ပါလက်စတိုင်းအရေး ကုလမှ အစီရင်ခံစာ ထုတ်ပြန်

မတ် ၂၇၊ ၂၀၁၅
M-Media

– ၂၀၁၄ ခုနှစ်မှာ ၁၉၆၇ ခုနှစ် စစ်ပွဲပြီးနောက်ပိုင်း ပါလက်စတိုင်းပြည်သူများ အသေအပျောက်များဆုံးနှစ် ဖြစ်သည်ဟု ကုလသမဂ္ဂမှ ထုတ်ပြန်သော အစီရင်ခံစာတွင် ဖော်ပြလိုက်ပြီး အကြီးတန်းအရာရှိတစ်ဦးကလည်း အစ္စရေးက ကျူးကျော်သိမ်းပိုက်ထားသည့် နယ်မြေများအတွက် “အကြီးအကျယ် ထိခိုက်ပျက်စီးစေသောခုနှစ်” ဟု ခေါ်ဝေါ်သမုတ်ခဲ့သည်။

ကုလသမဂ္ဂ လူသားချင်းစာနာထောက်ထားမှုရေးရာ ပူးပေါင်းဆောင်ရွက်ရေးရုံး OCHA မှ ယမန်နေ့တွင် ထုတ်ပြန်သော နှစ်ပတ်လည် အစီရင်ခံစာတွင် ထိုကဲ့သို့ ဖော်ပြခဲ့ခြင်းဖြစ်ပြီး ပါလက်စတိုင်းတို့၏ လူမှုဘ၀များ၊ လွတ်လပ်ခွင့်များ၊ လုံခြုံးရေးဆိုင်ရာ လှုပ်ရှားမှုနှင့် ဆောင်ရွက်ခွင့်ကို ထိခိုက်စေသော ပြဿနာ၊ ပါလက်စတိုင်းတို့၏ ပုံမှန်နေထိုင်ရပ်တည်နိုင်စွမ်းနှင့် ကိုယ့်ဝမ်းကိုယ်ကျောင်းနိုင်စွမ်းကို ပျက်ဆီးစေသော အစ္စရေး၏ ပေါ်လစီများက အစ္စရေး၏ ကျူးကျော်သိမ်းပိုက်မှုမှ ပါလက်စတိုင်းတို့ လွတ်မြောက်ရေးကို
ပိတ်ဆို့ထားသည်ဟု ဖော်ပြခဲ့သည်။

အဆိုပါ အစီရင်ခံစာကို “ကြေမွနေသော ဘ၀များ” (Fragmented Lives) ဟု အမည်ပေးထားပြီး ကုလသမဂ္ဂလက်အောက်ခံ အေဂျင်စီများ၊ အစိုးရများ၊ နိုင်ငံတကာ၊ ပါလက်စတိုင်းနှင့် အစ္စရေး အန်ဂျီအိုတို့များမှ ရရှိသည့် အချက်အလက်များကို အခြေခံကာ ထုတ်ပြန်ခဲ့ခြင်းဖြစ်သည်။ အစီရင်ခံစာတွင် အထက်ပါအကြောင်းအရာများကို ဖယ်ရှားပစ်လိုက်ပါက ပါလက်စတိုင်းပြည်သူများမှာ နိုင်ငံတကာမှ လူသားချင်းစာနာထောက်ထားမှုဆိုင်ရာ အထောက်အပံ့များမလိုဘဲ ၎င်းတို့၏ ကိုယ်ပိုင် အသင်းအဖွဲ့များနှင့်
စီးပွားရေးတို့ကို ဖွံ့ဖြိုးတိုးတက်အောင် လုပ်ဆောင်နိုင်စွမ်း လုံလုံလောက်လောက် ရှိလာမည်ဟု ဆိုသည်။

