီးတဲ့နောက်ပိုင်းမှာတော့ ဗီရာက သူမဟာ မွတ်စလင်တွေကို ကုရ်အာန်ကျမ်းတော်မြတ် ပြန်လည်သင်ပေးဖို့ စိတ်အားထက်သန်နေပြီး အဲဒီလိုပဲ မွတ်စလင်မဟုတ်သူတွေ အကြားမှာလည်း စစ်မှန်တဲ့အစ္စလာမ်ကို ပြန့်နှံ့အောင် ဆောင်ရွက်သွားဖို့လည်း ရည်ရွယ်နေပါတယ်။

ဗီရာဟာ သူရဲ့ မောင်၊ မိခင်နဲ့ ညီမလေးယောက်စလုံး အစ္စလာမ်ကို သက်ဝင်ယုံကြည်လာအောင် ကူညီနိုင်ခဲ့သူ ဖြစ်ပြီး အစ္စလာမ်နဲ့ ပတ်သက်လို့ အသိပညာတွေ ရှာဖွေရာမှာ လူငယ်တွေကို ဖေးမနေသူတစ်ဦးလည်း ဖြစ်ပါတယ်။

အစ္စလာမ်ကို ပြောင်လဲသက်ဝင်လာသူ ယူကရိန်းအမျိုးသမီးငယ် ဂျာနာက ဗီရာနဲ့တွေ့ခဲ့ပြီးတဲ့နောက် အစ္စလာမ်ဟာ ဘာသာတရားတစ်ခုသာမက ဘ၀နေထိုင်မှုလမ်းစဉ်ဖြစ်တယ်ဆိုတာကို သိရှိယုံကြည်လာခဲ့ပြီး အစ္စလာမ်ကို ပြောင်းလဲသက်ဝင်ခဲ့တာလို့ ဆိုပါတယ်။

၂၀၁၂ ခုနှစ်မှတ်တမ်းများအရ ယူကရိန်းမှာ အစ္စလာမ်ဘာသာကို သက်ဝင်ယုံကြည်သူ ၅ သိန်းလောက်ရှိတယ်လို့ ခန့်မှန်းထားပြီး အဲဒီအထဲက ၃ သိန်းခန့်က ခရိုင်းမီးယား တာတာလူမျိုးတွေ ဖြစ်ပါတယ်။

ယူကရိန်းမွတ်စလင်ဘုတ်အဖွဲ့ရဲ့ အဆိုအရတော့ ၂၀၀၉ ခုနှစ်မှာတင် ယူကရိန်းက အစ္စလာမ်ဘာသာဝင်ဦးရေဟာ ၂ သန်းလောက် ရှိတယ်လို့ ဆိုပါတယ်။

ဘုရားသခင်က ကောင်ကင်တမန်ကြီး ဂျစ်ဗရာအီလ်ကနေတစ်ဆင့် တမန်တော် မုဟမ္မဒ်သခင်ထံ ချပေးခဲ့တယ်လို့ ယုံကြည်တဲ့ ကုရ်အာန်ကျမ်းတော်မြတ်ကို တည်တံ့အောင်ထိန်းသိမ်းရာမှာ အာဂုံဆောင်ခြင်းဟာ အရေးပါဆုံး နည်းလမ်းတွေထဲက တစ်ခုလည်း ဖြစ်ပါတယ်။

Ref: Onislam