“၂၀၁၄ ခုနှစ်ဟာ (အစ္စရေးက ကျူးကျော်သိမ်းပိုက်ထားသော နေရာများမှ) ပါလက်စတိုင်းပြည်သူတွေအတွက် အကြီးအကျယ် ထိခိုက်ပျက်စီးစေတဲ့ ခုနှစ်ပါပဲ။ (အစ္စရေးက) ဆက်လက်ကျူးကျော်နေခြင်းဟာ ပါလက်စတိုင်းတွေရဲ့ လူလူသူသူ အသက်ရှင်နေထိုင်နိုင်စွမ်းကို ထိခိုက်ပျက်စီးစေပါတယ်။ ဒီအကြောင်းအရင်းတွေကို ဖယ်ရှားပြီး၊ ဒီပေါ်လစီတွေကို ပြောင်းလဲလိုက်မယ်ဆိုရင်တော့ အဲဒီမှာ နိုင်ငံတကာ အကူအညီတွေ လိုအပ်တော့မှာ မဟုတ်ပါဘူး” ဟု ပါလက်စတိုင်းဒေသများအတွက် ကုလသမဂ္ဂ လူသားချင်း စာနာထောက်ထားမှုဆိုင်ရာ ညွှန်ကြားရေးမှူး ဂျိမ်းစ် ရော်လေးက ပြောကြားခဲ့သည်။

ပြီးခဲ့သည့်နှစ်က အနောက်ဘက်ကမ်းတွင် ပါလက်စတိုင်း ၅၈ ဦး အစ္စရေး၏ လက်ချက်ကြောင့် သေဆုံးခဲ့ပြီး ၂၀၀၇ ခုနှစ် အစ္စရေးစစ်တပ်များ ကျူးကျော်ဝင်ရောက်လာပြီးနောက်ပိုင်း ထိခိုက်မှုပမာဏ အမြင့်ဆုံးဖြစ်ခဲ့ကာ ဒဏ်ရာရရှိသူအရေအတွက်မှာလည်း ၆၀၀၀ ကျော်ရှိခဲ့ပြီး ၂၀၀၅ ခုနှစ်နောက်ပိုင်း အမြင့်ဆုံးဖြစ်သည်ဟု အစီရင်ခံစာတွင် ဖော်ပြခဲ့သည်။

“အစ္စရေးအာဏာပိုင်တွေက အိမ်တွေဖြိုတာကြောင့် ပါလက်စတိုင်းပြည်သူ စံချိန်တင် ၁၂၁၅ ဦးဟာ အိုးအိမ်စွန့်ခွာ ထွက်ပြေးခဲ့ရပါတယ်။ နိုင်ငံတကာဥပဒေအရ အငြင်းပွားမှုတွေရှိနေတဲ့ (ပါလက်စတိုင်းပိုင်နက်အတွင်း အစ္စရေးမှ တည်ဆောက်သော) အခြေချ အိမ်ရာတွေနဲ့ တရားမ၀င် ပြောင်းရွှေ့အခြေချလာသူတွေကလည်း ဆက်လက်ရှိနေပြီး ပါလက်စတိုင်းက လူ့အဖွဲ့အစည်းတွေ ထိခိုက်ခံစားနေရတဲ့ ချို့တဲ့မှုတွေကို တပ်တိုးဖြစ်စေပါတယ်” ဟု ရော်လေးက ထပ်လောင်းပြောကြားခဲ့သည်။

ပြီးခဲ့သည့်နှစ် ဇူလိုင်လမှ သြဂုတ်အတွင်း ဂါဇာဒေသအား အစ္စရေးမှ တိုက်ခိုက်မှုကြောင့် (ကလေးငယ် ၅၅၀ အပါအ၀င်) ပါလက်စတိုင်းအရပ်သား ၁၅၀၀ နီးပါး သေးဆုံးခဲ့ရပြီး လူနေအဆောက်အုံများ၊ ဆေးရုံများ၊ စာသင်ကျောင်များနှင့် အရေးပေါ်ကယ်ဆယ်ရေးစခန်းများလည်း ပျက်ဆီးခဲ့ရသည်။

အဆိုပါ အစီရင်ခံစာအရ “၂၀၁၄ ခုနှစ်တွင် ဂါဇာဒေသအတွင်း အိုးအိမ်စွန့်ခွာ ထွက်ပြေးရသူ အရေအတွက်မှာ ၁၉၆၇ ခုနှစ်နောက်ပိုင်း အမြင့်ဆုံးနှုန်းဖြစ်ခဲ့ပြီး ဂါဇာလူဦးရေ၏ ၂၈ ရာခိုင်နှုန်းဖြစ်သော လူဦးရေ ၅ သိန်းနီးပါးမှာ ဒေသအတွင်း အိုးအိမ်စွန့်ခွာ ထွက်ပြေးခဲ့ရသည်” ဟု ဖော်ပြထားသည်။

တိုက်ခိုက်မှုများပြီးနောက် ဂါဇာတွင် ပြည်လည်တည်ဆောက်ရေးလုပ်ငန်းများလည်း နှေးကွေးနေပြီး အစ္စရေး၏ ပိတ်ဆို့ထားမှုများနှင့် ကူညီထောက်ပံ့မည်ဟု ကတိပြုထားသည့် နိုင်ငံတကာမှ ငွေများ အပြည့်အ၀ မရရှိခြင်းကလည်း ဆောက်လုပ်ရေးလုပ်ငန်းများအတွက် အတားအဆီးဖြစ်နေကြောင်း အစီရင်ခံစာက ဆိုသည်။

အနောက်ဘက်ကမ်းတွင်မူ အစ္စရေးမှ နေအိမ်များ ဖျက်ဆီးဖြိုချမှုကြောင့် အခြေမဲ့အနေမဲ့ဖြစ်ခဲ့ရသူ အရေအတွက်မှာ ၂၀၀၈ ခုနှစ် OCHA မှ စတင် စစ်တမ်းကောက်သည့်နောက်ပိုင်း အမြင့်ဆုံး ပမာဏသို့ ရောက်ရှိခဲ့သည်။

အစ္စရေးမှ အပြည့်အ၀ သိမ်းပိုက်ထားပြီး အနောက်ဘက်ကမ်းခြေ ဧရိယာ၏ ၆၀ ရာခိုင်နှုန်းရှိသော Area C တွင် အစ္စရေးက အခြေခံအဆောက်အဦးများ ဖျက်ဆီးဖြိုချမှုမှာ ပြီးခဲ့သည့်နှစ်က လျော့ကျခဲ့သော်လည်း လူနေအိမ်များကို ပိုမိုပစ်မှတ်ထားလာသောကြောင့် အိုးအိမ်စွန့်ခွာ ထွက်ပြေးရသူများမှာ ပြီးခဲ့သည့် နှစ်ကထက် ၂၀ ရာခိုင်နှုန်းတိုးလာခဲ့ကြောင်း အစီရင်ခံစာတွင် ဖော်ပြထားသည်။

နိဂုံးချုပ်အနေဖြင့် နိုင်ငံတကာအသိုင်းအ၀ိုင်းက ထိုလုပ်ရပ်များ ပပျောက်သွားစေရေး ဖိအားပေးရန်နှင့် ထိုလုပ်ရပ်များအတွက် အစ္စရေးက တာဝန်ယူလာအောင် ဆောင်ရွက်ရန် တိုက်တွန်းခဲ့သည်။

“အရပ်သားတွေအားလုံးကို ကယ်တင်ဖို့၊ ဒီကိစ္စတွေကို ကျူးလွန်တဲ့သူတွေ တာဝန်ခံစေဖို့နဲ့ ဒီပြဿနာမှာ ပါဝင်နေသူတွေအားလုံးဟာ ရက်စက်ကြမ်းကြုတ်မှုတွေကို နိုင်ငံတကာ ဥပဒေနှင့်အညီ ဆောင်ရွက်ရေး ဦဆောင်ဦးရွက်ပြုဖို့ ဥပဒေကြောင်းအရ သူတို့ရဲ့ တာဝန်ဝတ္တရားတွေကို မဖြစ်မနေ ကျေပွန်ရပါမယ်”

Ref: Aljazeera